Adnan Oktar A9 TV; 25 iyul 2016

Müasir, ziyalı, keyfiyyətli Türkiyə məsələsi üzərində dayanmaq lazımdır. Mövhumatçı ənənəpərəst görünüş iztiraba səbəb olar.

Hər şeyi demokratik zəmində qiymətləndirmək lazımdır. İslam aləminin də Türk aləminin də son böyük qalası Türkiyədir. Həmişə ittifaq etməkdə, hadisələrə dostcasına, qardaşcasına baxmaqda qətiyyətli olmaq lazımdır.

Allah; "fitnə qətldən betərdir" deyir. Fitnədən çəkinmək lazımdır. Qanuni demokratik hökumət etibarlı olan hökumətdir. Hərbi çevriliş deyə bir şey ola bilməz.

Türkiyə Avropa İttifaqının bütün meyarlarını yerinə yetirsə belə Türkiyəni qəbul etmək istəməzlər. Çünki keyfiyyət, müasirlik, qadına hörmət anlayışı zəifdir. Hər cəhətdən çox keyfiyyətli insanlarımız var, lakin keyfiyyətsiz insanlar Avropa İttifaqına daxil olmağımıza əngəl törədir. Yoxsa müsəlman olmağımızla əlaqəsi yoxdur.

Keyfiyyətin, incəsənətin hakim olduğu heç bir ölkədə dövlət çevrilişi olmur. Keyfiyyətin, incəsənətin olmadığı hər ölkə həlak olur və pərişan olur.

Qadınlarını əzən, qadınlarına hörmət etməyən, qadınlarının azadlığını yox edən, keyfiyyəti, incəsənəti yox edən hər ölkə həlak olur. Buna çox diqqət yetirsinlər.

Dünyəvilik İslamda var. "De: Sizin dinininiz sizə, bizim dinimiz bizədir" hökmü dünyəviliyin çox qısa xülasəsidir. Dünyəvilik dinsizlik şəklində tətbiq edildiyi zaman, burada bir səhv olur. Yoxsa xristian sərbəstdir, musəvi də sərbəstdir, dinsiz də sərbəstdir, dindar da sərbəstdir. Hamısı inanclarına uyğun yaşayarlar. Xristian kilsəyə gedər, müsəlman məscidə gedər, istədikləri kimi ibadətlərini yerinə yetirərlər. Dünyəvilik budur.

Hər şey Allah sevgisi ilə gözəldir. Allahın hədiyyəsi olduğunu düşündüyün zaman nemətlərdən zövq alınar.

Allah sevgisi, məşəqqət, səbir, ruhu çox gözəlləşdirdiyi zaman, insan cənnətdə Allahın təcəllisini gördüyü üçün, Allahı sevdiyi üçün çox güclü zövq alır. Buna görə də, dünyadakı hər 5-10 dəqiqə belə təhsil baxımından çox əhəmiyyətlidir.

Münafiq ayələrini oxuyarkən, qarşıdakı hər hansı qüvvə deyil də, özümüzün də münafiq ola biləcəyimizi düşünərək, ayələri özümüzə aid edərək, Allahdan qorxaraq özümüzü tərbiyə etməliyik. Münafiq onsuz da bu ayələrlə heç maraqlanmaz. O yeni oyunlar axtarar.

Türkiyə dünyanın sevgi mərkəzi olmalıdır, sevgi müəllimlərinin məktəbi olmalıdır. Mərhəməti, şəfqəti, sevgini, dostluğu, qardaşlığı, yaxşılığı, gözəlliyi, təmizliyi dünyaya biz anlatmalıyıq.

Biz İslamın həyatın məhz özü olduğunu göstərdik. Rəqs etmək, gülmək, sevinc hissi, pul, zənginlik, gözəl olan hər şey müsəlmanlar üçündür.

Özünü böyük hesab etmək, lovğalanmaq, özünü tərifləyərkən də qarşısındakını vicdan yaxud mərhəmət tərəfini az göstərmək münafiqin xüsusiyyətidir. Özünü həmişə zərər çəkmiş kimi göstərər, mömini də insanları incidən kimi göstərər. Belə əxlaqsızlığı vardır.

İslamı yaxşı tanıyan biri həlim olmağın gözəlliyini bilər. Hz. İsa Məsih həlimdi. Hz. İbrahim (ə.s) həlimdi, Allah həlimliyini tərifləmişdir. Yəhya (ə.s) həlim övlad idi. Peyğəmbərimiz Rəsulullah (s.ə.v) həlim insan idi. Mömin həlim olmalıdır.

Dünyəvi təhsilin olması üçün həm darvinizm, həm də onun əsassızlığını izah edən yaradılış həqiqəti eyni anda təhsilə daxil edilməlidir.

Estetika, incəsənət, gözəllik və ehtişam Allah qorxusu və sevgisi ilə meydana gələr. Allahı çox sevən gözəllik üçün çox diqqətli olar.

Gələcəyimiz İslam Birliyidir, müasir Türkiyədir, bütün Asiyanın birləşməsidir. Rusiya da daxildir, İslam aləmi daxildir, Türk dövlətləri daxildir. Böyük olan yeni bir bloka doğru gedirik.

Bizim millətimiz imanlı millətdir, bir dəccal hücumu oldu və onu geri oturtduq. Ən böyüyü gəlsin, ən qoçusu gəlsin, on misli peşman edərək geri göndərərik.

Dövlət çevrilişində insanların eqoist davranacaqları, qorxub səs-səmir çıxarmayacaqları düşünülürdü. Bu reaksiya dünyanın da, İngiltərə dərin dövlətinin də heç gözləmədiyi bir reaksiyadır. Millətin bu qədər imanlı və qətiyyətli olacaqlarını təxmin etmirdilər.

Keçmiş zamanlardan bəri bəzi dövrlərdə dövlət çevrilişinə qarşı xalqın qorxacağı və çəkinəcəyi qənaəti vardı. Bunun yanlış qənaət olduğunu millət sübut etdi.

Dövlət çevrilişinin ikinci mərhələsində millət daha da qaynaşacaq. Bir mərhələsi daha var hədisə görə, açıqlamalara görə. Millət qurğuşunla qaynadılmış bina halına gələcək ayənin ifadəsi ilə, bu ayə də reallaşacaq.

Bu dövlət çevrilişi hadisəsiylə Allah bütün dünyaya millətimizin xarakterinin ucalığını, nə qədər cəsur və igid olduqlarını göstərdi.

Dəhşətli dərəcədə bir qardaşlıq, dostluq və həmrəylik duyğusu yarandı. Onsuz da mehdiyyət də budur. Mehdiyyətin ən mühüm məqsədi reallaşmış oldu. Ən zəruri məqsəd reallaşmış oldu.

Allah mehdiyyəti ağlasığmaz şəkildə sürətləndirdi. Mehdiyyətin əldə edəcəyi qardaşlıq duyğusunu tək bir gecədə Allah milləti tərbiyə edərək verdi, Cabbar adı ilə tək bir gecədə. Normalda belə bir qardaşlığı 30 ildə əldə edə bilməzsən, Allah 30 saatın içərisində verdi.

Mümkün riskə qarşı TRT, Telekom, Türksat kimi rabitə və internet mərkəzlərinin yaxşı qorunması çox əhəmiyyətlidir.