Adnan Oktar A9 TV; 18 dekabr 2014

İnsanlar bir mədəniyyət kimi xristianlıq, yəhudilik və müsəlmanlığı bilməlidir. Ələviliyi, bektaşiliyi, şiəliyi bilməlidir. Bilmirsə, bu bir cahillikdir, çatışmazlıqdır.

Moşiyahın, Mehdi (ə.s)-ın zühurunu bütün İslam aləmi, bütün yəhudilər qəbul edəcəklər. Xristianlar da qəbul edəcək və fövqəladə sülh və qardaşlıq mühiti hakim olacaq. Amma Allahla olan əlaqə çox əhəmiyyətlidir. İnsanlar Allahla olan əlaqələrini kəsdikdə, dünya yaşanmalı yer olmaz.

Necə ki, Osmanlıların hakimiyyəti dövründə yəhudilərlə dost olmuşuqsa, hal-hazırda da dost olduğumuzu vurğulayan gözəl səylər göstərilməsi, işlər görülməsi yaxşı nəticə verər.

İsrailin Türkiyə ilə olan dostluq əlaqəsi əhəmiyyətlidir. Türkiyə açar mövqedə olan bir ölkədir. Yəhudi qardaşlarımız buraya gəlsinlər. Burada bir dostluq mühiti yaradılsın. Simvolik dostluqlar çox güclü təsir oyandırar. Çox böyük nəticə verər.

Türkiyədə İsrailə verilən qarşılıq, nifrət 80%-ə çatmışdır. Dəhşətli bir göstəricidir. Bu dərhal düzəldilməlidir. Siyasətçilərimizin də bu mövzuda mülayim, gözəl, sevgi dolu çıxışları çox faydalı olar. Digər ölkələri sevən bir millət olmalıyıq. Əksi bizə yaraşmaz.

Müsəlmanlar dəccaliyyətə qarşı təcili surətdə xristianlarla ittifaq yaratmalıdır, yəhudilərlə ittifaq yaratmalıdır. Müsəlmanlar xristianlarla sıx əlaqədə olmalıdırlar.

Müsəlmanlar dindar xristianlarla ittifaq yaratsın. Yoxsa dəccal həm müsəlmanları, həm yəhudiləri, həm də xristianları əzəcəkdir. Müsəlmanları, xristianları, yəhudiləri, bir sözlə, heç kimi sağ buraxmamağı düşünürlər.

İsraildə saçları xeyli qıvrım olub küftə kimi olan kiçik yaşda uşaqlar var, günahsız dindar xristianlar var, yəhudilər var. Biz niyə onlara qarşı olaq? 80% İsrail əleyhdarlığı çox yüksək bir göstəricidir. Bu çox ürküdücüdür. Bu uğursuzluq gətirər.

Sanki bütün millətləri İsrailə qarşı bir nifrət ruhu bürüdü. Axırzamanda yəhudilərə qarşı bir nifrət yayılacağı Tövratda ifadə edilir. Məhz onlar Tövrata yaxınlaşsa və Moşiyaha olan sevgiləri artsa, Allah da onları həmin bəladan xilas edər. Yoxsa o bəla daha da artacaq.

Yəhudilər Axırzamanda İsraildə toplanacaqlar. Bu Tövratda da bildirilir. "Sizi dünyanın hər yerindən toplayacağım" deyir. Bu zaman gəlib çatmışdır. Deməli, Moşiyahın dövründəyik. Mehdinin, Moşiyahın dövründəyik. Həqiqətən də yəhudilər hər yerdən axın-axın İsrailə gəlir.

Gəncliyə, insanlarımıza, yəhudi qardaşlarımızı sevəcək, onları qoruyub himayə edəcək, onlara hörmət bəsləyəcək bir üslubu verək. Addım-addım bir bəlaya doğru gedilir, bir uğursuzluğa doğru gedilir, bunu dayandıraq.

İran bilavasitə mehdiyyətə görə siyasət yürüdür. Bir milyon nəfərlik ordu yetişdirir, Mehdi ordusu. Gecə-gündüz hər şeyi Mehdi ilə əlaqələndirirlər. İsraildə Moşiyahın gəlməsi üçün hər gün üç dəfə dua edərlər. Belə olduğu halda, onu görməzlikdən gəlsən məhz özün ziyana uğrayarsan. Çünki, tarix o istiqamətdə inkişaf edir.

Yəhudi düşmənçiliyi bir ruh xəstəliyidir. Bir iman narahatlığıdır. Hz. İsrail (ə.s) və hz. Yaqub (ə.s)-ın övladları Allahın bizə əmanətidir. Onlara qarşı nifrət bəsləmək, Quranın üslubuna, Qurandakı ayələrə zidd olar. Bu, müsəlmanın edəcəyi şey deyil.

Yasdan bir şey çıxmaz. Yas çox passiv bir hərəkətdir; ancaq ağlayırsan yaxud üzülürsən yaxud qəmgin olursan. Yas həll yolu deyil, İsrail və Fələstini barışdırmaq həll yoludur. Sülh üçün də hər iki tərəflə əlaqə qurmaq həll yoludur. Bir tərəfə qəzəbli olub əlaqə qurmasan sülh olmaz.

Fələstin-İsrailin dost və qardaş olması üçün Moşiyah Mehdi (ə.s)-dan başqa yol yoxdur. Moşiyah Mehdi (ə.s)-ın vaxtı gəlmişdir.

Türkiyədə iki qrup vardır. Birincisi Türkiyəni bölmək istəyən 1% nisbətindəki xainlər. İkincisi də Türkiyənin bütövlüyünü müdafiə edən 99% nisbətindəki Türkiyənin sahibləri vardır. O 1% nisbətindəki xainlər də ətraf ölkələrdən gələn dəstəklə ayaqda duran ətraf ölkələrin adamlarıdır. Bu səbəbdən də belə bir şeyə heç kim fikir verməz.