Adnan Oktar A9 TV; 22 iyun 2016

Münafiq, dərin dövlətə itaət edər və tam təslim olar. Münafiqin dərin dövlətin gücünə hörmətdə, nəzakətdə əsla nöqsanı olmaz. Onlar da onu alçaldaraq öz nəzarətləri altına alarlar.

Münafiqlər dərin dövlətə qarşı çox hörmətlidir; dəyərsizləşərək, alçaldılaraq ona bağlanarlar. Lakin möminlərə qarşı lovğadırlar.

Münafiqlər dərin dövlətə qarşı ağlasığmaz hörmət göstərərlər. Hz. Musa dövründə də Fironun üstünlüyünə inandıqları üçün onun yanında kölə olmağı qəbul edirdilər.

Münafiq dərin dövlətə qarşı ağlasığmaz dərəcədə hörmətli və çalışqandır. Məsələn, səhərə qədər yuxusuz qalar, çox qızmar istidə çalışar, hər şeyi edər. Lakin müsəlmanlara qarşı da hər cür oyunu, hər cür pisliyi, iyrəncliyi edər.

Münafiq əlli söz danışar, əlli sözün içində iki sözə zəhərini sığdırar. Bu, on kilo balın içinə üç milliqram sianid əlavə edilməsi kimidir. Necə ki, bu balı yeyən zəhərlənərsə, münafiq də iki sözlə ağlı zəif olan müsəlmanı korlamaq istəyə bilər.

Münafiq ağlı zəif olan insan ovuna çıxmış bir iblisdir. Yarasa kimi gəzər, ağlı zəif insan axtarar. Axmaqlar münafiqin toruna düşərlər. Lakin ağıllı möminin üstəsindən gələ bilməz münafiq.

Münafiq qəribə çoxbilmişdir. Həmişə ağıl öyrədər. Öz ağlına çox güvənər. Haşa Allahı bəyənməz, müsəlmanları da bəyənməz. İrqləri də bəyənməz. Bütün insanlara qarşı qəzəblidir. Öz ağlından başqa heç kimi bəyənməz. Özünü, ən ağıllı, ən ziyalı insan hesab edər.

Müsəlmanı ən çox tərbiyə edən, ən çox düzəldən münafiq ayələridir. Bunun üçün də, Quranda çoxlu münafiq ayəsi var.

Münafiqin ruhu ağıllanmaz, anarxiya içindədir. Hər mövzudan fitnə törətmək münafiqin xüsusiyyətidir.

Münafiq, müsəlmanların arasına gəldikdə əxlaqsızlığını artırmır. Mövcud əxlaqsızlığını müsəlmanlar arasında tətbiq edir. Yəni o başlanğıcdan əxlaqsız olur, şərəfsiz olur.

Münafiqin həyatı çox hüzursuzdur. Həmişə ətrafındakı insanları intizamsız etmək istəyər. Bunu edərkən də hüzursuzluq yaradar.

Rəsulullah (s.ə.v) ümmi idi. Elə də çox kitab oxumaz, araşdırmazdı. Xeyli bərəkətli yaşadı. Çox hüzurlu, gözəl yaşadı. Həyatı sadə idi. Quranı çox yaxşı bilirdi. O, ona kifayət etdi. Lakin dərin dövlətlər yüz minlərlə, milyonlarla mövzunun içində boğulurlar.

Münafiqlər və dəccaliyyət çox təfsilatcıdır. Allah onları təfsilatın içində həlak edir, təfsilatın içində boğur. Müsəlman çox sadədir. Çünki hər şeyi Allaha buraxmışdır. Çox ağıllı yanaşar, təvəkküllə yanaşar. İşləri də həmişə rahat gedər, həmişə xeyirə nail olar.

İngilis casusları həmişə kasıb yaşayıblar. Onların yeganə qidası təriflənmələridir. Dərin dövlət onları həmişə tərifləmişdir.

Dərin dövlətlər tamamilə hamısı birlikdə şeytanın əmrinə tabedir. "Üç yüz illik plan" dedikləri yenə şeytanın üç yüz il əvvəl dərin dövlətə söylədikləri olur. Üç yüz il əvvəl şeytan nə dedisə həmin şeyi edirlər.

Dəccaliyyəti təşkil edən dərin dövlətlər şeytandan ilham alar.

Dərin dövlətlər ilhamını, düşüncəsini, hərəkət tərzini, strategiyasının hamısını şeytandan alar və öz əsrinin dəccaliyyəti kimi ortaya çıxar, öz əsrinin mehdiyyəti ilə mübarizə apararlar.

Münafiq İslamdan utanar, Allahdan utanar haşa, peyğəmbərdən utanar, özünü uca hesab edər. Hər əsrin dərin dövlətini ilah hesab edər.

İctimaiyyətə məlumat verildiyi təqdirdə ABŞ-ın, İngiltərə dərin dövlətinin təsiriylə hərəkət etməsi çox çətinləşər. Çünki ictimaiyyət çox güclü silahdır. İctimaiyyətə məlumat verilməsi və ictimaiyyətin reaksiyası yarandıqda dərin dövlətlər hərəkət edə bilmir, iflic olurlar.

İncik olduğumuz heç bir ölkə olmamalıdır. Çünki bizim ölkə xalqları ilə davamız yoxdur. Problem dərin dövlətlərlə olur.

Dəccaliyyət münafiqliyin təşkil olmuş, dünya səviyyəsində gizli dövlət olmuş halıdır. Dünyadakı ən böyük dərin dövlətlə şeytan həmişə iç-içə olar. Həmçinin şeytan ən təpədən ən alta qədər təsir edərək bu nəhəng quruluşu idarə edər.

Müsəlman baxımsız, keyfiyyətsiz, zövqsüz, xəstə kimi düşüncəsi doğru deyil. Müsəlmanlar hər şeyin ən gözəlinə layiqdir.

Müsəlmanın gözəl yaşaması nemətdir. Zənginlik və göstəriş hz. Süleyman (ə.s)-ın da istifadə etdiyi bir təbliğ üsuludur.

Avropa İttifaqı bizi müsəlman olduğumuz üçün deyil, müsəlmanlığı yanlış tətbiq edənlər var deyə üzvlüyə qəbul etmir. Bizim bəhs etdiyimiz tərzdə müasir səhabə İslam anlayışı yaşanmış olsaydı, biz çoxdan Avropa İttifaqının üzvü olmuşduq. Ənənəvi Ortodoks İslam anlayışı tətbiq edildiyi üçün üzvlüyə qəbul etmir.

"Sənətkaram" deyən insan yalnız vəsilədir. Tək sənətkar var, o da Allahdır.