Adnan Oktar A9 TV; 16 avqust 2013

Bəkir Bozdağa keçmiş olsun, çox həlim insandır. Belə tanınan siyasətçilərin hər yerdə təhlükəsizliyini təmin etmək lazımdır.

Yaxın Şərqdə orduların çoxu öz xalqlarına qarşı, müsəlmanları qırmağa istiqamətlənərək təşkilatlanmışdır. Suriyaya, Misirə baxın, İsraildən çəkinirlər, amma öz xalqlarına gəlincə qoçuluq edirlər.

Bədiüzzaman belə deyirdi: "İslam siyasətlə hakim ola bilməz". İslam ancaq mehdiyyətlə hakim olar.

Hz. Mehdi (ə.s) ilə yenidən səhralara yağış yağacaq, yenidən dünyaya ruh gələcək, İslam dünyaya hakim olacaq, inşaAllah.

Bədiüzzamanın şərhlərinə görə İsa Məsih (ə.s) təbliğ fəaliyyətlərini hz. Mehdi (ə.s)-ın öhdəsinə buraxar. Özü isə dünya siyasətinə istiqamət verər.

Hal-hazırki məqbul müsəlman üzünün əsas səbəbi Bədiüzzamandır. Müasir İslam, səhabə İslam anlayışının ilk təməlinin zəminini o hazırlamışdır.

Bədiüzzaman Səid Nursi çox gözəl alimdir. Yəni son 1000 ilin ən böyük alimidir. Türkiyədə belə bir hüzur varsa, İslam aləmində belə ağıllı İslam anlayışı varsa, anarxiyaya, terrora qarşı olan müsəlmanlar varsa, bu Bədiüzzaman sayəsindədir.

İslam Birliyi və mehdiyyət Risalə-i Nurun özüdür.

Zərbə endirmək Yaxın Şərqə və Asiyaya məxsus çirkin xüsusiyyətdir. 3-cü Dünya ölkələrində ortaya çıxan primitiv bir hərəkətdir.

Hadisələrə tam siyasət gözü ilə deyil, iman gözü ilə baxmaq lazımdır. Bütün “dərin dövlətlərə”, insanlara və hadisələrə hakim olan Allahdır. Hadisələrin ledün cəhətlərini yaxşı görmək lazımdır.

Allah mehdiyyətin qarşısına çıxan hər maneəni əzər. Heç bir siyasi güc mehdiyyətə meydan oxuya bilməz, oxusa da mütləq məğlub olar. Naməlum, təxmin etmədiyi bir sistem içinə daxil olar. Fərqinə varmadan məhvə doğru gedər.

Həddindən çox liderlər var, amma Allah heç birinə dünyanı nizamlama, düzəltmə gücünü vermir. Çünki Allah qədərdə İslamın dünya hakimiyyətini Mehdi (ə.s)-a nəsib edəcəyini yazmışdır.

Allah yolunu tutan insanlara çoxlu böhtanlar atılar. Bədiüzzamana da çoxlu sayda böhtan atılmışdı. Risalə-i Nurda 90 böhtan və təhqirə cavab vermişdir. 90 böhtan, axirətdə 90 min savab deməkdir, inşaAllah.

İslam durduğu yerdə hakim olmaz, vasitələr, məqsədlər vardır. Vasitələri Allah yaradır. Massonluq bir vasitədir.

İsraildə dini təmizləməyə çalışsan, Yaxın Şərqdə də dinə zərər gələr, Allah əsirgəsin. İsrailin dindarlığı bütün bölgəyə nümunə oldu. Misirə, Fələstinə nümunə oldu. Onlar da dindar oldular.

Əgər Mehdi (ə.s) və tələbələri səmimi olaraq şirkdən tamamilə uzaqlaşsalar, Allah Nur surəsi, 55-ci ayədə söz verərək: "Mən İslamı dünyaya hakim edəcəyəm. Qorxularınızı arxayınçılıqla əvəz edəcəyəm. Dini bütün cəhətləri ilə dünyaya hakim edəcəyəm. Amma şirk qoşmayacaqsınız, sadəcə bunu istəyirəm" deyir.

İslam əxlaqının dünyaya hakim olmasını könüldən, səmimi qəlbdən istəyən 10 nəfər adam olsa belə-amma sevgi ilə, qəlbən istəyəcək- Allah bu 10 nəfərlə İslamı dünyaya hakim edər, inşaAllah.

Türkiyənin və bölgələrinin otuz il sonrasını düşünərək ona uyğun plan qurulması lazımdır. Bu sistem güclü inanc üzərinə qurulmasa, müvəffəqiyyətli siyasi manevrlər üzərinə qurulsa, müvəffəqiyyətli siyasi manevrlər bir müddət sonra tam tərsinə dönə bilər.

Mehdiyyətin xüsusiyyəti, güclü inanc sistemi üzərinə qurulmasıdır. Yıxılmamasının da səbəbi budur. Güclü bir iman zəmini üzərinə siyasət qurmaq lazımdır. Unutmamaq lazımdır ki, güclü siyasi manevrin heç bir dəyəri yoxdur. Güclü siyasi manevrlər üzərinə qurulmuş sistemlər mütləq yıxılar, müvəffəqiyyətsiz olar. Bunu unutmaq olmaz.

Siyasət deyilərkən ilk öncə ağıla sevgi, məhəbbət gəlməlidir. Siyasət sevginin əmrində olmalıdır. Siyasət sevgiyə xidmət etməlidir. Mehdiyyət dövründə siyasət eşqin, sevginin qaynağı olacaq. Siyasət eşqi, sevgini əldə etmək üçün istifadə ediləcəkdir, inşaAllah.

Hal-hazırda dünya rahat deyil, Yaxın Şərq qan gölünə çevrilmiş vəziyyətdədir. Hal-hazırda Suriyada qorxu deyil, dəhşət yaşanır. Hz. Mehdi (ə.s) zühur etmədikcə belə olacaq.

İndi orta şərqdəki qarışıqlıq tamamilə sünidir. Heç bir gərəyi yox. Nur kimi tərtəmiz insanlar o bölgədə yoldaş olaraq, dostcasına çox gözəl yaşayacaqlar. Qiyamətə qədər bu sülhü mühafizə edəcəyik, inşaAllah.

Baş Nazirimizin Orta Şərq barəsində apardığı siyasəti düzgündür.

İnsanlar azad olmalıdır, cəmiyyətin lazımsız mövzularına müdaxilə etmək tarazlığı poza bilər.

Həmişə təvazökarlıq göstərən, məzlum olan qazanar. Bir şeyin üstündən keçməklə nəsə itirməzsən. Cəmiyyətin hər seqmentini əhatə etmək lazımdır. Ölkəni koalisiya kimi hər inanca mənsub, hər fikirə mənsub insanlarla birlikdə idarə etsinlər. Ziddiyyətli, davakar və inadkar görünüş vermək düzgün deyil.