Adnan Oktar A9 TV; 5 yanvar 2016

Ənənəvi Ortodoks sistem, Allah adına nə qədər təzyiq göstərilsə, Allaha bir o qədər yaxınlaşılacağına inanır. Halbuki insan Allaha yaxınlaşmadığı kimi, həm Allahdan və dindən uzaqlaşar, həm də ağlını itirər.

Biz çox müasir Avropalaşmış bir ölkə olmalıyıq. Hökumətin ən çox diqqət etməli olduğu məsələ budur. Müasir olmasaq elmdə və incəsənətdə inkişaf olmaz. Hərbi cəhətdən də gücümüz olmaz. Klassik Yaxın Şərq ölkəsi kimi olar və yavaş-yavaş çökərik.

Hökumət Türkiyəni müasirləşdirsin. Dövlətin bütün qurumları müasirləşsin. Xalqın müasirləşməsi üçün səy göstərilsin. Binalar, həyat, sistem hər şey müasir olsun. Başqa cür olduqda, çox böyük təhlükə olar.

Dövlət mehdiyyətə var gücüylə sahib çıxmalıdır. Çünki mehdiyyətdə dövlətə müdaxilə yoxdur. Birincisi mehdiyyət siyasətə qarışmaz, ikincisi bütün İslam aləmini və bütün Türk aləmini birləşdirici mahiyyəti var, üçüncüsü isə, mövhumatçılığa qarşı, müasirliyi mümkün qədər təşviq edən sistemdir və parçalanmanı tamamilə aradan qaldıran sistemdir. Bu dövlət üçün çox idealdır.

Qadını müasir olmayan ölkə heç vaxt müasir olmaz. Qadını rahat olmayan, qadını azad olmayan bir ölkə heç vaxt azad olmaz. Qadınların gülmədiyi bir ölkədə heç kəs gülə bilməz. Qadınlar xoşbəxt deyildirsə, heç kəs xoşbəxt olmaz.

Peyğəmbər (s.ə.v) o dövrün ən müasir insanıydı, hz. İbrahim (ə.s) o dövrün ən müasir insanıydı. Müasirliyə qarşı mübarizə aparmağı İslamın tələbi zənn edirlər. Şeytan aldadır, səhv yol kimi göstərir. Müasirlik nemətdir. Cənnət insan ağlının qavraya biləcəyi ən müasir yerdir. Müsəlman müasirliyi hədəf etməlidir.

Avropanın ən müasir ölkəsi olmalıyıq. Ankara Parisi keçməlidir. İstanbul Londondan daha keyfiyyətli olmalıdır. Müqayisə etmək mümkün olmamalıdır. Hər yerdə nəzakətli, xoşsöhbət və sülhsevər insanlar olmalıdır. Çay evlərində, küçələrdə, hər partiyadan, hər fikirdən olan insan, eləcə də, hər kəs bir-birini sevməlidir.

Bəzi mövhumatçıların əlinə müəyyən imkan keçsə, nə musiqi dinlənilməsinə icazə verər, nə heykəl qalar, nə rəsm əsərləri qalar, nə qadınlar makiyaj edə bilər və nə də küçəyə çıxa bilərlər. Çoxu gözü dönmüş insandırlar. Bunun üçün də, Türkiyə müasir dindarlığa doğru sürətlə irəliləməlidir.

Avropa və dünya səviyyəsində bütün insanların bizə dost olması, eləcə də, ən başda Allahın bizi sevməsi üçün, heyrətamiz sevgi müəllimi olmalıyıq. Yəni dünyada görülməmiş xarakter nümayiş etdirməliyik. Dünya bizi heyrətlə izləməlidir. Həmçinin daha çox müasir olmalıyıq.

Hər yerdə həqiqi, səmimi, dürüst, müasir dindarlar ön planda olmalıdır. Müasir, səmimi bir dindar, ateist üçün də çox böyük zəmanətdir, yəhudilər və xristianlar üçün də. Çünki Allahdan qorxur, vicdanıyla hərəkət edir. Bu, hər kəs üçün bir zəmanətdir.

Türkiyə nümunəvi ölkə olsun. Başda İngiltərə dərin dövləti olmaqla, 200 ildən bəri Türkiyəni yox etməyə çalışırlar. Yox edəcəyinə, ultramüasir, İslam aləminin nümunə götürəcəyi bir ölkəyə çevir, Türkiyə çox gözəl xidmət etsin.

Ölkəmizin ayaqda qalması, eləcə də, birlik və həmrəyliyin təmin edilməsi üçün nifrət siyasəti ortadan qalxmalıdır. Mürtəce ruh ortadan qalxmalıdır. Çünki ənənəvi mövhumatçı ruhda nifrət təməl siyasətdir. Hər şeydən nifrət edilər.

Dərin dünya dövlətinin, ənənəvi Ortodoks müsəlmanlığı təhrik edib, bu cür psixopat, təcavüzkar bir görkəmə salıb, müsəlmanı müsəlmana yox etdirmə planı var. Bu böyük təhlükədir.

Türkiyəni müasir İslam anlayışından başqa heç nə xilas edə bilməz. Müasirlik dövlət siyasəti olmalıdır. Türkiyə müasir bir ölkə olmasa, həmişə oynanılan oyunların hədəfində olacaq, yox edilmək istəniləcək. Ən mühüm məsələ, müasir Türkiyə dövlətinin yaradılmasıdır.

Biz olduqca müasir ölkə olsaq, çox ziyalı ölkə olsaq, qadın haqlarında ən qabaqcıl səviyyəyə gəlsək, elmdə, incəsənətdə, estetikada, keyfiyyətdə önə çıxanlardan biri olsaq dünyanın ən güclü ölkəsi olarıq. Lakin başqa cür olsa; Yaxın Şərq səviyyəsində qalan bir ölkə olacağıq, gələn vurar, gedən vurar, məhv olarıq Allah qorusun.

Pərişan, incəsənət olmadan, zövqsüz həyat olmalıdır deyən insanlar İslam aləmini məhv edirlər. Türkiyəni bu cür məhv etmələrinə icazə vermərik. Musiqi niyə olmasın? Rəqs niyə olmasın? Ağlınızı başınıza toplayın. Dinə, imana uyğun gəlməyən tərəfi nədir, hansı ayə ilə ziddiyyət təşkil edir? Kimə nə zərəri var, haradan çıxarırsınız bunu.

Musiqi də, rəqs də olmalıdır. Əyləncə olmalıdır. Dinə süni şəkildə haramlar daxil etməyin, əlavə qadağalar çıxartmayın. Bu zaman İslam bütün dünyaya hakim olacaq.

Mövhumatçılıqda evlər keyfiyyətsiz olar, avtomobillər keyfiyyətsiz olar, küçələr keyfiyyətsiz olar. Hər yerdə ağlasığmaz geriləmə olar. Geyimin keyfiyyəti azalar, rəsm əsərlərinin keyfiyyəti azalar, yeməklərin keyfiyyəti azalar, hər şey korlanar. Mövhumatçılıq korlanmanı, keyfiyyətsizliyi müdafiə edir. Bu böyük təhlükədir. Buna qarşı çox diqqətli olmaq lazımdır.

Mövhumatçılıq azacıq önü açıldıqda corab söküyü kimi gedər. Olduqca təhlükəlidir. Dövlət bu mövzuda çox qərarlı bir siyasət izləyərək, müasir dövlət quruluşu, müasir incəsənət anlayışı və müasir düşüncəni mütləq yaymağa çalışmalıdır. Yəni İslam müasir mənada yaşanmalıdır. Hansı mənada müasir? Səhabə dövründəki kimi.

Ortodoks İslam anlayışı insanların gümrahlığını yox edib beyinlərini iflic edir. Bunun nəticəsində həmişə əzilən cəmiyyətlər yaranır.

Yaxın Şərqin məhv olması planında tətbiq olunan şeytani üsullardan biri də, ənənəvi ortodoks İslam anlayışı ilə insan fitrətini tamamilə pozub, beyindəki gümrahlığı yox edib, beyin gücünü yox etməkdir. İnsanların beyni məhv olur, çürüyür sanki. Ruhunu, ağlını çürüdürlər və görürsünüz səfaləti, pərişanlığı.

Gümrah gənclik əvəzinə ölü gənclik hədəf edilir. Ənənəvi ortodoks zehniyyətlə beyninizi, ruhunuzu çürütmək istəyirlər, fitrətinizi yox edirlər və qadın düşməni etməyə çalışırlar. Qadın gözəlliyini yox edirlər. Eləcə də, hiss etdirmədən bu yolla Yaxın Şərqi məhv etdilər. Heç kim bu oyuna düşməsin.

Din, ənənəvi İslam anlayışına sahib insanlar tərəfindən cəhənnəm kimi təqdim edilir. İnsanın ağlını, fərasətini, bəsirətini bağlayan, bütün mühüm yönlərini yox edən, incəsənəti, estetikanı və gözəlliyi məhv edən, sanki insanın xoşbəxtliyinə düşmən olan bir sistem kimi. İnsanı şizofren hala gətirən, məhv edən sistem. Ənənəvi sistemdə bir insanın ruh və bədən sağlamlığının normal qalması qeyri-mümkündür.

Allah bizim İslamdan bəhs edərkən və onu yayarkən orta səviyyəli ağıla sahib olmağımızı istəmir. Çox yüksək səviyyəli ağıla sahib olmağımızı istəyir. İslam orta səviyyəli ağılla yayılacaq deyil. Çünki İslam əleyhdarlarının bir hissəsi, müxtəlif fəlsəfələri müdafiə edərək və iddialı həmrəyliklə müsəlmanlarla mübarizə aparırlar.

Təvazökar olmaq müsəlmanı bezdirməz, eləcə də, alçaldıcı bir şey deyil. Müsəlman qürurunu düşünəcək vəziyyətdə deyildir, İslamın xeyrini düşünəcək vəziyyətdədir.