Adnan Oktar A9 TV; 1 mart 2017

Hər gün dəccaliyyət kindən, nifrətdən bəhs edir, biz də hər gün sevgidən bəhs edərək o şeytanı elektriki Rəhmani elektrikə çeviririk.

Sevgisiz insanları əsil narahat edən və həsəd aparmalarına səbəb olan dekolte deyil, dostlarımın mənə olan böyük sevgisi və sədaqətidir. Bir çox kanalda əyləncə, söhbət proqramı var, qadınlar həmişə dekoltelidir, heç kim onlarla maraqlanmır. Dostlarımın sevgisinə həsəd aparırlar.

Şeytan insanların arasının dəyməsi üçün dünyaya sevgisizlik cadusu etdi. Bu cadunu israrla Allahdan və sevgidən bəhs edərək yox edəcəyik.

Dəccaliyyətin biliksiz, imanı zəif, eqoist, təkəbbürlü bəzi hocalarla müsəlmanları yuxuya verməsinə elmlə, fikirlə icazə verməyəcəyik. Əksinə oyanma olacaq.

Türkiyənin 99%-də müasir, ziyalı müsəlman dünyagörüşünün hakim olmasına biz vəsilə olduq. Mövhumatçı sistemin yaşanılmaz olduğunu hər kəs gördü.

Mən gözəlliyə Allah sevgisi ilə aşiq insanam. Gözəllik ruhu açar, qəlbi açar. Mənim ruhumun qidası gözəllikdir. Cənnətin təməl xüsusiyyəti gözəllikdir.

Minlərlə dəfə söylədim bir daha söyləyirəm, mənim Mehdilik iddiam olmadı və olmayacaq. Hocalıq iddiam da yoxdur.

İnsanları namazdan uzaqlaşdırmaq üçün Quranda olmayan çoxsaylı hökm əlavə edirlər. Bu hökmlərdən dinə qarşı sədd kimi istifadə edirlər. Quranda olmayan hökmlər əlavə edərək milyonlarla insanın dəstəmaz almasına, namaz qılmasına, dini yaşamasını əngəlləyirlər.

İngiltərə dərin dövlətinin oyunlarını ifşa edərək açdığımız qapı bir çox ziyalı və yazarımızın lazım olan elmi mübarizəni aparmasını təmin etdi.

Allah dəstəmazı bir ayədə izah edir və çox asandır. Mövhumatçılar isə dəstəmaz üçün 600 səhifə kitab yazırlar, üstəlik hər məzhəbə görə də fərqlidir. İnsanlar da buna baxıb mən dəstəmaz alıb namaz qıla bilmərəm deyirlər. Qurandan kənar din anlayışı insanları İslamdan soyudur.

İnsanların bir çoxu dünya dolanışığı hayındadır. Mənim dostlarımın gecəsi də, gündüzü də Allah rizası üçün cəhd etməkdir.

Bir çox insan üzərinə gələn təzyiqə və islamofobiyaya qarşı bizim gördüyümüz elmi işlərin və müasir İslam anlayışımızın sədd olduğunu anlamır. İnsanlara camaatına, özünə belə düşmən, baxımsız, zövqsüz müsəlman modelini aradan qaldırıb Quranın nur kimi İslam anlayışını göstərdik.

İslamdan, dindən ən hikmətli, əsaslı şəkildə bəhs edən, dinin önündəki bütün maneələri elmlə aradan qaldıran bizim işlərimiz oldu.

Gənclərə din adı altında içinə qapalı, sevgisiz model təqdim etmişdilər. Biz həm gəncliklərini, həm də həyatın gözəlliklərini yaşayacaqları Quran dinini göstərdik. Sevgisiz, incəsənət olmadan, qəmgin hallarıyla İslamı məhv etmək üzrə idilər. Keyfiyyətin, sevincin, müasirliyin dinlə iç-içə olduğunu göstərib bu oyunu pozduq.

Buddizm haqq dinin pozulmuş halıdır. Budizmin içində də namaz, oruc, zəkat kimi ibadətlər dəyişmiş halda var.

Namaz çox köhnə, qədim bir ibadətdir. Tarix boyu bütün qövmlərdə namaz ibadəti olmuşdur. Qayaüstü təsvirlərdə də bu həqiqət görünür.

Səmimi müsəlmanın namazı unutmasından söhbət gedə bilməz. Namaz Allaha sevgimizi göstərdiyimiz incə ibadətdir, nemətdir.

Qadınları namazdan, dəstəmazdan, İslamdan uzaq saxlamağı sanki mərifət zənn edirlər. Bu anlayış Peyğəmbərimiz (s.ə.v) dövründə yox idi, müşriklər yaratdı. Əvvəlcə qadınları namazdan, dəstəmazdan uzaq saxlamış, sonra da qadınların dini yarımçıqdır deyə cəhənnəmə gedəcəklər demişlər. Bu, şirk zehniyyətidir.

Mənim dostlarım namazlarına qarşı çox diqqətcildirlər. Bir dəfə belə namazlarının vaxtını keçirməz, həmişə vaxtlı-vaxtında qılarlar.

Namaz bayramdır. Namaza yetişmək bayrama yetişməkdir. Namaz bayramına sevinclə hazırlıq görülər.

İnsanlara namazı çox çətin göstərdikləri üçün bir çox insan namaz qılmaqdan uzaq qalır. Namaz çox zövqlü və asan ibadətdir. Namazı və dəstəmazı çətinləşdirmək şeytanın insanlara oyunudur. Allah Quranda dəstəmazı bir ayədə izah edir, insanlar onun barəsində 300 səhifə kitab yazırlar.

Namaz, Allaha sevgimizi və hörmətimizi göstərdiyimiz çox gözəl ibadətdir.

Münafiqin bütün ibadətləri xəyalidir. Münafiq namaz da qılmaz, dəstəmaz da almaz. Xəyali olaraq namaz qıldığını izah edər.

İbadəti mənasını bilərək etmək əhəmiyyətlidir. Namaz qılarkən mənasını bilmək, düşünmək, Allaha olan dərin sevgimizi ifadə etmək lazımdır.

Qadınlar çox nəfis varlıqlardır. İnsan baxmağa və sevməyə doya bilmir. İnsanların qadınların qiymətini bilməməsinə təəccüblənirəm.