Adnan Oktar A9 TV; 24 avqust 2016

Allah adından hökm vermək, Allah adından yeni halallar və haramlar yaratmaq şirkdir, buna görə də mövhumatçılar müşrikdir.

Gözəlliklə və sevgiylə hərəkət edildiyi zaman hər kəsi qazanmaq, hər problemi həll etmək mümkün olar. Bunun da adı mehdiyyətdir.

Quranda bildirilən möhkəm iqtidar; demokratiyanın, azadlığın, zənginliyin, ədalətin mükəmməl olduğu, sülhün və xoşbəxtliyin olduğu iqtidardır.

Sevgisizlik və keyfiyyətsizlik ilə həyat sanki özləri üçün bəlaya dönmüş olan insanlar cənnət kimi mühitdə yaşayan möminlərə həsəd aparırlar. Həsəd aparanların pis sözləri, qəzəbləri və kinləri yalnız özlərinə zərər verər. Həsədin pisliyi müsəlmanlara yaxşılıq kimi qayıdar.

Yalnız yol, körpü və bənd inşa edilməsi kifayət etmir. Əsil prioritet keyfiyyətli, imanlı, ziyalı, müasir, sevgini bilən bir nəsil yetişdirmək olmalıdır.

Donuq, dar düşünən, keyfiyyətsiz, incəliyi olmayan, Allahdan uzaq, sevgini və hörməti heç bilməyən özünə də hörməti olmayan bir nəsil meydana gəlir. Ruhu qaranlıq, bədəni də çirkli, demək olar ki, hər kəsdən nifrət edən bəzi gənclərin işlətdikləri üslub da həmişə faydasız olur.

Estetika, incəsənət, gözəllik və ehtişam Allah qorxusu və sevgisi ilə meydana gələr. Allahı çox sevən gözəllik üçün çox diqqətli olar.

İnsan özünə hörmət etdikdə gözəl olur.

İslam Birliyi dünya cənnətidir. Sülhün, qardaşlığın, sevginin olduğu, müharibənin və döyüşün olmadığı, incəsənət, gözəlliyin hər yerə hakim olduğu sistemdir.

Dində məcburiyyət yoxdur. Bu İslamın açıq hökmüdür. Məcburiyyətlə, təzyiqlə, zorakılıqla din olmaz. Təzyiq göstərən bir İslam anlayışını müdafiə edənləri tamamilə rədd edirik. Qurana əsaslanan demokrat, azad və dünyəvi bir sistemi müdafiə edirik.

İnsanlara rahatlıq verən demokratiya və azadlıqdır. Hər zaman azadlıqdan yana rəftar göstərilməlidir.

Müsəlmanlara mənəvi cəhətdən elə təzyiq göstəriblər ki, dində olmayan qaydalarla sanki zehinlərini dondururlar. Musiqi, incəsənət, gülmək, şən olmaq, həyat dolu olmaq potensial cinayət kimi göstərildiyi və özlərini də potensial günahkar gördükləri üçün hər yerdə aciz mövqedə olurlar. Qurana tam tabe olan müsəlmanlar ziyalı, keyfiyyətli, özünə inamlı və çox ağıllıdır. Acizliyi heç bir müsəlman əsla qəbul etməməlidir.

Ələvilik nurdur, gözəllikdir. Yaradana sevgidir. İnsana, heyvana, bitkiyə, gözəlliyə sevgidir. Mövhumatçılığın qapısını sonuna qədər bağlayar.

Atatürk İslama, elmə və incəsənətə əhəmiyyət verən, Quran müsəlmanlığının yaşanmasını istəyən mövhumatçılığa qarşı olan üstün xüsusiyyəti, dəliqanlı bir lider idi.

Mövhumatçılığın geniş yayıldığı bir dövrdə Atatürk tam bir centlmen idi, Avropa mədəniyyətinə Osmanlı mədəniyyətini də əlavə etmişdi, keyfiyyətə bir nümunə idi.

Mövhumatçılıq və Qurandan uzaqlaşma olmasaydı, nə radikal təşkilatlar olardı, nə də Əfqanıstan, İraq, Suriya bu vəziyyətdə olardı. Əksinə hər yer gözəl olardı.

Mövhumatçılığı izah edən əksər insan öz uşaqlarını belə izah etdikləri sistemi yaşamağa inandıra bilmirlər, özləri də izah etdiklərini yaşamırlar.

İngiltərə dərin dövləti ənənəpərəst mövhumatçı sistemi var gücü ilə dəstəkləyir, çünki bu sistemin İslamı daxildən çökdürəcəyini bilirlər. Xurafat dolu bir İslam anlayışı yaratdıqları zaman hər kəs İslamdan uzaq dayanır, məqsədlərinə çox asan nail olurlar. Bu oyunu biz pozuruq.

Mövhumatçılıq İslamı daxilən çökdürmək üçün şeytanın planlaşdırdığı sistemdir. Dərin düşünməyi, yaradıcı gücü yox edir və insanları keyidir. Mövhumatçı sistemin insanları boğmasına imkan verməyək. Quranın şən, azad, istiqanlı, mehriban, gözəl ruhu ilə dünyanı cənnətə döndərək.

Qurana əsaslanan həqiqi İslam yaşanmış olsa İslam əxlaqı dünyaya sürətlə yayılar və hakim olar. Mövhumatçı İslam anlayışına qarşı, həqiqi İslamı izah etsək islamofobiya aradan qalxar və dünya zövqlə İslama yönələr.

İslam Birliyi meydana gəlsə yaşanan bütün sıxıntılar dərhal bitəcəyi halda, müsəlmanlar birləşmədikləri üçün bu əzablar artaraq davam edir.

Hz. Musanın əsası, hz. Nuhdan hz. İbrahimə keçən əsadır. Hz. İbrahim də bu əsa ilə bütləri sındırmışdır. Hz. Yusif Misirə gəldiyi zaman bu əsadan istifadə etmişdir. Hz. Musanın bu əsası ən son olaraq hz. Mehdiyə keçəcək.

İngiltərə dərin dövləti hədislərə və müqəddəs kitablara baxaraq mehdiyyətin əhəmiyyətini bundan 2 əsr əvvəl qavradı. Buna görə də öz aləmlərində həqiqi mehdiyyət hərəkatına əngəl törədə bilmək üçün saxta mehdiyyət hərəkatları çıxarırlar.

Suriyada xalqın böyük əksəriyyətinin inancı mehdiyyətdir. Xalqın bu inancını görməzlikdən gələrək həll yolu yaratmaq mümkün olmaz.

Terrorla mübarizədə yanlış üsul tətbiq edilir. Əvvəlcə təhsil müəssisələrində gənclərə; "sizin əcdadınız meymun idi, ilk əcdadlarınız da ibtidai icma həyat yaşayırdı, tarix bir parabola izləyir və indi yenidən əcdadlarımızın yaşadığı ibtidai icma cəmiyyətinə doğru qayıdırıq, hazırkı sistemi dağıtmağın yolu da zorakılıqdır" deyilir. Buna görə də "məhv olsun terror" demək deyil, terrorun bu fikri zəminini aradan qaldıracaq mədəni iş görmək lazımdır.