Adnan Oktar A9 TV; 14 avqust 2016

Allahın sənətini anlamaq, layiqincə təqdir etmək və həmişə yadda saxlamaq vacibdir. Əks təqdirdə niyə elmi mübarizə apardığını unudan şüursuz müsəlman modeli meydana gələr Allah qorusun. Dərin iman olmadıqda sevgiylə, ağılla mübarizə aparan şüur da meydana gəlmir.

Müsəlman ziyalı, müasir, hər düşüncədən olan insana hörmət göstərən, şəfqətlə yanaşan, hər kəslə dost olan rəftar göstərməlidir.

Münafiq öz içində çökərkən, müsəlmana adrenalin təsiri göstərər. Müsəlmana canlılıq, fəallıq və güc verər.

Çoxbilmişlik, hər şeyə etiraz etmək, tərslik münafiqlərin təməl xüsusiyyətidir. Müsəlmanlarda da həlimlik, Allaha itaətkarlıq, daxili rahatlıq hakimdir.

Dünyapərəst münafiqlər əbəs yerə ədabazlıq edib əbəs yerə insanlara yuxarıdan aşağı baxırlar. Əbəs yerə də çırpınırlar. Zəfər müsəlmanların olacaq. Şeytanın dəstəsi məğlub olacaq.

Müsəlmanların bir-birinə sevgisi münafiqlərə böyük əzab verər. Sanki həsəddən məhv olarlar.

Müsəlmanın gözəl yaşaması nemətdir. Zənginlik və göstəriş hz. Süleyman (ə.s)-ın da istifadə etdiyi bir təbliğ üsuludur.

Müsəlman baxımsız, keyfiyyətsiz, zövqsüz, xəstə kimi düşüncəsi doğru deyil. Müsəlmanlar hər şeyin ən gözəlinə layiqdir.

Münafiqlər və dəccaliyyət çox təfsilatcıdır. Allah onları təfsilatın içində həlak edir, təfsilatın içində boğur. Müsəlman çox sadədir. Çünki hər şeyi Allaha buraxmışdır. Çox ağıllı yanaşar, təvəkküllə yanaşar. İşləri də həmişə rahat gedər, həmişə xeyirə nail olar.

Dünyəvilik İslamda var. "De: Sizin dinininiz sizə, bizim dinimiz bizədir" hökmü dünyəviliyin çox qısa xülasəsidir. Dünyəvilik dinsizlik şəklində tətbiq edildiyi zaman, burada bir səhv olur. Yoxsa xristian sərbəstdir, musəvi də sərbəstdir, dinsiz də sərbəstdir, dindar da sərbəstdir. Hamısı inanclarına uyğun yaşayarlar. Xristian kilsəyə gedər, müsəlman məscidə gedər, istədikləri kimi ibadətlərini yerinə yetirərlər. Dünyəvilik budur.

Müsəlmanların təşkil etdikləri iftar məclislərinə xristian və musəviləri dəvət etmələri çox gözəl olar.

Münafiq eqoist və xəsisdir. Müsəlmana nəsə qazandırmaq deyil, həmişə müsəlmandan nəsə almaq, qopartmaq istəyər.

Allah hiylə qurmağa cəhd edənlərin tələlərini başlarına keçirdər və tələyə salar.

Kafirlər və münafiqlər müsəlmanlarla mübarizə aparacaq. Əziyyət verəcəklər, böhtan atacaqlar, oyun oynayacaqlar, problem çıxaracaqlar, əleyhinə xəbər hazırlayacaqlar. Allah, bu əziyyətlərinə "fikir vermə" deyir. "Fikir vermə" nə deməkdir? Fərz deməkdir. Təsirə məruz qalmamaq fərzdir, əgər fikir versə, onda harama girər. Belə ədəbsizlərin qurduğu oyunlara fikir verməmək, diqqətə almamaq, əhəmiyyət verməmək fərzdir.

Tələ iki hissədən ibarət olaraq qurulur; tələnin özü və dağılmış halı. Vahid şəkildə, bütöv bir halda yaradılır. Heç vaxt birtərəfli olaraq boşuna tələ qurula bilməz. Məsələn, Firon vardır, Musa (ə.s) vardır. Nəmrud vardır, İbrahim (ə.s) vardır. Dəccal vardır, Mehdi (ə.s) vardır. Dəccal qurulmuş tələdir, Mehdi (ə.s) isə o tələni dağıdandır. Buna görə də narahat olmağa ehtiyac yoxdur.

Məzlum üçün hazırlanan hər tələ Allah tərəfindən pozular. Məzluma xəyanət etmək uğursuzluq gətirər.

Hər bir tələ, oyun pozulmuş olaraq yaradılar. Tələni sən yox, Allah hazırlayar. Eləcə də Allah oyunu pozar. Allah ikisini birlikdə hazırlayar.

TÜRKİYƏNİN TÜRK- İSLAM BİRLİYİNƏ DOĞRU GETDİYİNİ GÖRDÜKLƏRİ ÜÇÜN DƏCCALİYYƏT BÜTÜN İMKANLARINI SƏFƏRBƏR EDƏRƏK , ÖZ ƏTRAFINDAKILARLA ƏKS HÜCUMA KEÇİR. Elə düşünürlər ki,onların hücümlarının qarşısı alınmayacaq. Onlar bir plan qururlar, amma unudurlar ki, Allahın da bir planı var. Onlar bir tələ qurdusa, Allahın da qurduğu bir tələ var. Allahın qurduğu tələ daha çətindir, İnşAllah.

Hal -hazırda şeytan vədini təsdiqlədi, həqiqətən insanların 99/100-u təkamülə inanacaq vəziyyətdədir. Şeytan özü də bu qədər asan şəkildə necə tələyə düşdükləri üçün çaşır.

Allah Türkiyəni mehdiyyətin bərəkəti ilə xilas edir. Dəccaliyyət və dəstəsinin bütün oyunlarını mehdiyyət puç edir.

Tayyib hocamın şəhid ailələrinə və qazilərə sahib çıxması çox gözəldir. Hamısına çox diqqət göstərmək, tez-tez ziyarət etmək lazımdır. Qazilərimiz və şəhid ailələri üçün bütün nəqliyyat və səhiyyə xidmətləri pulsuz olsun. Onları yalnız buraxmaq çox vicdansızlıq olar, həmişə diqqət mərkəzində olsunlar.

Məzhəblər və təriqətlər Mehdinin açıq zühur etdiyi dövrdə ləğv olunacaq. İslam tək din olaraq yaşanacaq.

Mehdi qadınlara eynilə Peyğəmbərimiz (s.ə.v) kimi dəyər verəcək, onları çox sevəcək, qoruyacaq, azadlıqlarını zəmanət altına alacaq.

Hədislərdə Mehdi dövründə bir qadının Şama heç qorxmadan təkbaşına səyahət edə biləcəyi bildirilib. Mehdi dövründə hər qadın azad olacaq, qorunacaq, heç birinin gələcək qorxusu olmayacaq, ailə təzyiqi, ər təzyiqi olmayacaq. Qadınlar hər mövzuda hər cəhətdən rahat olacaqlar.

Əvvəlcə "Chatham House"da keçirilən danışıqlar şəffaflaşdırılsın. Üst ağıl deyilən İngiltərə dərin dövlətinin şəffaflığı təmin edilsin. Türkiyə haqqındakı gizli planları ortaya çıxarılsın. Bunları gündəmə belə gətirə bilməyib, İngiltərə dərin dövlətinin oyununun təsiri altında qalaraq təriqət və camaatları hədəf almaq vicdanlı hərəkət deyil.