Adnan Oktar A9 TV; 7 yanvar 2015

Biz İslamın açıq-aydın tərəfini göstərdikcə qatı dinçilər öz aləmlərində qaranlıqdakı yarasaların birlikdə qışqırması kimi var gücləriylə qışqırıb bu gözəlliyə mane olmağa çalışırlar. İstədiyiniz qədər çırpının, mehdiyyət dövründə bunun qarşısını almağınız qeyri-mümkündür.

Mehdiyyət tələsik bir fəaliyyət deyil. Mehdiyyət bir yerə doğru getməz. Hadisələr mehdiyyətə doğru gələr. 2015-ci il fəlakətlər ilidir. 2016-cı il də fəlakətlər ilidir, həmçinin 2017-ci il də. Amma sonunda inadkarlıq edərək qəbul etmədikləri şeyi qəbul etmək məcburiyyətində qalacaqlar. Allahın arzusu yerinə yetmiş olacaq.

Hal-hazırda Allahın yaşatdığı dəhşətin tək səbəbi; Mehdi (ə.s)-ı qəbul etməməyinizdir. Bunu qəbul etmədiyiniz müddətcə dəhşətin, zorakılığın həddi daha da artacaq. Məcburən, Allahın “Cabbar və Qəhhar” adlarının təcəlli etməsiylə Mehdi (ə.s)-ı qəbul edəcəksiniz.

Allah 2015-ci ildə təzyiqi bir qədər də artıracaq. "Nə edək?" deyə qışqırmağa başlayacaqlar. Sonra mehdiyyət mövzusu gündəmə gələcək. "Müsəlman aləminin bir liderinin olması lazım deyil?" deyəcəklər. "Lazımdır" deyəcəklər. "Görəsən nə edək?" deməyə başlayacaqlar. Sonra “Mehdi” adını zikr etməyə başlayacaqlar. Sonra da Mehdi (ə.s)-ı axtarmağa başlayacaqlar. Bu da formal xarakterli bir axtarışdır. Yəni Allah onları ən çox qaçdıqları mövzuya daha çox məcbur edəcək.

Adamlar istəyir ki; "axirət də, mehdiyyət də, İslam Birliyi də olmasın. Dünya işləriylə məşğul olaq. Çek və sənədlə məşğul olaq. Avtomobil alıb-sataq". Bura əyləncə yeri deyil. Əlbəttə ki, belə olduqda Allah da dünyanı cəhənnəmə çevirir.

Kim Mehdi (ə.s)-ı sevirsə Allah onu güc verir. İran Mehdi (ə.s)-ı sevdiyi üçün Allah PKK bəlasını da üstündən götürür, güc-qüvvət verir, cəsarət verir. Mehdi (ə.s)-dan uzaq olan isə məğlub olur, əzilir, məhv olur. Məsələn, İraq mehdiyyətə qarşı çıxdı, məhv oldu. Suriya və Misir mehdiyyətə qarşı çıxdı, məhv oldular.

Allah şirk qoşmadıqlarından ötrü müsəlmanlara müvəffəqiyyət verdiyini söyləyir. İnsanlar bu sirri heç cür anlamır. Sən Qurana tabe olsan şərik qoşmamış olarsan. Qurana tabe olmayıb, uydurma hədislərlə hərəkət etdiyində müşrik olursan.

Xurafatçıların, qatı dinçilərin uydurma xurafatları atılsa, geriyə yalnız saf, xalis, əsil İslam dini qalar.

Qatı dinçilər müsəlmanların üstünə elə ağır yük yüklədilər ki, elə bil, müsəlmanları dəliyə döndərdilər. Sağa dönə bilmir, sola dönə bilmir, gülməsi qadağandır, qadınların danışması qadağandır. Allah sənin gülməyini istəyir, şən olmağını istəyir. Niyə boş- boşuna özünə əzab verirsən? Özlərindən qadağalar qoyurlar. Gül, istədiyin kimi gül, istədiyin kimi gəz, evinin divarından portret də as, heykəl də qoy, gənc qızlar istədikləri kimi makyaj etsinlər, baxımlı olsunlar. Gənc oğlanlar rəqs etsin, əylənsin. Qurana görə bunların hamısı halaldır.

Cəmiyyətlərdə hər atanın, ananın özünəməxsus bir din anlayışı olur. Gənclərin də özünəməxsus din anlayışları olur. Onlar bir-birləriylə ziddiyyət təşkil edir. O onu bəyənmir, o onu bəyənmir. Halbuki, hər kəs Qurana tabe olsa, onda vahid bir ümmət olarlar.

Peyğəmbər özündən Qurandan kənar halallar, haramlar çıxara bilməz. Bu mövzuda açıq Quran ayələri vardır.

Orta yolla gedən müsəlman deyə bir şey yoxdur. Qurana tabe olan müsəlman vardır. Qurana əməl edirsə tabe olur, əməl etmirsə tabe olmur. İki cür müsəlman vardır. Biri Qurana əməl edən, biri də əməl etməyən. Orta yolla gedən müsəlman olmaz.

Peyğəmbərimiz (s.ə.v) haramları Qurandan öyrənirdi. Quranda bildirilənlərdən başqa haram, halal olmaz. Hz. Aişə anamızdan belə bir şey soruşurlar; "Rəsulullah (s.ə.v)-in sünnəti nədir?", O da; “Qurandır” deyir. İş çıxarmayın. Quranda bildirilənlərdən başqa haram, halal olmaz.

Sən Qurana tabe olursansa, musiqiyə haram deyə bilməzsən, şəklə, heykələ, gülməyə, əylənməyə haram deyə bilməzsən, amma qatı dinçi ənənəvi sistem içindəsənsə musiqi haramdır, şəkil haramdır, heykəl haramdır.

Xurafatçılıqla İslamı bütün dünyada dəyərdən saldılar. İslam günəşini söndürmək istəyirlər. Asma, kəsmə, döymə, qadınları alçaltma, qadınlara "yarım varlıq" demə vardır, musiqi yoxdur, şəkil yoxdur, incəsənət yoxdur, xeyirxahlıq yoxdur, gözəllik yoxdur, məhəbbət yoxdur, o yoxdur, bu yoxdur. Siz dəlisiniz? Sanki cəhənnəm həsrətindədirlər. İslamda belə bir şey yoxdur.

Quranda tələb olunan şeylər çox azdır. Namaz çox qısa şəkildə izah olunmuşdur, oruc qısa şəkildə izah olunmuşdur, zəkat qısa şəkildə izah olunmuşdur. Mərhəmətli olun, şəfqətli olun, yalan danışmayın, dürüst olun. Yaxşı niyyətli olun, bir-birinizi sevin. Allahı çox sevin. Bir-birinizə kömək edin, mal-dövlət yığma hərisliyiniz olmasın; mal-dövlət Allahındır. Çox qısadır. Bunlardan başqa həmişə kafirlərin törətdikləri pis əməllər, küfr əhlinin, azğınların, dəlalət əhlinin ədəbsizlikləri və bunlara verilən cavablar vardır.

Quranda şiəlik vardır? Quranda sünnilik vardır? Haradan çıxarırsınız? Quranda Vəhhabilik vardır? Bir Quran, bir İslam dini var. Hamımızın adı da müsəlmandır.

Müşrik nə deməkdir? Müşrik; Quranı qeyri-kafi görən, Allahın hökmünü qeyri-kafi görən və haşa Allaha din öyrətməyə çalışan kimsə deməkdir. Allahın dininə Onun adından istifadə edərək əlavələr edən kimsədir.

Düşüncə azadlığı; hər kəsi təhqir etmək, hər kəsi kədərləndirmək, incitmək, onun sevincini, sevgisini boğmağa çalışmaq mənasını verməz. Sevgini əsas götürməlidirlər. Düzdür fikir azadlığı müqəddəsdir, amma sevgi daha da müqəddəsdir. Nəzakət daha müqəddəsdir, hörmət daha müqəddəsdir.