Adnan Oktar A9 TV; 8 yanvar 2017

Allah bizim sevgilimizdir, biz Allahdan uzaq olmarıq. Harada olsaq, nə etsək də Allahı zikr edərik. İslam həyatdan kənar deyil.

Peyğəmbərimiz (s.ə.v) Mehdinin daş ürəkləri almaz edəcəyini bildirmişdir. Mehdi dünyanın sevgi müəllimidir.

Sevgisiz, qəzəb dolu, söyüşsüz danışa bilməyən, üfüqləri dar olan insanların təhsili üçün dövlət xüsusi təhsil proqramı icra etməlidir.

Pişiklər sevgini çox gözəl bilən çox fövqəladə varlıqlardır. İnsanlar pişiklərin şirinliyini və qiymətini hələ yeni-yeni anlayır.

Əyləncə, musiqi, rəqs bəzilərinə görə müsəlmanlara qadağan edilməli olan nemətlər kimi göstərildi. Bütün dünya nemətləri müsəlmanlarındır. Müsəlmanlara öz aləmlərində hər şeyin pisinə layiq gördülər, yeməklərin, paltarların ən pisi müsəlmanların olsun istədilər, bu oyunu puç etdik. "Müsəlman musiqi dinləməz, rəsm çəkməz, qəzet oxumaz", "müsəlman qadınlar dekolte geyinə bilməz, gülə bilməz" dedilər, bunu da dəyişdirdik.

Musiqini, rəqsi, əyləncəni, sevinci, gözəlliyi yaradan Allahdır.

Bəzi televiziya kanalları inanmadıqları və tətbiq etmədikləri həyatı insanlara təlqin edir, İslamı incəsənətsiz, gözəllik olmayan bir həyat kimi göstərirlər.

İslam Birliyi mövhumatçılığa əsaslanmayacaq. Müasir, keyfiyyətli, ziyalı, incəsənətə əsaslanan İslam anlayışı hakim olacaq.

Bəziləri İngiltərə dərin dövlətinə qarşı olmağı səhv anlayıb, müasirliyi, keyfiyyəti, yaraşıqlı olmağı uzaqlaşdırırlar, bu böyük səhv olar.

Sevgi üçün dərin səmimiyyət, dərin Allah qorxusu lazımdır. Allah sevginin şərtlərini Quranda bildirmişdir, bunlar olmadıqda sistem çökər. Sevginin yaranması üçün səmimiyyət olmalıdır, lakin bəzilərinin hər hərəkəti nümayiş olur, əlləri, baxışları, yerimələri nümayişdən ibarət olur. Sistem səmimiyyətsizliyin üzərində qurulduğu üçün ehtiras olmur. Ehtiras xüsusi güc tələb edir, təqlid edilməsi qadını çox qəzəbləndirər.

Yol, körpü, bənd inşa edilməsi, incəsənət və azadlıq olmadıqda əksik qalır. Bütün küçələrdə incəsənət olmalıdır, qadınlara azadlıq olmalıdır. İncəsənət və Keyfiyyət Nazirliyinin yaradılması çox mühüm məsələdir. Bu, Türkiyənin mövzuya verdiyi əhəmiyyəti göstərər. Bir addım atılsa arxası gələr.

Türkiyə üçün ən mühüm məsələlərdən biri keyfiyyət və incəsənətdir. Mütləq Keyfiyyət və İncəsənət Nazirliyinin yaradılması, bu sahədə təşəbbüs göstərilməsi lazımdır.

Hz. Süleyman dövründə də Peyğəmbərimiz (s.ə.v) dövründə də müsəlmanların keyfiyyəti, gözəlliyi İslamın təbliğində çox təsirli olurdu. Müsəlmanların gözəlliyini, keyfiyyətini, nəzakətini, sevincini görən İslamı yaşamağı sevinclə qəbul etməlidir. Keyfiyyətsizlik İslamı daxilən çökdürər.

Bizim bütün həyatımız İslamdır. Dinin olmadığı həyatın tək bir anı, tək bir nöqtəsi olmaz. İslamla yaşayar, İslamla ölərik.

Anadolunu tanıdan tədbirlərdə xalqı pis göstərəcək bir üslub işlədilməsi çox çirkin olar. Anadolu insanına layiq olduğu hörmət göstərilməlidir. Cəmiyyəti adi, bəsit, keyfiyyətsiz əyləncələrə təşviq etmək doğru deyil. Xalq həmişə keyfiyyətli, gözəl şeylərə təşviq edilməlidir.

İslamı içinə qapalı, ölü, əzab dolu sistem kimi göstərdikləri üçün insanlar İslamdan qaçır. Dəccaliyyətin bu oyununu biz pozduq. Sevgi, əyləncə, gözəllik, dostluq ən gözəl halı ilə İslamda yaşanar.

Türkiyə əgər ultramüasir ölkəyə çevrilsə, Türkiyəni parçalamaq istəyənlərin əlindəki ən böyük silah alınmış olar. Əgər Türkiyə incəsənətin, elmin, estetikanın hakim olduğu, qadın hüquqlarının ən yüksək səviyyədə təmsil edildiyi ölkə olsa əllərindəki fürsəti yox edərik.

Qərbin YPG/PKK-nı dəstəkləməsinin səbəblərindən biri də bölgədə mövhumatçılığa qarşı tarazlıq ünsürü olacaq müasir quruluş olduğunu zənn etmələridir. Türkiyə əgər çox müasir olsa, qadın hüquqlarını, incəsənəti, elmi gücləndirsə, bu iddianı irəli sürənlərin bütün fürsətləri əllərindən alınmış olar.

Türkiyənin 99%-də müasir, ziyalı müsəlman dünyagörüşünün hakim olmasına biz vəsilə olduq. Mövhumatçı sistemin yaşanılmaz olduğunu hər kəs gördü.

CHP müasir dindarlığı müdafiə edən, solun ən sağında olan bir partiya halına gəlsin. Millətimiz o zaman CHP-ni baş tacı edər. CHP keçmiş zehniyyəti tamamilə rədd edib Atatürkün müasir dindarlığını əsas götürən, xalqa yaxın, solun ən sağındakı bir mövqedə çıxış etməlidir.

Hər peyğəmbər öz dövrünün ən müasir insanı idi. Müasirliyi çirkin qarşılamaq məntiqsizlikdir.

Müsəlmanlıqda sevinc var. Musiqi, incəsənət, əyləncə olmayan bir İslam meydana gətirərək İslamı sanki yer üzündən silmək istədilər.

İranı uzun müddət təhdid kimi göstərdilər, bu oyunu Türkiyə puç etdi. İran ilə Türkiyənin dost olması üçün biz də elmi iş gördük.

Trampı Türkiyə olaraq, türk dövlətləri olaraq və İslam aləmi olaraq dəstəkləyəcəyik. İngiltərə dərin dövlətinə qarşı, Rusiya və Çin də Trampa dəstək verəcək.

Peyğəmbərimiz (s.ə.v) Mehdinin müqəddəs əmanətlərlə zühur edəcəyini söyləmişdir. Müqəddəs əmanətlər İstanbuldadır. Mehdi İstanbulda zühur edəcək.