Adnan Oktar A9 TV; 16 sentyabr 2013

Allah yaratdığı hadisələrlə insanlara Özünü düşündürür. Düşünmək çox əhəmiyyətlidir. Allah Quranda insanı düşünməyə təşviq edir.

Səbəbə sarılmadan dua etməzlər. "Namaz qılacağam" deyib, oturmaq olmaz. "Allahım, mənə namaz qıldır" deyərək nəyisə oturub gözləsən, elə orada da qalarsan. Qalxıb feli, əməli dua ilə namazını qılacaqsan. Sənin orada hərəkət edib zəhmət çəkməyin feli duadır.

BİZİM DƏRİN DÜŞÜNMƏK KİMİ XÜSUSİYYƏTİMİZ OLMALIDIR. QURAN BİZİ DƏRİN DÜŞÜNMƏYƏ, DƏRİN TƏFƏKKÜR ETMƏYƏ YÖNƏLDƏR. İnsanlar həmişə hazır məlumat əldə etmək istəyir. Hər şey açıq olsun və insanlar da artıq məcbur qalıb iman etsinlər. Elə olmaz.

Səbəbə sarılmalısan. Günəşli havada biz kölgədə dururuq. Sən də kölgəyə çəkilməlisən. "Günəş məni yandırdı" demək əvəzinə susadığın zaman su iç, inşAllah.

İnsan düşündükcə əldə etdiyi bilik Allahdan ilhamla gələn bilikdir.

Xurafatla bir insan iman etməz. Təhqiqi iman üzərində dayanmasaq, iman zəifliyi olar. Düşünməyən insanın imanı zəif olar.

İnsan üçün Yaradanın sənəti ən zövqlü nemətlərdən biridir. Bu gözəlliyi görmək, təfəkkür etmək, anlamaq insana çox sevinc verən nemətlərdən biridir.

Allah diqqətimizi açsın, Özünə daha çox bağlanmağı və sevgimizi yalnız Ona yönəltməyi nəsib etsin. Ağlımızı gücləndirib, Allahın dəlillərini yaddaşımıza həkk edib; şüurlu və səmimi bir şəkildə imanımızı gücləndirib davam etdirsin. İman zəifliyi çox təhlükəlidir, Allah qorusun.

Əgər cənnət barədə səthi düşünülsə, insan beyni onu səthi qavrayar və ona səthi inanar. Amma diqqətlə düşünüb qəti şəkildə iman edərsə, bunu etməsi üçün Allahdan özünə lazımi məlumatları verməsini israrla tələb edərsə, cənnət və axirət həyatını aydın şəkildə qavrayar.

Mələklərə iman, taleyə iman. Bunlar barədə ayrı-ayrılıqda düşünmək, təfəkkür edilib beyində tam iman kimi oturtmaq lazımdır. Yəni xalqın böyük hissəsində səthi məlumat şəklində bunlara qarşı inanc var. Lakin sarsılmaz məlumat olaraq, bu yalnız təqvalı müsəlmanlarda olur. Möhkəm məlumat halına gətirmək lazımdır.

Başa öz-özünə məlumat gəlməz. Tərbiyə edilməlidir, öyrədilməlidir. Başını qoy yerə yat, bu cür olmaz, insan xüsusi olaraq məşğul olmalıdır. Düşünmək namaz kimi ibadətdir.

Allahı həmişə zikr etmək və düşünmək üçün çox təfsilatlı məlumatlar şərt deyil. İşığın hər an yaradılması təkcə çox mühüm nemətdir.

Allah hər şeyi xeyirlə yaradar, xeyirlə hər iş bitmişdir. Biz səbəbə sarılmaq üçün tədbir alıb cəhd edirik.

Çox düşünmək, çox məsuliyyət almaq zehin və şəxsiyyətin inkişafı üçün çox faydalıdır.

Yerin altında maqma qaynayır, meteoritlər həmişə dünyaya toxunub keçir, insanların böyük hissəsi nişan, toy, çek, sənəd arxasınca qaçır. Heç düşünmədən yaşayırlar.

İslamda düşünmək vacibdir. Allahı xatırlayarkən, Allahın adlarını söyləyərkən də düşünərək, Allahı çox sevərək, mənasını bilərək söyləmək əhəmiyyətlidir.

Namazı huşu içində qılmaq ifadəsi, özünü itirmə demək deyil. Huşu səmimiyyət deməkdir. Allahla səmimi əlaqə quraraq açıq şüurla namaz qılmaqdır. Eşqlə Allahı sevməkdir. Huşu budur.

İnsanın qolu ağrıyanda narahat olur. Dərhal dərmana əl atır. Bəs niyə dua etmirsən? Dua et, dərman vəsilədir, şəfanı dərman deyil, Allah verər və dərmanı vəsilə edər. Hər bir insan dərmanı Allahın yaratdığını bilməli, dərmanı feli dua olaraq istifadə etdiyini bilməli, dua etməlidir.

Vaxt qızıldan da qiymətli və çox əhəmiyyətlidir. Buna görə də hər bir insan vaxtını var gücü ilə səmərəli keçirməlidir. 4-5 saat serial seyr etmək yerinə ümumi mədəniyyətini, məlumatını artır, insanlara yardım et, ətrafını təmizlə, özünü keyfiyyətləşdir. Gözəlliyə, elmə, sənətə dəyər, əhəmiyyət ver.

Dua Allah ilə əlaqə qurmaqdır. Ona görə də Allah Quranda duaya xüsusilə diqqət çəkir. Allah bəndələrinin Ona dua etməsini bəyənir, sevir. Çünki onunla bağlantı olur. Xristianlar da bu sirri bilib, dadını çıxarmışlar. Allah duaları qəbul edəndir. Bu çox əhəmiyyətli bir mövzudur.

33-cü dərəcəli massonam. Hal-hazırda masson parlament salonlarına, hər yerə girməyə haqqım var. Amerikadakı, Avropadakı, hər yerdə parlament salonlarına girməyə haqqım var və Böyük Ustad olaraq girmək haqqım var. Böyük Ustad olaraq konfrans keçirmək, söhbət etmək haqqım var. Masson olmadan mən ora girə bilmərəm. Təbliğ etmə imkanı tapa bilmərəm.

Hal-hazırda masson parlament salonlarına istədiyimiz kimi girmə imkanımız var. Ustadı əzəm olaraq istədiyimiz yığıncaqlara qatılma imkanımız var. Ona görə hazırlıq görürük. Massonlara böyük həcmli təbliğ fəaliyyətimiz olacaq, inşaAllah.

Terrora, anarxiyaya qarşı ən gözəl həll səhabə İslamıdır. Yəhudiliyin, xristianlığın da rahat hərəkət edə biləcəyi sistem budur.

Bu gün dünyada elm adamlarından məşhur olanların hamısı, siyasətçilərin böyük bir hissəsi massondur və yaxud da Martinistdir. Ustad masson da olarkən bu kəslərlə əlaqə saxlamaq olduqca rahat və asan olar. Ona görə də 33-cü dərəcəli masson olmağımı bir nemət kimi görürəm.

Əsas məsələ odur ki, İslam aləminin birləşib, onlar üçün lider seçib dünyanı cənnətə çevirmələri, hər fikirə mənsub insanlara hörmət edib, dünyanı birlikdə xoşbəxt yaşanacaq şəkildə idarə etmələri, dünyanı xoşbəxtlik dənizi halına gətirmələridir.