Adnan Oktar A9 TV; 19 may 2017

Mömin əfv edəndir, kin saxlamaz, qəzəblənməz. Möminlər arasında uzanan məsələ olmaz.

Allaha sevgimizin sübutu Allahın rizasına ən çox uyğun olanı seçmək, Allahın ən çox razı olacağı rəftarı yaşamaqdır.

İmtahanın olması, bu cür təhsildən keçmək, cənnətin məna qazanması üçün vacibdir. Əziyyət çəkməyən dərinlik qazana bilməz. Dərinliyin, ehtirasın və sevginin yaranması üçün səbir, sədaqət, vəfa lazımdır, bunları da ən gözəl imtahanla qazanarıq.

Möminin zamanı çox yaxşı qiymətləndirməsi, zaman mühəndisi kimi davranması lazımdır. Yaxşı plan qurmaq lazımdır. Plan qurulmadıqda zaman insanı udar.

Xoşbəxtlik pulla olmaz. İnsan sarayda yaşayar, lakin xoşbəxt ola bilməz. Xoşbəxtlik imanla, Allah sevgisi və Allah qorxusu ilə olar.

Qadının ruhuna ən çox təsir edən ehtiras, dərinlik, ağıl və sevgidir. Qarşısındakında ağıl və dərinlik görməyən qadın mənəvi cəhətdən ölmüş deməkdir.

Qurana möhkəm sarılmaq, Allahın hökmlərinə Allah sevgisi ilə güclü bağla sarılmaq insanın ruhən və bədən cəhətdən güclü olmasını təmin edər.

Mömin israrla özünü səthi olmaqdan, alçaqlıqdan qoruyar. Səthi insanların güldükləri şeylər çox keyfiyyətsizdir. Nəcib insan səthilikdən uzaq dayanar. Səthiliyə səthi olaraq qarşılıq vermək müsəlmana yaraşmaz. Müsəlmanın hər rəftarının nəcib olması lazımdır.

İnsanın həmişə özünü inkişaf etdirməsi əhəmiyyətlidir. Mömin Quranla, İslamla özünü təmizləməli, səthi olmaqdan, adilikdən xilas olmalıdır.

Xəstəlik xüsusi yaradılar. Sağlamlıq da, xəstəlik də Allahın sənətidir. Xəstəlik qarşısında mömin təvəkküllüdür. Xəstəlik insanın təkəbbür hərisliyini, özündən razılığını və dünyaya aludə olub Allahı unutma təhlükəsini aradan qaldırar. Xəstəlik Allahın ledün sənəti içində gözəllikdir, cənnətə vəsilə olar.

Mömin hər an səmimi olacaq və səmimiyyət anlayışında heç fasilə olmayacaq.

Mənim tək həyat fəlsəfəm hər şeydə Allahın rizasının ən çoxunu istəmək və axtarmaqdır.

Mömin tez bir zamanda cənnətə getmək arzusunda olar. Uzun ömür isə Allaha xidmət üçün, İslamı təbliğ üçün istənilər.

Allahın təcəllisini gördüyüm dindar, təmiz, səmimi hər qadını Allah sevgisi ilə çox sevərəm.

Möminlər qardaşdır. Mömin bir-birinə ata-ana kimi sahib çıxar. Bir-birinə hamidir. Mən də dostlarımın dostu, qardaşı, yoldaşı, hamisiyəm.

Həyatı dolu-dolu yaşamaq Allahın rizasının ən çoxunu axtararaq mümkün olar. Dünyanın haqqı ən gözəl belə verilər.

Allahın bizdən istədiyi Öz rizasının ən çoxunu bütün gücümüzlə istəmək və səmimi olmağımızdır. Bu vəziyyətdə Allah mükəmməl yolda irəlilədər. Müsəlman tam səmimi olmalıdır, bu zaman dümdüz yolda irəliləyər. Əks halda ora-bura sovrular.

Allah axirətdə Qurana tabe olub olmadığımızı soruşacaq. Müsəlman təkcə Qurandan məsuldur.

Müsəlman Allah rizası üçün çox səmimi olar. Fəal, səmimi olanın yolunu Allah mütləq açar. Müsəlman əlində nə imkan vardırsa, ondan Allah üçün istifadə edər.

Allah bütün qonşu ölkələrə olduğu kimi, Gürcüstana da bərəkət, bolluq və hüzur versin. İnşaAllah bütün qonşularımızla viza tətbiqi ləğv olunacaq.

Bədbəxtliyin əsil mənşəyi Allah qorxusunun və Allah sevgisinin çatışmazlığıdır. Allahı çox sevən bir insan bədbəxtlik yaşamaz.

Musiqi və incəsənət sevgi ilə edildikdə çox gözəl olur. Rəsmi, soyuq, çox ciddi rəftar olduqda ruhda təsir yaratmır.

Biz Quranı səmimi izah edirik, heç bir mənfəət olmadan Quranı izah edirik. Biz din mühəndisliyi etmirik. Allaha olan sevgimizi izah edirik.

Qadın qarşısındakı insanın ağlına, dərinliyinə, şəxsiyyətinə və etibarlı olub-olmadığına baxar. Qadın Allah sevgisi axtarar, dostluq və şəfqət istəyər.

Çətin günlər və böyük hadisələrlə qarşılaşacağıq və nəticəsi xeyirli və gözəl olacaq. Türkiyə bərəkətli, uğurlu ölkədir.