Adnan Oktar A9 TV; 2 iyul 2014

Allah Türkiyənin böyüməsi üçün cəhd göstərənlərə kömək etsin. Yollarını açsın, bəsirətlərini, fərasətlərini artırsın. Yüksək vəzifələr versin, uğurlu etsin.

Prezident sistemi Türkiyəyə görə deyil; riskli olar, bölünməyə gətirib çıxarar Allah qorusun.

Gənclərə Milli Təhlükəsizlik dərsi kimi “Milli Şüur” dərsi verilməlidir. Bölünmənin təhlükəsi, milli birliyin, Türk-İslam Birliyinin, qardaşlığın, sevginin əhəmiyyəti, bunlar izah edilməlidir.

Türkiyəni bölmək istəyirlər. Hökumət elmi səfərbərliyə başlamalıdır. Bütün dövlət məktəblərində gəncliyi PKK təhlükəsinə qarşı dərs keçilməlidir. Kommunizmə qarşı, materialist fəlsəfəyə qarşı, bölünmə təhlükəsinə qarşı; orta məktəb, lisey, universitet bütün məktəblərdə təhsil verilməli, müzakirələr təşkil edilməlidir.

PKK-ın dağda verdiyi təhsilə əvəz olaraq gənclərimizə də mütləq siyasi təhsil verilməli, vətən, millət sevgisinin möhkəmləndiyi, bölünməyə qarşı qərarlı, darvinizmə, materializmə qarşı, kommunist təhlükəni dərk edən, kommunizmə necə cavab verəcəyini bilən, PKK-ın Stalinist nəzəriyyəsini yerlə-yeksan edən təchizata sahib, bölünməyə qarşı bütün informasiya ilə təmin edilmiş, siyasi mədəniyyəti yüksək səviyyəli gənclər kimi yetişdirilməlidir.

PKK-lılar həm siyasi təhsil alırlar, həm də siyasi təbliğatı əsas götürürlər. Cənub-Şərqdə böyük Kürdüstan qurmağın xəyalındadırlar. Bizim gəncliyimizin də böyük hissəsi evlilik hazırlığındadır, bir qismi də zəngin olmağın arxasınca düşüb.

Cənub-Şərq getdikdən sonra şəhid verməməklə öyünməyin bir mənası yoxdur. Təki şəhid verək, hamımız şəhid olaq, amma bu vətən bölünməsin. Şəhidlik böyük bir mərtəbədir, nemətdir.

Biz vətənin parçalanmasına icazə vermərik. Ölüm bahasına belə olsa icazə vermərik. 80 milyonun hamısının şəhid olmasını gözə alarıq.

Allah Türkiyəni bölmək istəyənlərin bəsir��tini, fərasətini bağlasın. Onları bütün bəlalara düçar etsin. Türkiyəni böldürmərik.

Türkiyəni bölünməyə aparan heç nəyi qəbul etmərik. Başçılıq sistemi deyilən bir şey heç vaxt və qəti şəkildə qəbul etmərik! Unutsunlar. Türkiyədə biz narahatlıq istəmirik. Türkiyə bütöv qalacaq.

Türk-Osmanlı ənənəsində bir insan bir dövləti dağıtmağa çalışsa, bir birlik; dövlət ehtimal edilə bilməyəcək qədər vəhşiləşər. Bir çox şeyə səs çıxarmaz, amma dövləti dağıtma məsələsində çox vəhşi çalamağı, dağıtmağı heç kim ağlının ucundan belə keçirməyəcək.

Türkiyə Osmanlı kimi Amerika kimi güclü olsa, federasiya və avtonom rəhbərlik olsa da fərqi olmaz. Amma hal-hazırda böyük bir təhlükə içərisindəyik.

Türkiyə xüsusi inayət altındadır. Kommunist dövlət qurdurmarıq, Türkiyəni böldürmərik. Bunu unudacaqlar.

Federasiya, avtonomluq kimi sözlər güclü Türkiyənin ruhuna yaraşmaz.

Federasiya sevgisiz insanların eqoist yaşamaq istəyidir.

Amerikanın başı bəlaya girdi, prezident idarəetmə sistemindən təngə gəlmişdir, dərhal xilas olmaq istəyirlər. Parlamentli idarəetmə ən ağıllısıdır. Asiyadakı və Yaxın Şərqdəki prezident idarəetmə sisteminə sahib bütün sistemlər ya diktatorluğa çevrilərək xalqı məhv etdi, ya da qanlı bir şəkildə dağılaraq liderləri məhv oldu.

Dünyaya sevgini hakim edəcəyik. Allah dünyanı sevgi olsun deyə yaratdı. "Qullar olsun, Mənə qulluq etsin" deyə yaratdı. Amma quldan istədiyi də sevgidir. Allah "Mən sizi sevim", "siz də Məni sevin" deyir. Sevgi olmasa, dünyanın bir mənası olmaz.

Dünyanı cəhənnəmə çevirməyə çalışanlara, dünyanı cənnətə çevirərək cavab verəcəyik.

Xanımlar bəzənəcək, onlar çiçək kimi bəzənəcəklər. Bəylər də bəzənəcək, yaraşıqlı olacaqlar. Mehdiyyət bəzək, gözəllik dövrüdür.

Qadınların bəyənilən olması gözəldir. Qadına və kişiyə qadağan olan çirkinlikdir, fahişəlikdir. Yəni haram olan cinsi əlaqəyə girməkdir. Yoxsa, qadının bəyənilməsində, kişinin bəyənilməsində günah yoxdur.