Adnan Oktar A9 TV; 15 iyun 2015

Kölgə ayrı yaradılır, işıq ayrı yaradılır. Çünki işıq beyində yaradılır. Xarici aləmdə işıq yoxdur. Xarici aləmdə rəng də yoxdur. İşıq insan beynində yaradılır. Xarici aləm zülmət qaranlıqdır. Buna görə də, xarici aləmdə kölgə də yoxdur. İşıq olmadığına görə, kölgə də yoxdur. O zaman kölgə də ayrılıqda beyində yaradılmalıdır. Allah: “İkisini də ayrı-ayrılıqda yaradıram” deyir.

Allah sənə üçölçülü görünüş verəcək, bunu beyninin içində seyr edəcəksən, bütün gözəl qoxuları qəbul etmək imkanı verəcək qoxulayacaqsan, dad almaq imkanı verəcək ləzzət alacaqsan, toxunma hissi verəcək toxunacaqsan, dənizdə üzəcəksən, qayıqda gəzəcəksən, dünyadan zövq alacaqsan, Yaradandan söz düşdükdə isə: "Mən bu barədə danışmaq istəmirəm" deyəcəksən. O zaman Allah bəlanı verir. Bura əyləncə yeri deyil.

Allah həyatı yuxu kimi yaradır. Quran bu böyük sirrə işarə edir. İnsanlar dünyada yuxuda olduqlarını bilmirlər. Halbuki, hal-hazırda hamısı yuxudadırlar, yuxu görürlər. Bir hissəsi, məsələn, fəlsəfə tədqiqatçıları, bu həqiqətə heyrət və dəhşət içində şahid olurlar.

Avtomagistral yolları bələdiyyə salmaz, Allah salar. O yol başının içindədir. Sən yolu beyninin içində görürsən. Elə ki, avtomobilə mindin, həmişə beyninin içində yol görünüşü meydana gəlir. O zaman kim yaratmışdır? Allah yaratmışdır. Bu elmi bir həqiqətdir.

Beynimin içində görürəm. Beynimin içində kim yaradır? Allah yaradır. O zaman mənim sevgim kimədir? Allahadır. Mən müstəqil şəkildə bir varlığı sevə bilmərəm. Yalan söyləmiş olaram, özümü aldadaram. Çünki onu Allahın yaratdığını görürəm.

Beyninin içindəki təsvir sənə necə təlimat verir ki, səni İslam yolundan uzaqlaşdırır? Ağlın bu qədər mi zəifdir? “Ətrafımdakılar (yəni beynimin içindəki təsvir) mənə icazə vermədi” deyir. Sən Allaha itaət etsənə. Beyninin içindəki təsvirə niyə itaət edirsən? “Çox canlı görünür” deyir, “həqiqi kimidir” deyir. Həqiqi kimi olması əhəmiyyətli deyil. Bu, imtahan üçün yaradılan xəyaldır. Mütləq həqiqət olan Allahdır.

Kosmos boşluğunda, xarici kosmosda zaman yoxdur. Zaman beyində meydana gələn bir anın digər bir anla müqayisə edilməsi nəticəsində ortaya çıxan bir qavrayış və inanc forması olub, insan beynində meydana gəlir. Zaman beynin bir məhsuludur, bir inancdır. Çöldə zamanın olduğunu zənn edir. Bir an vardır, an içində olub bitmiş hadisələr vardır. Allah belə yaratmışdır.

Musiqini bilavasitə yaradan Allahdır. Gələn musiqidirmi? Deyil. Səs dalğasıdır. Dalğa qulağa gəlib çatır, qulaqsa eşitmir, kardır. Dalğanı çatdırır, onu elektrik halında verir. Beyin də onu musiqi olaraq dinləyir. Ortada musiqi yoxdur, bax musiqi heç yoxdur. Çalınan yerdə musiqi yoxdur. Çöldə musiqinin olmaması çox qəribədir, çöldə yoxdur.

Bir çox insan dünyanın həqiqi mahiyyətini anlaya bilmir. Çöldə rəng, işıq, səs yoxdur. Beyinin içində, gözü olmayan ruh rəngarəng dünya görür.

İlk yaradıldığı andan bəri heç bir insan beynindən kənara çıxıb təsvirin əslini görməyib. Hər insan beynin içindəki monitorun qarşısında yaşayır.

Gözdən beyinə gələn elektrik cərəyanını üçölçülü işıltılı təsvir olaraq görənin kim olduğu sualını təkamülçülər əsla cavablandıra bilməz. Beyinin içində gözü olmadan görən, qulağı olmadan eşidən bir varlıq var. Bu varlığın necə meydana gəldiyi məsələsində təkamülçülərin heç bir cavabı yoxdur.

Hər insanın iki gözü də kordur. Göz elektrik axınını beyinə çatdıran cihaz kimidir. Beyində gözü olmadan təsviri görən biri var. Beyinin içində qulağı olmadan musiqini dinləyən kimdir? Təkamülçülər bir dəfə belə bu mühüm mövzu üzərində dayanmırlar.

Allah sazdan zövq almağı nemət olaraq yaradıb. Sazdan səs çıxmaz, qulaq nəsə eşitməz. Titrəyişi musiqi olaraq yaradan Allahdır. Ruh Allahın sənətindən zövq alar. Ruhu maraqlandıran çöldən gələn aşağı amperlik elektrik cərəyanı deyil, Allah dərgahında yaradılandır.

Allah o qədər çox möcüzə yaradır ki, insan hara baxsa möcüzə görür. Ən böyük möcüzə isə insan beyninin içidir. Beynin içində gözsüz görən, qulaqsız eşidən biri var. Bu həqiqətin iman xaricində heç bir açıqlaması yoxdur. Göz maye bir quruluşun içindədir, oradan işıq keçir və tərs şəkildə təsvir meydana gəlir, çox zəif amperdə elektrikə çevrilərək beyinə gedir və beyində bu zəif elektrik mükəmməl rəngli çox aydın bir təsvirə çevrilir və gözü olmayan biri bu təsviri görür. Bu böyük möcüzədir.

Allah tək bir hüceyrədən danışan, eşidən, iyləyən, mühakimə qabiliyyəti olan, sevməyi bacaran, hiss edən bir insan meydana gətirir. Heyrətamiz möcüzədir. Çöldə səs və musiqi yoxdur, təkcə titrəyiş vardır. Təkcə insan beyni içində musiqini musiqi kimi qəbul edir.

Beyinə çatan çox zəif amperli elektriki insan danışma, musiqi, səs kimi eşidir. Səs beyində bilavasitə Allah tərəfindən dinlətdirilir.

Xarici aləmdə musiqi yoxdur. Hər insan musiqini beyninin içində eşidir. Xarici aləmdə təkcə səs dalğaları var, səsi musiqi kimi qəbul edən ruhdur. Ruhun musiqini eşitməsi üçün elektrikə, səs dalğasına ehtiyacı yoxdur. Səs dalğası, beyinə çatan elektrik, hamısı təkcə səbəb olaraq var.

Beyinin içində gözü olmadan görən kimdir? İnsanlar bunu sorğu-sual etməlidir. Elektrik siqnallarını üçölçülü mükəmməl təsvir olaraq görən ruhdur.

İşıq və rəng çox böyük hadisədir. Qapqaranlıq beyinin içində çox təfərrüatlı rəngli görənin kim olduğu barəsində darvinistlər heç düşünmək istəmirlər. Səsin eşidilməsi, səsi idrak edən bir şüurun olması çox böyük hadisədir. Hiss edən, eşidən, qoxunu qəbul edən kimdir? Bunlar çox böyük möcüzədir.

Qulağa gələn atomları və elektriki beyində danışıq, musiqi, tiz və bas tənzimləməsi icra edilmiş şəkildə eşitmək heyranedici möcüzədir. Qulaqdan gələn elektrik keyfiyyətini insan təkcə uğultu şəklində qəbul edə bilər. Lakin musiqi kimi eşidir, istiqaməti bilir, əsas tiz və bas seçimi edir.

Allah gözü təkcə səbəb olaraq yaradıb. Gözdən beyinə çatan elektrik də çox zəifdir. Təsviri birbaşa ruh görür.

ABŞ-ın “Böyük Orta Şərq” layihəsinin məqsədi Mehdiyyəti dayandırmaqdır. Çünki Mehdiyyət bütün İslam aləmini birləşdirəcək bir sistemdir; Böyük Orta Şərq layihəsi də bütün İslam aləmini parça-parça edəcək bir sistemdir.

MHP-AKP koalisiyasına Amerika dərin dövləti, İngiltərə dərin dövləti qarşı çıxar. Bütün bunları gözə alaraq bu koalisiyanı yaratmalıdırlar. Bu, ABŞ-ın “Böyük Orta Şərq” layihəsini təməlindən yox edəcək bir koalisiyadır.

Ən ağlabatan şey AKP-MHP koalisiyasının yaradılmasıdır. CHP-AKP koalisiyasından bir şey çıxmaz. Mənim qənaətimə görə həm CHP, həm də AKP zəifləyər. İkisi də kiçilərlər. Ağıllı bir şey olmaz.