Adnan Oktar A9 TV;  4 May 2012

Fəlakətlər münafiqləri kökündən bürüyər. Onlar fəlakətlərin Müsəlmanları bürüyəcəyini zənn edərlər. Amma öz başlarına gələr. Bu, Allahın heyrətamiz qanunudur.

Münafiqlərin, ümumiyyətlə, baxışları doğru deyil, axmaqdırlar. Mənim bu günə qədər gördüyüm bütün münafiqlər dar düşüncəli olub. Allahın hikmətidir. ÇÜNKİ ölüdürlər.

Münafiq bir məngənənin içindədir, lakin bilməz. Münafiq çox azad fəaliyyətdə olacağını zənn edər. Yəni istədiyi fəaliyyəti, pisliyi edə biləcəyini zənn edər. Halbuki, münafiqin edəcəyi bütün hərəkətlər Allah tərəfindən kodlaşdırılmışdır, Allah Qatında yaradılmış və bitmişdir.

Münafiqi hirsləndirmək insana zövq verir.

Münafiq Küfrü yetərli görmür . Yəni münafiq onların əxlaqsızlığını, onların vicdansızlığını yetərli görməz. Ancaq öz aralarında olarkən rahat olarlar. Necə şeytanlar cinlərlə rahat ola bilmirlər, cinlər də şeytanların yanında rahat ola bilməzlər.

Nə qədər münafiq çox olsa, nə qədər mütəşəkkil, çətinliklər olsa savabı o qədər çox olar.

Münafiqin faydası Müsəlmanı diri, aktiv, canlı vəziyyətə gətirib və savabını daha çox artırmaqdır. Məsələn, bir savab qazanacaqsa milyon savab qazanar. Münafiq olmasa savabının dərəcəsi azalar.

Allah münafiqə müəyyən dərəcədə sərbəstlik vermişdir. Münafiq də özünü çox azad zənn edər. Halbuki, belə deyil, məhduddur. Nə qədər edəcəyi, nə hərəkət edəcəyi müəyyəndir. Allahın onu harada əzəcəyi də bəllidir.

Münafiq qəfəsdəki meymun kimidir , vurnuxar, çırpınar, fənd işlədər, bununla nəsə əldə edəcəyini düşünər,amma başını yalnız qəfəsə vurar, başqa bir şey olmaz.

Münafiqin Müsəlmana bir şey edə bilməməsi ona çox əziyyət verər. Yəni MÜNAFİQ QAÇMAQ İSTƏYİB, LAKİN QAÇA BİLMƏYƏN İNSAN KİMİDİR.

Münafiq həyatın qısalığını, maddənin həqiqətini bilməz. Ölümü davamlı unutmağa çalışar. Yaşlanar, amma hələ yaşayacağını, çox uzun yaşayacağını zənn edər. Ta ki mələklər tərəfindən kürəyi və üzü döyülərək canı alınana qədər.

Münafiq özlüyündə xoşbəxt görünməyə çalışar. Halbuki, MÜNAFİQİN İÇİ YANAR, ÇOX İZTİRABLI, çox narahat olar, saxta sevinci yaşayar.

Xurafatçılar Peyğəmbərimiz (s.ə.v)-dən gizlicə nifrət edərlər.

Kin, nifrət çox pis cəhətlərdir. Bunlarla nəticə əldə etmək olmaz, çox ağılsızca. Hər şey sevgi ilə öz həllini tapır.

İnsan onsuz da aciz yaradılmışdır, nifrətə gücü çatmaz, zavallıdır. Bundan əlavə xəyal olaraq yaradılıb. Maddə xəyali yaradılıb. Bura imtahan olunmaq üçün gəlmişik.Yəni bura tərbiyyəsizlik ediləcək, kin, nifrət duyulacaq, savaş, mübahisə ediləcək yer deyil. Allah bizim onsuz da cənnətdə xoşbəxt olmağımızı, sevinc içində yaşamağımızı istəyir.

Nifrəti din kimi göstərirlər. Məsələn, Yəhudi, mason, müşrik, ateist, buddist nifrəti ... Şəfqət göstərməsən, bu nifrət qurtarmaz. Peyğəmbərimiz (s.ə.v)-in yolu belə deyildi. Şəfqət duyurdu, sevgi ilə yaxınlaşırdı, yaxşılıqlarını istəyirdi.

Şeytan insanlara gözəlliyi çətin göstərir. Sevgini çətin göstərir. Nifrəti, sevgisizliyi isə asanlaşdırır. Beləliklə də insanlar, ən çətin şeyi asan, ən asanı çətin görməyə başlayırlar. Halbuki Allah Quranda, "səni asan olanda müvəffəqiyyətli edəcəyik" deyir.

Yoldaşlarımız Tayyib bəyə daha şəfqətlə yaxınlaşsınlar. Təkrar-təkrar nifrət ruhuna məruz qalmaq insanın psixologiyasına zərərlidir, onu köhnəldər. Baş nazirə və yaxınlarına edilən ağır təhqirlər günahdır, eyibdir.

Çadralı və başı açıq xanımların bir qismi arasında nifrət mütləq yox edilməlidir. Müsəlman hz. Məryəm kimi həlim olmalıdır.

Nə ənənəvi sağ, nə kommunist sol insanlara xoşbəxtlik bəxş edəcək. Hər iki tərəfə diqqət yetirsəz əslində hər iki tərəf də bədbəxtdir. Hər iki tərəfin də adamları sevgisizlikdən çirkinləşiblər. Hər kəsdə bir nifrət mimikası var. Sanki çox çirkin sevgisizlik ruhunda rəqabət var.

Ən böyük silah sevgidir. Təkidlə sevgini dəstəkləməli, nifrətə yer verməməliyik. Əsəbi halda, kinlə yanaşsan insanlara heç nəyi qəbul etdirə bilməzsən.

Yəhudiləri zəif görüb onlara qarşı nifrət siyasəti yeritmək zülmdür, çox qorxuncdur. Zülm, zülmü gətirər. Bir ovuc yəhudiyə şəfqətlə, mehribanlıqla, incə ruhla yaxınlaşmaq, Misirdəki o gərginliyin azaldılmasında çox əhəmiyyətli, əsas səbəblərdən biri olar.

Sevgi asanlıqla əldə edilmir, insanlar nifrətə çox meyillidirlər. Sevgiyə həmişə əmək vermək lazımdır, səbir lazımdır.

Heç bir yerdə sevgi ifadəsinə rast gəlmirik. Hansı internet səhifəsini açsaq hamısında nifrət ifadələri ilə qarşılaşırıq. İslam aləmində də sevgidən bəhs edilmir. Əksinə ağlasığmaz bir nifrət üslubu var. Halbuki, dünyanın əsl ehtiyacı, qidası sevgidir.

Mal-mülk insana sevdirilər, möminlər isə o sevdiyi malı Allaha verir. Allahın malını Allaha verir. Can Allahındır, Allahdan aldığı canı Allaha qaytarır. Bu da Allah eşqinin ifadəsidir .