Adnan Oktar A9 TV; 27 yanvar 2015

İsraildə saçları xeyli qıvrım olub küftə kimi olan kiçik yaşda uşaqlar var, günahsız dindar xristianlar var, yəhudilər var. Biz niyə onlara qarşı olaq? 80% İsrail əleyhdarlığı çox yüksək bir göstəricidir. Bu çox ürküdücüdür. Bu uğursuzluq gətirər.

Sanki bütün millətləri İsrailə qarşı bir nifrət ruhu bürüdü. Axırzamanda yəhudilərə qarşı bir nifrət yayılacağı Tövratda ifadə edilir. Məhz onlar Tövrata yaxınlaşsa və Moşiyaha olan sevgiləri artsa, Allah da onları həmin bəladan xilas edər. Yoxsa o bəla daha da artacaq.

İsrailin Türkiyə ilə olan dostluq əlaqəsi əhəmiyyətlidir. Türkiyə açar mövqedə olan bir ölkədir. Yəhudi qardaşlarımız buraya gəlsinlər. Burada bir dostluq mühiti yaradılsın. Simvolik dostluqlar çox güclü təsir oyandırar. Çox böyük nəticə verər.

Türkiyədə İsrailə verilən qarşılıq, nifrət 80%-ə çatmışdır. Dəhşətli bir göstəricidir. Bu dərhal düzəldilməlidir. Siyasətçilərimizin də bu mövzuda mülayim, gözəl, sevgi dolu çıxışları çox faydalı olar. Digər ölkələri sevən bir millət olmalıyıq. Əksi bizə yaraşmaz.

Yəhudilər Axırzamanda İsraildə toplanacaqlar. Bu Tövratda da bildirilir. "Sizi dünyanın hər yerindən toplayacağım" deyir. Bu zaman gəlib çatmışdır. Deməli, Moşiyahın dövründəyik. Mehdinin, Moşiyahın dövründəyik. Həqiqətən də yəhudilər hər yerdən axın-axın İsrailə gəlir.

İran bilavasitə mehdiyyətə görə siyasət yürüdür. Bir milyon nəfərlik ordu yetişdirir, Mehdi ordusu. Gecə-gündüz hər şeyi Mehdi ilə əlaqələndirirlər. İsraildə Moşiyahın gəlməsi üçün hər gün üç dəfə dua edərlər. Belə olduğu halda, onu görməzlikdən gəlsən məhz özün ziyana uğrayarsan. Çünki, tarix o istiqamətdə inkişaf edir.

İsrail nəslinə yersiz və ağılsız şəkildə nifrət edirlər. Halbuki bu bəla gətirər, uğursuzluq gətirər. Sən Quranın əlaqədar ayələrinə hücum etmiş olursan. Ağlını başına yığ. İsrail oğullarının hamısı müqəddəs deyil; amma sən təmiz və günahsız, mömin, müttəqi olanları da qarşına almış olursan. Peyğəmbər nəslini qarşına almış olursan. Onda Allah bəla verər, ağlını başına yığ.

Yasdan bir şey çıxmaz. Yas çox passiv bir hərəkətdir; ancaq ağlayırsan yaxud üzülürsən yaxud qəmgin olursan. Yas həll yolu deyil, İsrail və Fələstini barışdırmaq həll yoludur. Sülh üçün də hər iki tərəflə əlaqə qurmaq həll yoludur. Bir tərəfə qəzəbli olub əlaqə qurmasan sülh olmaz.

Fələstin-İsrailin dost və qardaş olması üçün Moşiyah Mehdi (ə.s)-dan başqa yol yoxdur. Moşiyah Mehdi (ə.s)-ın vaxtı gəlmişdir.

"Fələstinin haqlı mübarizəsi" deyilən şey, İsraillə Fələstinin barışıb, qardaşlıq içində yaşamasıdır. Yoxsa bölgədən İsrailin yox edilməsi, xəritədən silinməsi deyil.

Bölgəyə dindarlığı da aşılayan İsraildir. Fələstin o dövrdə kommunizmin mərkəzi idi. Bütün kommunistlər orada yetişdirilirdi. Misir kommunizmin mərkəzidir, Suriya kommunizmin mərkəzidir. Onlar İsraildən sonra dindar oldular. Onların dindar olduqlarını gördükdən sonra, biz də dindar olaq dedilər.

İsrailə getdiyimiz vaxt azğın kommunistlərlə, anarxist-stalinistlərlə qarşılaşsaq mı gözəl olar, yoxsa araqçınları, hörülmüş saçları, əllərində Tövrat ilə səhərdən axşama qədər “Allah” deyənlərləmi? Əlbəttə ki, “Allah” deyənlərlə qarşılaşmağımız gözəl olar, nə qədər böyük nemətdir və 4 min ildən bəri hz. Musa (ə.s)-a sədaqət göstərirlər.

İsrail xalqının məzlumlarıyla mübarizə aparanlara Allah uğursuzluq gətirər və bu tarixdə də görülmüşdür. Məzlumu qoruyana Allah uğur verər, bərəkət verər, bu da görülmüşdür.

Yəhudilərin Türkiyədə də, Orta Şərqdə də sevilməməsindən söhbət gedir. Bu səhvdir, vicdanlı rəftar deyil. Yəhudilər peyğəmbər nəslindən olan, imanlı, hz. Musa (ə.s)-a sədaqət göstərən cəmiyyətdir. Onsuz da sayları azdır, öhdələrindən gələrik məntiqiylə əzməyə çalışmaq uğursuzluq gətirər. Günah olar. Ayıbdır. Vicdansızlıqdır.

İsraillilər gözəl insanlardır. Hahamlar çox nəzakətli, sevgi dolu insanlardır. Lazımsız təbliğatla qəzəb meydana gətirilir. Nur kimi insanlardır. Heyrətamiz dərəcədə dindardırlar, Allahdan heyrət doğuran dərəcədə qorxurlar, Allahı çox sevirlər. Süni nifrət hakimdir. Cinayət işləyən ayrı, ona nə deyirsən de, amma məzlumundan nə istəyirsən?

İsrail səhv edir deyə, sənin də səhv etməyin lazım deyil. Sən ona dostcasına, sevgiylə yaxınlaşsan onun da sənin dostun olduğunu görərsən. Sən sevgiylə yaxınlaş, dostcasına yaxınlaş. Amma bıçaqla yaxınlaşsan, o da sənə tankla yaxınlaşar, tankla yaxınlaşsan bombayla yaxınlaşar. Bunun sonu gəlməz. Amma sevgiylə yaxınlaşsan onun da sənin dostun olduğunu, sevdiyini görərsən. Bu, Quranın bir sirridir.

İsraildə ateizm zəifləməyə başladı. Əvvəllər çox güclü idi. Biz orada “Yaradılış Atlası”nı yaydıqdan sonra, İbrani dilindəki kitablarımızı payladıqdan sonra İsraildə dinə qayıtma prosesi çox sürətləndi. Avropada və ABŞ-da dinə qayıtma prosesi çox sürətləndi; vəsilə olduq.

Bu dövrdə artıq qardaş olaraq Türkiyə, Pakistan, Misir, İsrail hamısı birləşəcək. Böyük İslam Birliyi, böyük İttihadi-İslam yaranacaq. Bu birliyin xüsusiyyəti güclü sevgiyə, dostluğa, yaxşı niyyətə söykənməsidir.

Hər mövzuda dürüst məlumat vermək, dürüst yanaşmaq əhəmiyyətlidir. Yəni kor-koranə İsrail düşmənçiliyi axmaqlıqdır, səfehlikdir. Həqiqətən anormal bir şey varsa hüquqla, qanunla cavab verirsən. Amma nifrət siyasətinin bir izahı yoxdur. Bu dəlicəsinə İsrail nifrəti düzgün deyil.

Mehdi (ə.s) müqəddəs sandığı tapdığında İsrail dindarları qol-qola girib bunu qeyd edəcəklər.

“Görəsən İsraillə aramızdakı sevgiyə zərər gəldimi” demək, şübhə etmək heç də doğru hərəkət deyil. Bir-birimizi sevirik, həmişə də sevəcəyik. Bəzən siyasi anlaşılmazlıqlar olur. Bunu bütün İsrail millətinə, bütün Türk millətinə aid etmək səhv fikirdir.