Adnan Oktar A9 TV; 3 dekabr 2015

İslam Birliyinə qarşı müqavimət göstərmək haramdır, müsəlmanların başına lider seçməsi fərzdir. Hər gecikmə haramın qatlanaraq artmasına səbəb olur, müsəlmanlar, öldürülən hər insandan, hər məzlumdan məsul olurlar. Çünki inadla İslam Birliyini istəmirlər, inadla mehdiyyətdən uzaq dayanmağa çalışırlar. Uzaq dayanmağa çalışdıqca da, cinayətlər, ölümlər qatbaqat artır.

Bölgə, Türk İslam Birliyi düşüncəsini qəbul edər. Lakin Amerikanın bu hegemon məntiqini qəbul etməzlər. Bir də Osmanlı deyə heç nə olmaz. Səlcuqlular deyə heç nə olmaz. Bir daha Oğuz xanın dövrünə qayıdılmaq olmaz. Bir daha Sultan Alp Arslanın dövrünə qayıdılmaq olmaz. Nəyə qayıtmaq olar? Gələcəyə qayıtmaq olar. Gələcək nədir? Mehdiyyətdir.

Yüz minlərlə müsəlman şəhid edilir. İslam Birliyi olsa bitəcək bu. İslam Birliyinin olmaması cinayətlərə səbəb olur. Müsəlman, İslam Birliyini müdafiə etmədikdə bilmədən bu ölümlərə şərik olmuş olur.

Ən mühüm məsələ İslam Birliyidir. İslam Birliyi olsa terror o andaca dayanacaq. Müsəlmanlara tətbiq olunan şiddət dərhal həmin anda dayanacaq.

Prezident idarəetmə sistemini yaratsalar, bu federasiyanın yaranmasına səbəb olar. Türkiyə parçalansa, artıq Türkiyənin mənası qalmaz. İttihad-ı İslama nəhəng zərbə endirilmiş olar. Biz İslam aləminin, Türk aləminin son ümidiyik.

Bütün bu hadisələr hədislərdə təsvir edildiyi kimi baş verir. Hz. Mehdi (ə.s)-ı da görəcəyik, hz. İsa Məsihi də görəcəyik, İslam Birliyini də görəcəyik, hamımız vəzifəmizi bitirdikdən sonra gedəcəyik. Burada heç kəs qalmayacaq. Sonda qalanlar da arxamızca gələcək, dünya boşalacaq, sonra da qiyamət qopacaq.

Allah böyük hadisələri insanları yuxudan oyatmaq üçün yaradır, lakin bir çox insan vecinə almır. Yanında bomba partlayır, bunu media xəbəri kimi söyləyir. Peyğəmbər (s.ə.v)-in hədislərində insanların hamısı bu dərin yuxularından tamamilə oyanana qədər hadisələrin davam edəcəyini görürük.

İmam Hüseynin intiqamı qan ilə alınmaz. İslam Birliyinin yaradılması ilə, İslam əxlaqının dünyaya hakim olması ilə alınar.

Türkiyə İslam Birliyinin qalası olduğu üçün, Türkiyənin bölünməsinə icazə verəcək hər şeyə çox kəskin reaksiya verilməlidir. Millətin bütövlüyünü təmin etmək çox əhəmiyyətlidir.

Peyğəmbərimiz (s.ə.v), hz. Mehdi (ə.s) dövründə Betlehəm ulduzunun görünəcəyini söyləyir. Betlehəm ulduzu hələ bu yaxınlarda görüldü. 2000 ildən bir görülür; bir dəfə hz. İsa (ə.s)-ın dünyaya gəldiyi vaxt görüldü, bir də hz. Mehdi (ə.s)-ın zühurunda.

İmam Sadiq belə buyurdu: İki körpü əngəlləndiyi vaxt, məhz bu Əhli-Beytdən qaim Mehdimizin zühur vaxtıdır. (Melaim vel Fiten, İbni Tavus, 181)

Mehdiyyətlə əlaqədar hədislər nəfəs kəsəcək şəkildə, heyranlıq oyandıracaq dəqiqlikdə tam olaraq doğru çıxır. Yüzlərlə hədis reallaşdı.

Peyğəmbərimiz (s.ə.v) Axırzamanda İstanbulda körpünün ordu batalyonu tərəfindən tutulacağını və Şərqdən gələn təyyarələrin üzərində uçacağını söyləmişdir.

Bədiüzzaman Axırzaman hədislərinin vaqe olmasından sonra, yəni baş verməsindən sonra dəqiq şəkildə aydın olacağını söyləmişdir.

Axırzaman əlamətləri, Mehdi, İsa Məsih, Allahın vədidir. Allah vədinə xilaf çıxmaz Mehdi və İsa Məsih, Dabbədən, yəni televiziya və internetdən istifadə edərək təbliğ edəcəklər.

Suyuti həzrətləri dünyanın ömrü ilə əlaqədar səhih hədislər nəql edir. Hədislərə görə dünyanın ömrü 7000 ildir, bunun 5600 ili keçmişdir. 7000-dən 5600 çıxdıqda 1400 qalar. Hədislərin xəbər verdiyi bütün məlumatlardan hazırda mehdiyyət dövründə olduğumuzu açıqca görürük.

Peyğəmbərimiz (s.ə.v) Mehdinin zühurunu xəbər verən 600-dən çox əlamət deyir, bütün bunlar hicri 1400-cü ildən bu günə qədər tək-tək gerçəkləşdi.

Mehdi (ə.s) zühur etmədən əvvəl onun əlamətləri gələr. Gül bağçasına girmədən əvvəl bir gül qoxusu gəlir. Sonra gül ağacına doğru yaxınlaşarsan. O gül ağacını taparsan.

Dabiq mövzusundakı hədislər mötəbər hədis kitablarında qeyd olunur və bu hədislərdə qeyd olunan hadisələr eynilə gerçəkləşmiş olduğu üçün də bu hədislərin səhih olduğu görünür.

Dabiq hədisində keçən 80 millətin əsgərinin bölgədə toplanması ifadəsi 1400 ildir ki, ilk dəfə gerçəkləşdi.

Allah öz peyğəmbərlərindən istədiyinə qeybi bildirər. Peyğəmbərimiz (s.ə.v)-ə də Axırzamana dair qeyb xəbərlərini bildirmişdir.

Rəsulullah (s.ə.v) hələ sağ olarkən Mehdini komandan təyin etmiş və müsəlmanları onunla müjdələmişdir.

Mehdiyyəti ört-basdır edə bilmək üçün Rəsulullahın yüzlərlə möcüzəsini gizlədirlər. Gələcəkdə bu rəftarlarından ötrü çox xəcalət çəkəcəklər.

Bir insan dünyaya PKK-lı olaraq gəlməz, sonradan PKK-lı olar, təhsillə PKK-lı olar. Darvinist-materialist təhsilə son qoysan, Stalinizmin, kommunizmin çirkinliyindən danışsan həmin insanı qazanarsan. Bu qədər sadədir. İnsanı öldürmək yerinə beynindəki fikri, şeytanı öldür. İnsanın beynindəki şeytanı öldürsən, həmin insanı qazanarsan.

Allah möminləri diqqətlə qoruyar. Allah bəzən öz qatına da qaldırar. Məsələn, hz. İsa (ə.s)-ı öz qatına qaldırması kimi. Hz. Yəhya (ə.s)-ı, hz. Zəkəriyyə (ə.s)-ı şəhid olaraq yanına aldığı kimi, lakin hər nə olsa möminin lehinə olar.