Adnan Oktar A9 TV; 7 fevral 2015

Xurafatçı yaradılarkən mehdiyyət düşməni olaraq yaradılır. Halbuki, onun düşmənçiliyi, mehdiyyətin məqamını yüksəltmək üçün xüsusi olaraq hazırlanmış bir sistemdir. O, yalnız mehdiyyətin mövqeyini yüksəltmək üçün, yaradılmış bir cəhənnəm adamıdır. Allah cəhənnəm üçün yaradılmış o adamları sayəsində Mehdi (ə.s)-ın mövqeyini yüksəldir.

Dindar bir müsəlman şeytanı tam tanımaq məsələsində çətinlik çəkə bilər, lakin küfr şeytanı çox yaxşı tanıyar. Müsəlman şeytanla əlbir olmur, onunla arasında elə də bir əlaqə olmur. Çünki, hər dəfə qalib gəlir, ona əhəmiyyət vermir. Məsələn, səbir tələb edən mövzularda bilavasitə səbir edir. Eqoistlik edilə biləcək bir şeydə heç vaxt eqoistlik etmir.

Şeytan küfr şəraitində çox tez nəticə əldə edir. Yəni ardıcıl surətdə nəticələr əldə edir, bir-birinin arxasınca. Qəzəbi dərhal ən yüksək səviyyəyə çıxarda bilir. Adamı çəkib vurur. Dərhal zülm etməsini təmin edə bilər. Dərhal vəfasızlıq etməsini təmin edə bilər.

Müsəlmanla mübarizə apararlar. Müsəlman; mübarizə aparılan adam deməkdir. Müsəlman; düşməni çox olan adam deməkdir. Əsl müsəlmandırsa, əsl mübarizə adamıdırsa düşməni çox olar. Bir müsəlmanın ətrafında münafiq yoxdursa, onda o necə müsəlman ola bilər?. Müsəlmanın ətrafında çoxlu kafir və münafiq olar.

Əgər biri iman əhlindəndirsə, Allahın diləməsiylə qorxmasın. "Mən varam", "Məni kim yaratdı?" deyirsə, Allahdan qorxacaq gücə sahibdirsə, Allah da iman əhlini yandırmaz. Bu qədərini deyim ki, anlasınlar. Cəhənnəm əhli necə bir məxluqatdır?. Bunu dərk edə bilməzlər. Cəhənnəm əhli ölü olur.

Allah “Qəffar və Rəhim”dir, mərhəmətlidir. Mömin bir insan, Allahdan qorxan bir insan cəhənnəmə girməz. Allahdan qorxan dinin tələblərini onsuz da yerinə yetirər. İkinci bir ehtimal olmaz. Onsuz da onlar mömin olaraq yaradılırlar.

Pis adamların üzünün qapqara olması bir möcüzədir. Üzlərində dərhal bir zillət və pislik nümunəsi görünür. Möminlər də bir quzu kimi təmiz olur. Çox təmiz olurlar.

Kafirlər və münafiqlər müsəlmanlarla mübarizə aparacaq. Əziyyət verəcəklər, böhtan atacaqlar, oyun oynayacaqlar, problem çıxaracaqlar, əleyhinə xəbər hazırlayacaqlar. Allah, bu əziyyətlərinə "fikir vermə" deyir. "Fikir vermə" nə deməkdir? Fərz deməkdir. Təsirə məruz qalmamaq fərzdir, əgər fikir versə, onda harama girər. Belə ədəbsizlərin qurduğu oyunlara fikir verməmək, diqqətə almamaq, əhəmiyyət verməmək fərzdir.

Sevginin olmadığı yer Cəhənnəmdir. Allah Cənnəti iman yurdu olaraq bəzəyir, sevgiylə bəzəyir. Cənnətin ən böyük bəzəyi sevgidir. Allaha olan sevgidir, imandır. Yoxsa biz binalardan ötrü cənnətdə xoşbəxt olmuruq ki. Allahın varlığından ötrü xoşbəxt oluruq.

Cəhənnəmin yaradılma məqsədi də sevgidir. Yəni cəhənnəm sevginin qiymətini bildirmək üçün yaradılır. Müqayisə aparılması üçün.

PKK bir tərəfdən qudurur, münafiqlər bir tərəfdən qudurur, kafirlər də başqa bir tərəfdən qudurur. Hər cür alçaqlığı etməyə çalışırlar. Müsəlmanlar çox təmkinli, ağıllı hərəkət etməlidirlər. Hər bir hadisəni Allahın yaratmış olduğunu bilməlidirlər. Hamısında bir xeyir görüb, gözəl bir səbirlə, ağıllı surətdə Qurana görə hərəkət etməklə qarşılıq verməlidirlər.

Müsəlman cinnət halına qarşı daima ayıq-sayıq olmalıdır. Bu şeytanın bir hiyləsidir. Şeytan götürüb cəhənnəmə aparmaq istəyir. Yanına aparmaq istəyir, iddialıdır axı. Müsəlman qəbul etməyəcək. Haram olduğunu bildiyi üçün Allaha sığınmalı, “hasbiyallahu və nimel vəkil” deməli və haramdan uzaq durmalıdır.

Allah üçün cinayət törədilməz. Cinayət İslam dininin qanunlarına görə cəzası əbədi cəhənnəm həyatı olan çox böyük bir günahdır. Bu ağlı başında bir müsəlmanın edəcəyi bir şey deyil. Bunu ancaq qəddar ruhlu, qatil ruhlu, psixopat ruhlu bir insan edə bilər.

Dünya həqiqi deyil, axirət həqiqidir. Bura imtahan yeri olduğu üçün həm cəhənnəm xüsusiyyətləri, həm də cənnət xüsusiyyətləri vardır. Amma mömin ağlını istifadə edərək cəhənnəm xüsusiyyətlərini özündən uzaqlaşdırar, təmizləyir. Cənnət xüsusiyyətlərini ortaya çıxardığı üçün nəfs bir varlıq olaraq özünü göstərir.

Cəhənnəm əhli ağılsız olduğu üçün cəhənnəmdən çıxış yolu olacağını zənn edər və həmişə özlərini alçaldarlar.

Cəhənnəm əhli necə vurnuxur, qaçmağa çalışır, oyun oynamağa çalışır, lakin hər dəfə rəzil-rüsvay olursa; münafiq də cəhənnəm əhli kimi dəhşətli dərəcədə vurnuxur.

Cəhənnəm əhli "mən görürdüm, gözümə nə oldu" deyə soruşur. Təsadüfə inandığın üçün, mutasiya gözü kor edər, "Göz təsadüfən yarandı" dediyin üçün bu da qarşılığıdır.

Cəhənnəmin xüsusiyyəti budur; yerdə od qaynayar, insanlar meymun kimi, başları arxaya çevrilmiş, kiminin üzü, sifəti silinmiş vəziyyətdədir.

Cəhənnəm əhlinin şüuru açıq kimi görünür, lakin qapalıdır. Onlar ölüdürlər. Allah bunu xüsusilə bildirir.

QİYAMƏT VAXTI AXŞAM NAMAZI VAXTINDA OLACAQ. Bu müəyyən bir yer üçün deyilən bir vaxtdır. Son xəlifəlik İstanbulda qaldığı üçün İstanbulda axşam azanı oxunarkən qopacağı bildirilir.Əslində azan oxunmayacaq , AZAN SƏSİ O DÖVRDƏ ARTIQ EŞİDİLMƏYƏCƏK. Qiyamət azan vaxtında qopacaq . Boğaz indi nə qədər gözəl görünür. Lakin qiyamət vaxtında, İKİ YAXA BİRLƏŞƏCƏK, SONRA YENİDƏN AÇILACAQ, SONRA YENİDƏN BİRLƏŞƏCƏK. Allah o gün dənizlərin yandığını görərsən deyir. KİMİN AĞILINDAN KEÇƏR O GÖZƏL BOĞAZDAN MAQMANIN ÇIXACAĞI. Yeddi təpənin dümdüz olacağı, magma ilə suyun birləşəcəyi, səmanın qıpqırmızı olacağı kimin ağılından keçər? Tam içkilərini qurtumlayarkən, qeyri qanuni cinsi əlaqəyə girərkən, tam "nə vaxt qiyamət qopacaqmış" deyərkən üzərlərinə qopacaq.

Allah cəhənnəmdə təsadüfün necə bir nəticə verəcəyini göstərir. Mutasiyaya uğramış anormal məxluqlar olaraq cəhənnəmdə qalarlar. Cəhənnəmdə bitkilər, heyvanlar və insanlar çox patoloji olacaq. Təsadüflərə inanan Darvinistlərin tam gözlədikləri tam düşündükləri kimi bir mühit olacaq.

Hidayət; beyni və şüuru açan xüsusi bir ruhdur, beyinin fəaliyyətini təmin edən xüsusi bir məlumatdır. Adamın beyni hidayət aşkarlamadıqda İslama qarşı məhdudlaşmış olaraq yaradılır. Belə olduqda anlamır, yəni beyninin bir hissəsi işləmir.