Adnan Oktar A9 TV; 10 dekabr 2014

Təbliğdə nə olacaq? Əziyyət, məşəqqət, çətinliklər, təhdid olacaq. Bunlar artdıqca təbliğin dəyəri artar, Allahın razılığını daha çox qazanarsan. Məqsədin əgər Allahın rızasını qazanmaqdırsa, rəhmətini qazanmaqdırsa. İki günlük dünya həyatı üçün elə qorxaqcasına, ürkəkcəsinə yaşamaq çox alçaldıcı bir vəziyyətdir.

Təhdid olmasa belə müsəlman onun olmasını qəlbən istəməlidir. "Kaş ki, təhdid edən biri olsa da daha çox savab qazansam" deməlidir. Peyğəmbərimiz (s.ə.v) həmişə təhdid altında yaşadı; Əbu Cəhilin, Əbu Ləhəbin o dövrün fironlarının təhdidləri altında. Hz. Musa (ə.s) daim Fironun təhdidi altında yaşadı.

Təhdid nemətdir. Təhdid olan mühitdə İslamı izah etmək ibadətdir. "Təhdid olmasın, mən də ibadət edim" deyir. Elə olduqda ibadətin savabı xeyli azalar. Halbuki, müsəlman çox savab qazanmaq istəyir. Bir milyon savab qazanmaq olduğu halda, niyə bir savaba razı olursan?

İnsan dünyada çox çətin imtahandan keçər. İnsanlar elə də asan bir şey gözləməsinlər, təəccüblənməsinlər. Başqa cür imtahan olmaz onsuz da. Adam təqaüdə çıxmaq fikriylə yaşayıb, təqaüdçü olaraq ölmək istəyir; elə bir şey olmaz. Möminlər mütləq sarsıdıcı bir imtahandan keçər; əgər həqiqətən iman edirlərsə.

Deyir ki, "Mən çox xoşbəxt yaşadım, ömrüm boyu heç bir çətinliklə qarşılaşmadım". Bu qazanc deyil ki. Bir sözlə cənnətə gedə bilməz. Allah ayədə: "Yoxsa siz elə güman etdiniz ki, sizdən əvvəlkilərin başına gələnlər sizin başınıza gəlmədən Cənnətə daxil olacaqsınız?" (Bəqərə surəsi, 214) deyir. Müsəlman Allah yolunda mübarizə aparacaq, çətinliklərlə üzləşəcək, zəhmət çəkəcək. Kafirlərə qarşı, münafiqlərə qarşı mübarizə aparacaq.

Münafiqlə mübarizə aparmaq çətindir. Kafirlərlə mübarizə aparmaq çətindir. Allah üçün İslama xidmət etmək asan deyil. Çətinliklərlə qarşılaşacaq. Müsəlmanı gözəlləşdirən də məhz budur. Peyğəmbərimiz (s.ə.v)-in o qədər gözəl olmasının səbəbi çəkdiyi çətinliklərdir.

Müsəlman mütləq əziyyət, çətinlik, zəhmət çəkərək yaşamaq məcburiyyətindədir. Məsələn, Allah üçün kitab yazar, tədqiqatlar aparar, başqa biri isə gəzər, əylənər filan, amma müsəlman çətinlik içində olar. Görərsən ki, əl-üzü çox nurludur, gözəlləşmişdir. Digəri: "Həyatımı yaşayıram" deyir. Bir də görərsən ki, donuqlaşmış, mənasını itirmişdir. Əylənə də bilməz o. Əyləndiyini zənn edər, amma əylənə bilməz.

Əziyyət çəkən adam, çətinlik çəkən adam gözəl olar. Getdikcə gözəlləşir, getdikcə cavanlaşır. Əgər kafir bunu yaşamış olsa, əziyyətə dözməyib əldən düşər. Amma mömin əziyyət çəkməklə cavanlaşıb, gümrah olur. Tamamilə əks təsir göstərər.

Allahın küfr əhlinə və münafiqlərə möhlət verməsi, son ana qədər təxirə salması müsəlmanları aldatmamalıdır. Son ana saxlamaq Allahın qanunlarındandır.

Əgər insanlar Tayyib hocamı aradan götürməyi qəbul edərlərsə, vəfasızlıq ucbatından bütün insanların qəlbində bir acı meydana gələr. Tayyib hocamı mütləq qorumaq lazımdır. Müxaliflər də daha vicdanla yaxınlaşsalar, daha gözəl olar.

Allah Öz yolunda olmayana rahatlıq verməz. "Təbliğ edərəm, amma bir şərtlə ki, gərək çox rahat olam". Sən onsuz da təbliğ etmək istəmirsən. Təbliğ, rahatçılıq olmadan edilən fəaliyyətə deyilir.

PKK üzündən bir çox insan Cənub-Şərq bölgəsində fəaliyyət göstərə bilmir, müsəlmanlar çəkinirlər. Amma təhdid altında fəaliyyət göstərsələr, daha çox savab qazanarlar.

Əli qolu bağlı, polislərin arasında aparılan bir insanın üzərinə hücum etmək, ağzını burnunu əzmək olduqca ayıb, çirkin və aciz olan bir hərəkətdir. Həbsxanada adam döymək, polis bölməsində adam döymək, qandallı adamı döymək, bu kimi hərəkətlər dəliqanlılıq deyil. Tam əksidir.

Din dərsində ələvilik, sünnilik, vəhhabilik, xristianlıq, yəhudilik, bunların hamısı izah edilsin. Bütün dinlər, məzhəblər izah edilməlidir. Onda ələvisi də, sünnisi də, hamısı bu dərslərdə iştirak edib, bu əhəmiyyətli mədəniyyəti mənimsəmiş olarlar.

Hökumətlə camaatı barışdırmaq lazımdır. Bunları seyr etmək olmaz. Haram olar. Bütün islam aləminin tək ümidi bizik. Pakistan, Hindistan, Suriya, bunların hamısı, bütün məzlumlar bizdən nə isə gözləyir. Hal-hazırda buradakı bu döyüş bizə necə təsir edər? Bu işin axırı hara gedir? İnadkar və qərarlı bir surətdə sülh yaratmaq səyinə davam etməliyik. Həmçinin də dua edək.

PKK Cənub-Şərq bölgəsini səs-küylə boğacağını zənn edir. Bütün küçələr, prospektlər, bir sözlə, hər yer PKK tərəfdarları ilə dolsa belə, bizim oranı təmizləməyimiz ən uzağı 48 saat çəkər. Beləliklə də, PKK qaçıb gizlənəcəyi bir deşik axtarar. Ağıllarını başlarına yığsınlar.

Allah camaat ilə hökumətin aralarını düzəltsin, qəlblərinə rahatlıq versin. Allah bütün müsəlmanların qəlbindəki qəzəbi, ədavəti, düşmənçiliyi yox etsin, Rəbbim qəlblərə rahatlıq, fərahlıq, gözəllik versin. Allah millətin üzərindəki çətinliyi aradan qaldırsın. Allah onları qardaşlıq, sevgi, məhəbbət ruhu ilə bir-birinə bağlasın.

Bunu açıq şəkildə deyim ki, “mərhələ” deyə bir şey yoxdur. Bölünməyə əsla izn vermərik. Bax, səmimi surətdə, igidcəsinə açıq şəkildə deyirəm; bütün dünya dağılar, bütün dünya yerlə-yeksan olar. Qiyamət qopar. Heç bir şəkildə elə bir şey ola bilməz, bunu yaddan çıxartsınlar. Əgər Türkiyəni bizə yar etməyə çalışmasanız, biz də sizə dünyanı yar etmərik.

Allah camaatla hökuməti barışdırsın. Allah hər iki tərəfə də xeyir yolda müvəffəqiyyət versin. Allah şeytanı məhv etsin. Bizə şeytanı məğlub etməyi nəsib etsin. Allah Dəccala aman verməsin.

Sevgisizlik qəzəb meydana gətirər, əsəb pozğunluğu meydana gətirər. O nifrətlə də hücum edəcək, kinini tökəcək bir yer axtarır. Cüzi bir şey də istəmir. Yandırmaq, öldürmək istəyir; başını yaracaq, qanı su yerinə axıdacaq. Qan gördükdə isə əsəbi bir az olsun sakitləşər. Şeytanın xüsusiyyətidir bu, şeytan qanla doyar.