Adnan Oktar A9 TV; 21 mart 2017

Avropanın İslam əleyhdarlığının təməlində mövhumatçılığın sevgisiz, incəsənətsiz, dözümsüz, nəzakəti zəif zehniyyəti var. Əlbəttə ki, Avropanın irqçi və müsəlmanlar əleyhinə olan münasibəti çox yanlışdır. Lakin mövhumatçıların da musiqidən, heykəldən, incəsənətdən nifrət edən münasibəti Avropadakı bu məntiqin zəmin qazanmasını təmin edir. Qadının döyülməsini söyləyən, anasının diz qapağını təhrikedici hesab edən, dekolte qadın gördükdə heyvani reaksiyalar verən zehniyyətdən Qərbin narahat olması haqsız səbəb deyil. Bu mədəniyyət pozğunluğunun düzəlməsi vacibdir.

Əgər İslam Quranda izah edildiyi kimi yaşansa dünya cənnətə dönər. Mövhumatçıların izah etdiyi heç nə Quranda yoxdur. Mövhumatçılığın məntiqi davam etsə, Allah qorusun insanlar tamamilə İslamdan uzaqlaşar. Bu təhlükənin tək həll yolu Quran İslamıdır.

Mövhumatçılıq ucbatından insanlar İslamı yaşadıqda həyatın bütün sevincini və gözəlliklərini itirəcəklərini zənn edirlər. Halbuki Quran İslamı yaşandığı zaman dünyanın bütün gözəllikləri insanın həyatında olar. İnsanlar həqiqi sevinc və xoşbəxtliyi tapar.

Musiqiyə, heykələ, rəsmə, dekolteyə, gözəlliyə qarşı o qədər qarşıdırlar ki, heç cür nemətləri qəbul edə bilmirlər. Məkkəli müşriklər də belə idi. Əyləncəni, baxımlı olmağı, azadlığı özləri üçün haqq hesab edir, lakin qadınların da haqqı olduğunu heç cür qəbul edə bilmirdilər.

Ənənəvi ortodoks sistemi müdafiə edənlər izah etdikləri həyatı özləri də yaşamırlar. Yaşanması mümkün olmayan bir həyatı izah edirlər.

Dünyanın hər yerində bir çox insanın təbliğ edə bilmədiyi mühitdə İslamı izah edirik. Darvinist fəlsəfənin dünyanı boğmasına mane oluruq. Anti-darvinist elmi fəaliyyətimiz imanlı nəsil yetişməsinə səbəb olur. Bəzi mövhumatçı kütlələr onları necə bir bəladan qoruduğumuzu anlamır.

YPG Avropaya verdiyi mesajda özünü guya qadın azadlığını müdafiə edən və mövhumatçılığa qarşı olan struktur kimi tanıdır. Bu yolla Avropa və Amerikadan dəstək alırlar. Türkiyə çox müasir və azad olsa, bunların bu yalanını da ortaya çıxartmış olar.

Avropada dinsizlik geniş yayılıb, halbuki gənclər həqiqi İslamı bilsələr xoşlarına gələr, lakin ənənəvi İslam izahları ucbatından dindən uzaqdırlar.

Qadının döyülməsini müdafiə edən, incəsənətin qadağan olmasını, gülmənin, sevincin haram olduğunu söyləyən din Qurandakı İslam deyil.

Allah dəstəmazı bir ayədə izah edir və çox asandır. Mövhumatçılar isə dəstəmaz üçün 600 səhifə kitab yazırlar, üstəlik hər məzhəbə görə də fərqlidir. İnsanlar da buna baxıb mən dəstəmaz alıb namaz qıla bilmərəm deyirlər. Qurandan kənar din anlayışı insanları İslamdan soyudur.

İslam, sevgi, sevinc və hüzur dinidir, insan fitrətinə uyğundur. İslamı sevinci yox edən, incəsənəti öldürən məntiqə döndərənlər mövhumatçılardır.

Bəziləri İslam əldən gedir deyə birdən-birə qəzəblənirlər, lakin əldən gedən İslam deyil, şirk dinidir. Yerinə həqiqi İslam, Quranın nuru hakim olacaq.

Mövhumatçı zehniyyətin qadına olan baxış prizması çox azğın dünya anlayışının yaranmasına səbəb olur. Bu, insanları İslamdan uzaqlaşdırır. Mövhumatçılığın ortaya qoyduğu dəhşət dünyasından xilas olmaq üçün Quranın izah etdiyi həqiqi İslama sarılmaqdan başqa yol yoxdur.

Qorxunc bir dünya istəyirlər. Quranın ağıllı, sevgi dolu, mərhəmətli, keyfiyyətli, ziyalı, azad dünyasından uzaq tamamilə azğın bir dünya yaradırlar.

Trampın “Radikal İslam”dan bəhs etməsində yanlış cəhət yoxdur. Bununla, Qurana uyğun olmayan səhabə İslamından uzaq İslamı nəzərdə tutur.

"Şahmat, nərd haramdır, qadınlar gülə bilməz, qadın hamilə olarkən çölə çıxa bilməz" deməklə, bilərəkdən və ya bilməyərəkdən insanları dindən soyudurlar. İnsanları İslamdan soyutmaq üçün tətbiq edilən hər üsula qarşı çox diqqətli olmaq lazımdır.

İslamiyyətin asan din olduğunun görünməsini istəmirlər, çünki bu zaman İslamın sürətlə dünyaya hakim olacağını bilirlər.

Sevinc, incəsənət və gözəllik olmayan İslam iddiası, İslamın haşa bitməsi üçün şeytanın oynadığı bir oyun idi. Bu oyunu biz puç etdik.

Bəzi televiziya kanalları inanmadıqları və tətbiq etmədikləri həyatı insanlara təlqin edir, İslamı incəsənətsiz, gözəllik olmayan bir həyat kimi göstərirlər.

Quran və İslam həyatın hər yerində var. Heç bir mövzu dindən uzaq deyil.

İngiltərə dərin dövləti İslam deyildikdə qadınların alçaldıldığı, rəsm əsəri, musiqi, incəsənətin olmadığı bir sistemin ağıla gəlməyini istəyir. "Müsəlmanlar şiddət istəyər, sünnilər və şiələr bir-birlərini asıb kəsərlər" təlqini vermək istəyir. Biz də bu təlqinin əsassız olduğunu göstəririk. İngiltərə dərin dövlətinin yaratmaq istədiyi cəhənnəm kimi İslam anlayışını aradan qaldırdığımız üçün nə qədər tərəfdarları varsa böhtanları ilə üstümüzə salırlar. Bu hücumların üzərimizdə zərrə qədər mənfi təsiri olmaz, olmadığını da görürlər.

İŞİD-i də, şiə milisləri də maliyyələşdirən, yönləndirən, qırğın törətdirən İngiltərə dərin dövlətidir. Məqsəd müsəlman düşmənçiliyi yaratmaqdır. Nur olan, cənnət olan İslam dinini asan, kəsən, sevgisiz, cəhənnəm dini kimi göstərmək üçün bütün bu təşkilatları İngiltərə dərin dövləti dəstəkləyir.

Azadlıq, incəsənət, qadın hüquqları hakim olduqda dünya İslama və Türkiyəyə yönələcəyi üçün İngiltərə dərin dövləti bu təşəbbüsün qarşısını almaq istəyir.

Londonda baş verən terror hərəkətini qınayır, ingilis xalqına başsağlığı diləyirik. Terror və şiddət darvinist, materialist ideologiyanın məhsuludur. Terrorun hər növünü şiddətlə qınayırıq.

Ülkücü ictimaiyyətin dünya, məqam, mövqe iddiası yoxdur. Hamısı xalis dava adamıdır. Vətən, millət üçün canlarını ortaya qoyarlar.