Adnan Oktar A9 TV; 22 aprel 2017

Hər şeyi edən Allahdır. Allah möminə Öz yolunda xidmət etdiyini göstərərək onu şərəfləndirmiş olur.

Firon hz. Musaya, Nəmrud hz. İbrahimə necə qarşı olursa səmimi möminin də hər zaman əleyhinə çıxanları olacaq. Bu insanlar mömini qiymətli edər.

Mömin qapqara mühitdə almaz kimi par-par parıldayar. Allah hər vəli əxlaqlı mömini qaranlıqlar içində nur saçan almaz kimi yaratmışdır.

Mömin hər zaman hər şeyin ən gözəlini, ən yaxşısını, ən çoxunu Allahdan istəyər.

Mömin insanları qorxaqlığa deyil, cəsarətə sövq edər. Allah üçün hər cür fədakarlığa, coşğuyla hazır ruha sövq edər.

Möminlər, Allahın himayəsi altındadırlar çünki üzərlərinə Allahın ruhu enər, onlar başqa aləmdədir, inkarçılar da ayrı aləmdədirlər. Möminlərə Allah xüsusi bərəkət verər, sağlamlıq, gözəllik verər, işləri rahat gedər, zənginlik verilər, yolları açılar. Allah iman gətirənlərin həyatlarını xüsusi davam etdirər, hər cür gözəlliklə doldurar.

İman gətirənlərin həyatında dərinlik, mədəniyyət, nəzakət, yüksək vicdan, bərəkət, bolluq, təmizlik, bir sözlə, hər cür nemət üstünlüyü var.

Allah möminləri birbaşa küfr əhli ilə müsahib etməz, küfr əhli eyni məkanda da olsa möminlərdən ayrı bir aləmdə sanki öz cəhənnəmində yaşayar. Münafiqlər də möminlərin arasında yaşayarlar, lakin mütləq küfr aləminə keçərlər, lakin iman gətirənlərə zərər verə bilməzlər.

Küfr əxlaqındakı vicdansızlıq onlara o qədər böyük əzab çəkdirir ki, sanki cəhənnəm oduna düşmüş kimi yaşayırlar. Buna görə belə qəzəblidirlər. Özləri sevgini, gözəlliyi, dostluğu, səmimiyyəti yaşaya bilmədikləri üçün iman gətirənlərin təmiz, nurlu, keyfiyyətli həyatı onların içinə dərd olur.

Küfr əhli ayrı aləmdə, ayrı tezlikdə yaradılır. Möminin onların halından təsirlənib bir anlığa şübhəyə qapılması çox böyük vicdansızlıq olar.

Təbliğ etmək, yaxşılığı əmr etmək, pislikdən çəkindirmək bütün möminlərə Allahın əmridir.

Allah münafiqlərə lağ etmək, söyüş söymək, murdarlıq vermişdir. Bu lağ etmək təkcə münafiqin öz canını yandırar, möminə isə şəfaya vəsilə olar. Lağ edənlər həsəd içində olduqları üçün qaranlıq dünyada yaşayarlar. Lağa qoyulan şəxs isə həmişə daha gözəlləşər. Bu Allahın gizli sənətidir.

İran ilə Türkiyəni vuruşdurmaq istəyən İngiltərə dərin dövlətidir. İki ölkə tarix boyu dost olmuşdur və dost qalacaq.

Hər kəsin hər kəslə dost olduğu, qadınların azad yaşadığı, musiqinin, rəsm əsərlərinin, heykəl sənətinin ən gözəlinin hazırlandığı sistem müasir İslamdır.

Zidd fikirlərə sahib insanların dost ola biləcəyini insanlara yaşayaraq göstərmək lazımdır. Müsəlman ilə ateist rahatlıqla dost ola bilər.

Mülki vətəndaşlara istiqamətli hücum vəhşilikdir. Allah müsəlmanların xristianlara və musəvilərə dost olmalarını bildirir, vuruşmalarını deyil. Maidə surəsinin 82-ci ayəsində xristianların müsəlmanlara yaxın olduğu bildirilir. Kitab əhli müsəlmanlara əmanətdir, onlara hücum edilməz.

Savaş lobbisi mehdiyyətlə birlikdə yer üzündən silinəcək, hər kəs dost, hər kəs qardaş olacaq. Bütün döyüşlər bitəcək.

Mən qadının gözündəki ağla, təmizliyə, sevgiyə baxaram. Gözündə sevgi olanla əbədi dost olaram. Sevgini bilməyənlə dost olmaq qeyri-mümkündür.

Ərəblərə qarşı irqçilik vicdani deyil. Ərəblər və türklər qardaşdır. Düşmənçilik istəyənlərə qarşı daha möhkəm dost olaraq cavab verəcəyik.

Allah Özünü sevənlərə, dost olanlara sirlərini açıqlayar. Səmimi qul göstərilən sirri anlayar.

Allah yüzlərlə ayə ilə müsəlmanların himayədarlıq sistemində bir-birini qorumasını fərz etmişdir. Münafiq bu sistemi dağıtmağa çalışar. Münafiq möminləri deyil, küfr əhlini dost qəbul edər. Möminləri tərk edib küfr əhlinin yanında onlarla birlikdə yaşamaq Allahın istədiyini tərk etməkdir. Münafiq bütün bunları edərkən öz axmaq ağlı ilə Quran ayələrindən istifadə edər. Quranla Qurana qarşı mübarizə aparana Allah böyük bəla verər.

Azərbaycan bizim canımız, qəlbimiz, parçamızdır. Çox dəyər verdiyimiz tərtəmiz mübarək insanların yaşadığı qardaş ölkəmizdir. Azərbaycanda da hər ölkədə olduğu kimi pislik istəyən zalımlar var. Bunlar Azərbaycana zərər vermək istəyir. Allah onları məğlub etsin. Azərbaycanın yeri mənim üçün ayrıdır. Azərbaycanın hüzur və sülh içində yaşamasını istəyirik. Azərbaycanlı qardaşlarımızı qətlə yetirən ermənilərdən bu zalımlığın mütləq hüquqi haqq-hesabı soruşulmalıdır. Lakin bütün ermənilərə nifrət etmək düzgün olmaz. Zalımlara qarşı olacağıq, məzlumların isə hamısını qoruyacağıq. Cinayət törətməmiş dinc günahsız insanlara nifrət etmək müsəlmana yaraşmaz. Yaxşılar ittifaq edəcək, dost olacaq. Azərbaycan və Türkiyə iki dövlət bir millət olaraq inşaAllah tarixdə gözəl şan qoyacaqlar.

Həqiqi dost tapmaq dərin iman tələb edər. Dərin imanı olan insana Allah mütləq sevəcəyi, dost olacağı insanları yanına gətirər.

İran və Türkiyə iki dost ölkədir. Aramızı vurmağa çalışanlar boşuna çalışdılar. Şiələr nur kimi müsəlmandır, İranla həmişə dost olacağıq.

Hara baxsaq Allahın üstün ağlını və sənətini görürük.