Adnan Oktar A9 TV; 6 fevral 2015

Cənub-Şərq bölgəsində can təhlükəsizliyi təmin edilməmişdir ki, sərbəst seçki də keçirilsin. HDP-nin qazanması qeyri-qanuni olar. PKK-nın dəstəklədiyi bir partiya necə qanuni bir partiya ola bilər? Belə seçki olarmı? Seçki dayandırılmalıdır. Əvvəlcə PKK- nın dəstəyi aradan qaldırılmalı və PKK ləğv edilməlidir.

Sən gəncləri darvinist-materialist kimsələr olaraq yetişdirdiyin təqdirdə, onlar da Allahdan qorxmaz. "Allah yoxdur" deyirsən, o da "yoxdur" deyir. Abdullah Öcalanın özü də: "Mən iman etmişdim, lakin biologiya kitabını oxuduqdan sonra dinsiz, imansız oldum" deyir.

Əgər Cənub-Şərq bölgəsini verəcək qədər ürkəksənsə, onsuz da hər ölkə səni parçalayar. Hər kəs hücum edər. Türkiyə ürkək bir ölkə imici sərgiləsə, Cənub-Şərq bölgəsini müdafiə edə bilməyəcək bir qüvvə görünüşü göstərsə, hər ölkə hücuma keçər. Buna görə də nəyin bahasına olursa olsun PKK qüvvələrini Cənub-Şərq bölgəsindən tamamilə çıxardaq. Lazımi işlər görülsün. Şəhid veriləcəksə şəhid də verilsin. Hər nə olursa olsun, oranı PKK bəlasından qurtaraq.

Xəyanətkar kimsə ətraflı şəkildə düşünməlidir. Başına mütləq bəla gələcəyini bilməlidir. Məsələn, PKK mütləq bəlaya düçar olacaq. Çünki, o bir dəccal hərəkatıdır. Dəccal hərəkatı məhvə məhkumdur. Mütləq dağılan bir sistemdir.

Bəzi məmurların təvəkkülsüz olduqlarını və PKK-dan qorxduqlarını görürük. Bu onlara yaraşmaz. Peyğəmbərimiz (s.ə.v) bir ovuc insanla, 40 nəfərlə meydana çıxmışdı. Müsəlman igid olmalıdır, cəsarətli olmalıdır.

Darvinizmin və materializmin elmi və fəlsəfi şəkildə yox edilməsi PKK-nın qovrulub yanmasına səbəb olar. Ən təsirli zərbə darvinizmin yox edilməsidir. Darvinist, materialist düşüncəni yox etsən, PKK-nın həyat damarını məhv etmiş olarsan. Beləcə də, PKK-nın beyni məhv olar. Beynini məhv etdinsə, artıq o da məhv olar.

PKK-ya qarşı elmlə mübarizə aparılar. Şeirlərlə, əfsanələrlə, nağıllarla, xalq nəğmələriylə mübarizə aparılsaydı, biz də çox məmnun olardıq. Amma bu metod PKK- ya qarşı səmərəli olmaz. Əvvəla, darvinist-materialist təhsil dayandırılmalıdır. Yəni antikommunist təhsil verilməlidir. Kaş ki, romantik şeirlər, qəhrəmanlıq şeirləri təsirli olsaydı, amma olmaz. Bunlar PKK-nı yalnız güldürər.

Dərhal əks hücuma keçilməli, PKK-nın əlindəki bütün silahlar toplanmalı və qruplaşma etibarsız hala gətirilməlidir. PKK-ya diz çökdürülməlidir. Aprel ayında qiyam qaldırmağa hazırlaşır, kimsə silahını yerə qoymadı. Hal-hazırda Cənub-Şərq bölgəsində dağ-dərə silahla doldu.

PKK silahı heç vaxt yerə qoymaz, Öcalan da heç vaxt silahların yerə qoyulmasını istəməz. Onsuz da onların tək zəmanəti silahdır. Silah sayəsində Cənub-Şərq bölgəsində güc əldə etdilər. Silah sayəsində hökumətin onlarla təmasda olmasını təmin edirlər. Silah sayəsində Abdullah Öcalanın şəkilləri, plakatları sərbəst oldu. Bunlar, silahlarının göstərdiyi təsir sayəsində oldu.

Qatilləri bağışlamağa təşəbbüs edən kəs dünyanın ən alçaq, ən namərd, ən şərəfsiz, ən namussuz adamıdır. Bundan artıq şəxsiyyətsizlik düşünə bilmirəm. Bunlar və PKK-lı alçaqlar heç vaxt əfv edilməməlidir. Bunların əfv olunmasını istəyən daha alçaqdır.

Cənub-Şərq bölgəsində mövcud olan bu şərtlər altında seçki keçirilə bilməz. PKK o əraziyə hakim olmuşdur, hər yerə silah yerləşdirmiş, xalqı təhdid etmiş və qorxutmuşdur. Hal-hazırda xalqın başqa seçim şansı yoxdur. Alnına silah dayanmışdır. Orada verəcəyi səs etibarlı olmaz. Əvvəlcə xalqın təhlükəsizliyi təmin edilməli, ondan sonra seçki keçirilməlidir.

Heç kim Türkiyənin bölünməsinə izin verməz. Abdullah Öcalanı da heç kim azadlığa çıxarmaz. Buna heç bir türk polisi izin verməz. Bizim bütün polislərimiz millətçidir. Vətən, millət, bayraq deyilən kimi, hamısının gözü dönər. Hamısı Allah üçün, vətən üçün, bayraq üçün ölümü gözə alar.

Cənub-Şərq bölgəsində xalqın HDP-yə dəstək verməsinin səbəbi PKK-dan qorxmalarıdır. Başqa bir şey deyil.

Bunu dərk etməlisən ki, biz Türkiyənin bölünməsinə izin vermərik. Nə federasiya, nə o, nə bu ad altında bölünməsinə izin vermərik. Əsgərimizin, polisimizin qatillərini də heç vaxt buraxmarıq. Heç vaxt izin vermərik, canımız bahasına da olsa izin vermərik. Şəhid olarıq, amma bu vətəni bu namərdlərə, PKK-ya təslim etmərik. Bunu unutmalıdırlar.

PKK-nın silahı yerə qoyması, hamıya məlum olan silahı yerə qoyma fəaliyyəti kimi deyil. Silahı “yerə” qoyur, lakin guya özünü müdafiə etmə gücü olaraq, əsgər, jandarma, polis olaraq yenidən götürür. Məsələ budur. Yoxsa bunlar Cənub-Şərq bölgəsində silahsız bir dövlət qurmağı düşünmürlər. Dövlət qurmaq istəyirlər, lakin tamamilə avtomat silahların hakim olduğu, hərbi hava limanlarının, istehkam obyektlərinin və uzun müdafiə etmə sistemlərinin olduğu geniş miqyaslı bir fəaliyyət aparmağı düşünürlər.

Kobani qalıq bir şəhərdir. Yerlə-yeksan olmuş, məhv olmuş bir yerdir. Təkcə açıq muzey ola bilər, başqa bir şey ola bilməz. Ayənin işarə etdiyi kimi, Allahın dinsizlərə necə bir fəlakət verdiyini, müsəlmanları necə xilas etdiyini göstərməsi baxımından mənalıdır. Kürd qardaşlarımızı; dindar olanları, Allahdan qorxanları xilas edib Türkiyəyə gətirdik, PKK/YPG isə oradaca həlak oldu.

Şimali İraq tərəfində 300-ə qədər PKK düşərgəsi var. Burada gecə-gündüz darvinizm və materializm izah edilir. Kommunizmin etibarlılığı izah edilir. Şam, elə bil, bir dağ akademiyası, kommunist akademiyası kimidir. Gecə-gündüz siyasət mövzusunda təhsil alırlar.

Türkiyədəki gənclər siyasi cəhətdən yetişdirilmir. Bir çoxu (xalq deyiminə görə) varlansın, əylənsin, evlənsin, varlı bir qız tapsın, qız da varlı bir oğlan tapsın, onun üstünə çöksün, bütün ailə üzvlərinə ona baxdırsın, yaxşı yemək yesin, yaxşı bir iş yeri olsun. Amma PKK-nın məqsədi bu deyil.

PKK-nın məqsədi, Cənub-Şərq bölgəsini ələ keçirmək, orada müstəqil kommunist Kürdüstan dövlətini yaratmaq və sonra da bütün bölgəyə hakim olmaqdır. Sonra da qəlbindəki kin və intiqam alovunu söndürmək üçün bütün türk millətini məhv etmək. Məqsədləri budur. Bəla addım-addım gəlir, hər kəs ağlını başına yığmalıdır.

PKK heç vaxt silahı yerə qoymaz. Cənub-Şərq bölgəsində mövqe qazanmağa davam edəcəklər. Yeganə çıxış yolu, onların hüquqi çərçivədə oradan tamamilə çıxardılmasıdır. Başqa cür heç bir şəkildə olmaz. Ora bir xərçəng xəstəliyi mərkəzidir, o xərçəngli toxumanın əməliyyatla alınması lazımdır. Bundan başqa müalicə yolu yoxdur.

PKK heç vaxt və qətiyyən silahı yerə qoymaz. Bir az məntiqli kimsə bunu görər. PKK silahı yerə qoyduğu anda məhv olar. Silah demək güc deməkdir. İnsanlar gücə hörmət göstərirlər. Silahı əldən getsə, PKK-nı əzərlər.

PKK-nın olduğu hər yerdə, PKK-nın başının qanunla, hüquqla əzilməsi lazımdır. "Bəylər" deyir Atatürk, "Bir şey bilinməlidir ki, Türk aləminin ən böyük düşməni kommunizmdir. Hər görüldüyü yerdə əzilməlidir" deyir.

PKK-nın silahı yerə qoyması sadəcə yalandır. Adamlar kommunizmi hakim edəcəklərini düşünərək 40 ildir ki, mağaralarda gözləyirlər. Bu xəyaldır, silahı heç vaxt yerə qoymazlar.