Adnan Oktar A9 TV; 30 noyabr 2016

Musəvilər vahid Allaha iman gətirən, incəsənətə, keyfiyyətə, nəzakətə əhəmiyyət verən, minlərlə ildir ki, hz. Musaya sədaqət göstərən gözəl insanlardır. Müsəlmanlarla musəvilərin arasının dəyməsini istəyən şeytandır. Düşünmədən kor-koranə musəvi düşmənçiliyi etmək Qurana uyğun deyil.

İnsanların müharibəsiz, döyüşsüz, xoşbəxt yaşamaları ən asan şeydir. İslam Birliyinin yaranması da asandır. İnsanlar bunları boşuna çətin hesab edir. Bütün məsələ sevginin yaşanmasındadır. Sevgisizliklə, lovğalıqla, təkəbbürlük yarışı ilə İslam Birliyi yaranmaz. Səmimi sevgi ilə hər şey asan olar.

Tayyib hocam, Tramp, Putin və İran birləşsə İslam Birliyi çox asanlıqla təmin edilər və mehdiyyət ruhu bütün dünyaya dərhal hakim olar.

İslam Birliyində idealımız ölkələr arasında minalanmış sərhədlərin, divarların aradan qalxması, bütün müsəlmanların bir sevgi lideri ətrafında birləşməsidir.

Türkiyənin vurğulayacağı əsil şey hər zaman İslam Birliyi olmalıdır. Yəni İslam aləminin birləşərək müharibələrin, əzabların bitməsi, sevginin gəlməsidir.

Türkiyənin hədəfi torpaq genişləndirmək deyil, bütün İslam aləminin birləşməsi, bütün dünyaya sevginin, qardaşlığın gəlməsi, müharibələrin bitməsidir.

Bəziləri nə darvinizmə, PKK-ya qarşı mübarizə aparır, nə də İslam Birliyindən, Quranın həqiqətlərindən bəhs edirlər, təkcə müsəlmanlara hücum edirlər.

İslam Birliyi bütün müsəlmanların qardaş olaraq birlikdə yaşaması deməkdir. Ölkələrin parçalanması üzərində qurulmayıb.

Allahın musəviləri lənətlədiyi Qurana uyğun inanc deyil. Allah o dövrdə cinayət törətmiş, zülm etmiş olanları lənətləmişdir.

Allah 300-dən artıq kitab yazmağımı, bu kitabların 70-dən çox dilə tərcümə edilməsini, yazılarımın onlarla qəzetdə dərc edilməsini nəsib etdi. Dünyaya aludə olanlarla birlikdə, dünyaya aludə olsaydıq həftənin bir günü söhbət etməyi kafi hesab edərdik. Lakin ömrümüzü həsr edərək çox geniş təbliğ apardıq. Darvinizmin fikri olaraq məğlub olmasını, İngiltərə dərin dövlətinin ifşa olmasını, mövhumatçılığın zərərsizləşdirilməsini Allah bizə nəsib etdi. Təhsilli, seçilən təbəqənin İslam ilə əlaqələri demək olar ki, kəsilmişdi, bu əlaqəni biz yenidən qurduq və onlar da İslama xidmət edən vəziyyətə gəldilər. Ələvi, şiə, musəvi, xristian düşmənçiliyinin aradan qaldırılması, İsrail ilə Türkiyənin barışması üçün biz səmərəli iş gördük.

Musəvilər, xristianlar, evanqelistlər həmişə hz. Mehdi (ə.s)-ın gəlişini gözləyirlər, bütün səhih hədis kitablarında mehdiyyət mövzusu qeyd olunur.

Terror qınamaqla bitməz. Həll yolu insanı heyvan kimi görən, şiddəti müdafiə edən birtərəfli darvinist təhsilin dayandırılmasıdır. Quran həqiqətlərindən bəhs edilməsi, İslam Birliyi üçün səy göstərilməsi lazımdır.

Suriyada xəstəxanaların bombalanması çox böyük zülmdür. Bu zülm təkcə İslam Birliyi və mehdiyyətlə dayandırılar.

Müsəlman xristian, musəvi, vəhhabi, şiə, buddist, hər kəsin xilas olması üçün səy göstərər. Heç kimin həlak olmasını istəməz. Bu Qurana uymaz.

Hər uşaq İslam fitrəti üzərinə dünyaya gələr. Uşaqları daxil olmaqla, bir cəmiyyətin bütövlükdə lənətli olduğunu söyləmək İslama uyğun deyil. Allah bütün musəvilərin deyil, zülm edənlərin lənətli olduğunu söyləmişdir. Bir xalqın anadangəlmə lənətli olduğunu söyləmək zülm olar.

Hələbin də, Mosulun da qurtuluşu təkcə İslam Birliyidir. İran, Türkiyə və Pakistan birləşmiş olsa Hələbin “H”-sinə toxuna bilməzdi heç kim. İslam Birliyi yaransa heç bir terror təşkilatı olmaz. İslam Birliyinə qarşı olanlar bilərəkdən və ya bilməyərəkdən bu zülmün qapısını açırlar.

Bizim izahlarımızdan sonra Xameneyin bugünkü çıxışında “müsəlmanları bir-birinə qarşı təhrik edən ingilis şiəliyidir” deməsi əhəmiyyətlidir. Xameneyi eynilə bizim diqqət çəkdiyimiz kimi, İngiltərə dərin dövlətinə qarşı qurtuluşun təkcə İslam Birliyi ilə mümkün olduğunu söylədi.

Rusiyada dindar pravoslavların, musəvilərin, müsəlmanların olması çox gözəldir. Sinaqoqlar, kilsələrin dolu olması bizi çox sevindirir. Rusiya ilə aramızı vurmağa çalışdılar, Rusiya mediasındakı yazılarımızla Rusiya-Türkiyə dostluğunun güclənməsinə vəsilə olduq.

Əbdülhəmid dövründə Fələstindəki musəvi əhalisi 80 minə yüksəlmiş və 36 musəvi yaşayış məntəqəsi salınmışdır.

Xristianlara və musəvilərə “kafir” deyilməz. Onlar Kitab əhlidir. Allah Kitab əhlinin yeməyini və qadınlarıyla evlənməyi halal etmişdir.

Peyğəmbərimiz (s.ə.v)-in peyğəmbərliyini qəbul edən bir musəviyə “kafir” demək Qurana uyğun olmaz.

Musəvi düşmənçiliyi Qurana uyğun deyil. Musəvilər hz. Musanın övladlarıdır, minlərlə ildir ki, hz. Musaya sədaqət göstərirlər. Müsəlman bütövlükdə bir qövmə qarşı olmaz. Hər cəmiyyətdə olduğu kimi, musəvilər arasında da zalımlar olar, təkcə zalımlara qarşı çıxılar.

Amansız bir xristian və musəvi düşmənçiliyi müsəlmana yaraşmaz. Allah onların Kitab əhli olduğunu bildirmişdir. Kitab əhlinə şəfqət duyular.

Müsəlmanlıqda sevinc var. Musiqi, incəsənət, əyləncə olmayan bir İslam meydana gətirərək İslamı sanki yer üzündən silmək istədilər.

İslam aləminin parçalanmış olmasından istifadə edib uşaq-qoca müsəlmanları əzirlər. İslam aləmi bir mənəvi lider ətrafında birləşməlidir. Müsəlmanların mənəvi lideri olsa, bu lider ətrafında birləşmiş olsalar, radikalizm də, terror da qalmaz. Sülh olar.