Adnan Oktar A9 TV; 30 yanvar 2016

Münafiq, hiss edilməməsi və bilinməməyi üçün, məcburən müsəlman kimi görünməyə çalışar. Bu taktikanı işlədərkən müəyyən yolla İslama xidmət etdiyini anladığı vaxt da, qəribə əzab çəkər. Allah bunu ayədə bildirir: "Barmaq uclarını dişləyərlər" deyir.

Əgər insan münafiq əlamətlərini oxuduğu halda, münafiqliyə davam edirsə həqiqi münafiqdir. Lakin dəyişdirirsə, deməli, xəstədir və xəstəliyini müalicə edir. Qəlbində xəstəlik olanlar var, onlar da münafiqlərə bənzəyər. Söz anlayırsa, ayədən anlayırsa imtina edər.

Bəzən də münafiq özünə daldalanacaq tapar, buna çox diqqət etmək lazımdır. Müvəqqəti olaraq gizlənər. Onun gözlədiyi hücum anları var. Yəni müsəlmanları zəif gördüyü an, hücuma keçər, təcavüzkar olar, mırıldamağa başlayar. Bağırıb qışqırar, rüsvayçılıq edər, xəbərçilik edər, fitnə çıxardar, alçaqlıq edər.

Münafiqlər müvəqqəti daldalana bilərlər. Vərəm mikrobu kimidirlər; bəzən təzyiq göstərər, orqanizm zəif olduqda isə, hücuma keçərlər.

Münafiq, münafiqə aid ayələri qətiyyən üzərinə götürməz, ancaq mömin bu ayələrdən dərs alar. Dəhşət və heyrətlə görər bunları, mən nə eləmişəm deyə düşünər, mən münafiq əlamətlərinin içinə batmışam, bataqlığa batmışam, dərhal xilas olum deyər. Tamamilə imtina edər, tamamilə qəlbində buna son qoyar, çünki bəllidir ki, onunla yaşaya bilməyəcək, onsuz da pis olduğunu görmüş olur.

Münafiqlər danışanda şər danışarlar. Münafiqlər danışanda ya fitnə, ya bəla, ya uğursuzluq, ya döyüş səbəbi, ya sataşma səbəbi, ya vəsvəsə, ya da şeytani vəsvəsəylə şər danışarlar. Mömin bəs necə olar? Həmişə xeyir, həmişə gözəl, həmişə sakitləşdirici, həmişə fitnəni ortadan qaldıran və qəlbdə fərəhlik yaradacaq şəkildə danışar.

Münafiq heyrətamiz dərəcədə ümumi biliyə malikdir. Buna görə də, lovğalanar. Bunun üçün də, azar, müsəlmanları kiçik hesab edər, özünü böyük hesab edər və həmişə dünya səviyyəsində böyük olmaq arzusunda olar. Allah: "Onların qəlbində təkcə nail ola bilməyəcəkləri böyüklük (arzusu) vardır" deyir, (Mümin surəsi, 56).

Münafiq müsəlmanların arasında olub, müsəlmanlara hücum anını gözləyər. Hücum anında bütün alçaqlığıyla, şeytani ünsürlərin lideri olaraq ortaya çıxmaq istəyər. Yəni şeytanın insan nümunəsidir.

Münafiq öz aləmində müsəlmanlara zərər verəcəyini düşündüyü məlumatları küfr əhlinə çatdırar. Bununla da, o şeytani ruhu qane olar. Necə ki, vampir qan sorduqda rahatlayarsa, münafiq də əxlaqsızlıq, pislik etdikdə rahatlayar. Lakin o bir yarasa kimidir, yarasanın uçuşunu izləyən elm adamı onu necə görər? Münafiq belə göründüyünü bilməz. Öz aləmində müsəlmanları ələ salıb oynatdığını zənn edər.

Münafiq küfr əhli ilə əlaqəsini kəsməz. Bu onun qidasıdır. Fasiləsiz davam edən bir xüsusiyyətidir. Məsələn, gecə yarısı qalxar, mütləq küfr əhlinə müsəlmanlarla əlaqədar məlumat çatdırar. Boş durması qeyri-mümkündür. Yəni ki, xəstədir. Bunun üçün də, Allah: "Diqqətli olun" deyir. Danışarkən diqqətli olmalısan. Münafiqə müsəlmanların sirri verilməz. Münafiq onsuz da bunun üçün gələr, yaxınlaşar.

Münafiq həmişə çox gözəl danışar, yaxşı rol oynayar. Oradan buraya keçər, buradan oraya, meymun kimi. Bunun üçün də, Bədiüzzaman: "Münafiq şeytani zəkaya malikdir, baş çıxara bilməzsiniz" deyir. "Olduqca şiddətli məxluqdur" deyir. Lakin heyrət ediləcək bir şeydir, heç vaxt nicat tapmaz.

Şeytan qorxunc dərəcədə ümumi biliyə malikdir. Münafiqlər də xeyli bilikli olarlar. Lakin bundan şeytanlıq, əxlaqsızlıq, göstəriş, təkəbbür və eqoistlik üçün istifadə edərlər.

Heyrət ediləcək bir möcüzədir; təkcə münafiqlərdən ibarət olan bir cəmiyyət olur. Münafiqlər təkcə onlarla yaşaya bilirlər. Məgər münafiq küfr əhli arasında yaşamalı deyil? Mütləq münafiq cəmiyyətə gedir.

Namaz münafiqləri çox qəzəbləndirər. Tamamilə lüzumsuz hesab edər. Lakin müsəlmanların yaxşı niyyəti, gözəl əxlaqı ona çox cazibədar gələr. Küfr əhlinin əxlaqsızlığından narahat olar, istəməz. Bunun üçün münafiq küfr əhlinin yanına da getmir.

Münafiqin şüur altında həmişə bir gün küfr əhlinin yanına gedəcəyi düşüncəsi var. Bu içindən əsla ata bilmədiyi bir düşüncədir, sanki onu yeyib bitirər. Allah bunu ayədə bildirir: "Onlar nə sizdəndirlər, nə də onlardan", yəni iki qrup arasında bir cür qərar verə bilməzlər deyir, (Mücadilə surəsi, 14).

Münafiq, facebook və twitter hesabında Quran ayəsinin olmasını əsla istəməz. Müsəlmanlara göstəriş olması və ya münafiq olduğunun başa düşülməməsi üçün könülsüz olaraq, istəmədən paylaşar. Lakin orada, məsələn, bir kafirin, küfr edən birinin üslubu olsa, onu iftixarla paylaşar.

Münafiq üçün İslam əhəmiyyətsizdir, yəni müsəlmanlıq əhəmiyyətsizdir. O, küfr əhlini çox zəngin görər. Yəni o küfr əhlinin hərəkətləri, rəftarları, həyatı, Qurana, İslama baxış tərzləri ona həyəcan verər. Münafiq gizli küfr pərəstişkarıdır. Müsəlmanlıqdan tamamilə utanar.

İnternetdə Allahdan və dindən bəhs etmək, münafiqə ətini qopartmaqdan daha çox əzab verər. Küfr əhli barədə bir şey danışdıqda çox rahatlayar. Bununla diqqət çəkdiyini və etibar qazandığını zənn edər. Az da olsa kafirlər və küfr əhli ilə əlaqə qurulması münafiqin qəlbində rahatlıq meydana gətirər. Əzab dolu rahatlıq, əzab dolu zövq verər.

Münafiq üçün əsil diqqətçəkən şey, küfr əhlidir. Kafir ruhu olduğu üçün, müsəlman olmaqdan çox utanar. İslamdan və Qurandan bəhs etməkdən utanar.

Münafiq müsəlman kimi görünmək istəməz. Məsələn, çöldə özünü küfr əhlindən biri kimi göstərər. Münafiq müsəlman olmaqdan utanar. Quranla və müsəlmanlarla birlikdə görünməyi heç xoşlamaz. Münafiq küfr əhli ilə, xatırlanmağı çox xoşlayar. Onda şöhrət axtarar.

İslam aləminin məhv olmasının səbəbi münafiqlərdir. Münafiq dəhşətli gücdür. İnsanlar yanlış bilirlər, küfr əhlini əsas götürürlər. Kafirin gücü mində birdirsə, münafiqin gücü mində doqquz yüz doxsan doqquzdur. Əsas təhlükə münafiqdir.

Münafiq müsəlmanlığa doğru gəldiyini hiss etsə yanmağa başlayar, çox iztirab çəkər. Buna görə də, ya əxlaqsızlıq edərək, ya satqınlıq edərək, ya küfr əhli ilə əlaqə yaradaraq, ya müsəlmanlara bir oyun oynayaraq, ya da hiyləgərlik edərək şeytan olduğunu özünə həmişə təlqin etməyə çalışar.

Bütün gənclər milli ruhla yetişdirilməlidir. “Milli şüur” adlı dərs tədris olunmalıdır. Həftədə üç saat milli şüur dərsi tədris olunmalıdır. İngiltərə dərin dövləti, PKK, darvinizm, kommunizm, yəni Türkiyəni dağıtmağa xidmət edən hər cür ideologiya və fəaliyyətdən həmin dərsdə bəhs edilməlidir.

Mehdi camaatını axtaran vardırsa, Allah Quranda sübut təqdim edir; "Onlar sizdən mükafat istəməzlər" deyir. Alimlərə, xocalara baxdığımız vaxt, demək olar ki, hamısının pul aldığını görürük. 99%-i pul alır. Mehdi camaatını tapmaq istəyirsənsə, onların kim olduğunu pul istəmədiklərindən anlamalısan.

Mövlananın ən yaxın müridlərindən olan Baycu Noyan, Hülakünün ordusunda on minlərlə müsəlmanı şəhid edən bir qatil idi.