Adnan Oktar A9 TV; 3 oktyabr 2016

Münafiq həmişə müsəlmanların əleyhinə hökm axtarar, mömin də həmişə müsəlmanların lehinə hökm axtarar.

Münafiqlər guya dürüstlük naminə həmişə Peyğəmbəri günahlandırarlar. Özlərini təmizə çıxartmaq üçün Peyğəmbərə böhtan atarlar.

Münafiqlər çox ağılsız olduqları halda sırf əxlaqsızlıq olsun deyə o zəif ağılları ilə Peyğəmbərimiz (s.ə.v) əleyhinə bir şey tapmağa çalışırdılar.

Quranın enməsi hər cəhətdən insanlar üçün böyük nemətdir. Lakin münafiqlər Quranda nemət və gözəllik axtarmaz öz zəif ağılları ilə həmişə səhv axtarar, Qurana xeyir gözü ilə deyil, şər gözü ilə baxarlar.

Münafiqdə şeytan zəkası hakim olar. Müsəlman münafiqlə elmi yolla mübarizə apararkən şeytanın zəkası ilə fikrən mübarizə aparmış olar.

Münafiq əlamətini görən dəhşətə qapılmasın, hər insanda bu xarakter pozuntuları ola bilər. Müsəlman Allaha sığınıb bunları düzəldər. Bir insanın anormal tərəfləri bir çox cəhətdən münafiq rəftarına bənzəyə bilər, bu vəziyyətdə təvəkkül edib Allaha sığınıb, bu xəstəlikdən xilas ola bilər.

Şəhidlik sevinc vəsiləsidir. Şəhidlik şərəfdir. Şəhidlərin arxasınca yas tutulmaz. Yas tutmaq müşrik adətidir.

Müsəlman Qurana tabe olandır. Quranın hökmlərinə əlavə etmək və ya çıxarmaqla ayrı bir din meydana gətirənlər isə müşriklərdir.

Allah adından hökm vermək, Allah adından yeni halallar və haramlar yaratmaq şirkdir, buna görə də mövhumatçılar müşrikdir.

İslam adından sevgisiz, zorakılığa əsaslanan bir dünya modelini müdafiə edənlər İslamı deyil, müşrik sistemi müdafiə edirlər. Müşrik sistem ilə İslam eyni deyil.

Müşrik sistem Allahın nazil etdiyinə görə deyil, atalarından öyrəndiyinə görə hərəkət edər, dini atalarından öyrəndiyi kimi yaşamaq istəyər.

Münafiq müşrikin ən inkişaf etmiş, ən şiddətli olanıdır. Kafirin ən azğın olanıdır münafiq. Klassik müşrikdən, bilinən müşrikdən qat-qat irəlidir münafiqin müşrikliyi. Çünki münafiq hər şeyi özünün etdiyini və hər şeyi başqalarının etdiyini düşünər. Əşyanın gücünə inanar, insanların gücünə inanar, hadisələrin gücünə inanar, cəmiyyətin gücünə inanar. Cəmiyyət onun üçün ilah kimidir.

Bir insan dini yaşamağa başlamadan əvvəl bir çox səhv etmiş ola bilər. Ömrü boyu bu səhvlərin əzabını çəkmək Qurana görə doğru deyil. Müsəlman dini öyrəndikdən sonra əvvəl bilmədən etdikləri üçün tövbə edər və o mövzular bitər. Həmişə onun utancını yaşamaz.

Səbirli, bağışlayıcı, mərhəmətli, dürüst, gözəl sözlü, təvazökar və fədakar olan sevgini tapar.

Vəziyyətini, niyyətini düzəldən bir insana “sən münafiqsən”, “sən daha əvvəl belə idin”, demək olmaz. Düzəldisə əgər son halı əsasdır. Nə gözəl, sevin. Daha əvvəl sən necə idin? Sənin də dindən, imandan heç xəbərin yox idi, Allah hidayət nəsib etdi. İnsan düzəldiyində qəbul olar. Allah qəbul edir, sən onsuz da qəbul etməlisən.

Sevgidə qürur olmaz. Çünki qürur olduqda sevgi bitər. Qürur və bağışlamamaq sevginin zəhəridir. İnsanlar bundan ötrü sevgini davam etdirə bilmirlər. Lakin bağışlamaq, qürura nəzarət etmək və onu əzə bilmək sevginin yolunu sonuna qədər açar.

İnsanları qazanmağa çalışmaq əhəmiyyətlidir. Hər insan səhv edə bilər, insanlara səhvini düzəltmə imkanı vermək lazımdır.

Mömin əfv edəndir, kin saxlamaz, qəzəblənməz. Möminlər arasında uzanan məsələ olmaz.

İslama görə dönülməyəcək heç bir səhv, günah yoxdur. Tövbə etsən dönərsən.

İnsan Allahın onu bağışlayacağına inanır, lakin özü bağışlamaq istəmir. Bu cür olmaz. Necə ki, Allahın bağışlayacağını bilirsə, özü də bağışlamağı bacarmalıdır.

Bağışlayıcı olmaq Allahın çox bəyəndiyi xarakterdir. Çünki intiqam, ruha nəfsani zövq verər. Bağışlamaq çox çətindir. Yəni iradə tələb edir, ağıl tələb edir. Çünki insan bağışlamaqla məmnunluq hissinə çata bilməz. Lakin intiqam almaqla məmnun olar. Bunun üçün Allah bağışlamağı əsas götürür.

"Xəta elədikcə vicdan narahat olur, insan boğulurmuş kimi olur" deyir. Bu özünü şeytana boğdurmaqdan qaynaqlanır. Qardaşım bu nəyə lazımdır? Sən Allaha təvəkkül edirsən, tamam, Allaha tövbə edirsən. Tövbə nə deməkdir? Allahın tövbəni qəbul etməsini ümid edirsən. Onda niyə o vəziyyətə düşürsən? Deməli, belə çıxır ki, sən Allaha güvənmirsən. Xəta elədinsə taleyindəki xətanı edirsən. Bir daha etməməyə qərar verdinsə kifayətdir. Əzm etsən problem yoxdur.

Bir xəta edir, günah işləyir, özünü həlak edir. İztirab çəkir. Allah səndən belə şey istəmir ki. Yalnız tövbə et deyir, normal həyatına davam et deyir. Özünü pərişan et demir. Bunlar anormal, müşriklərə məxsus hərəkətlərdir. Sonunda sənə həmin xətanı etdirən də Allahdır. Bir xeyir var. Bir daha etməməlisən, bu qədər. Qərar verməlisən, etməməlisən.

Firavan yaşadıqlarında Allaha qarşı böyük qrup halında, demək olar ki, dünya səviyyəsində birləşib üsyan qaldırırlar. Aclıq dərdi çəkdiklərində isə Allaha inanılmaz şəkildə dua edib yalvarırlar. Belə aclıq dərdi çəkmək nəyə lazımdır? Belə eləmə, ağıllı ol, Allaha tövbə et. Allaha həmd et. “Ey Rəbbim, Sən böyüksən” de, “Səni çox sevirəm” de, sənə bol-bol nemət versin. Niyə başına bəla axtarırsan? Niyə azğınlaşıb qudurursan? Niyə özünü alçaldırsan?

Bəzi portretlərlə, şeirlərlə, romanlarla və ya heykəllərlə dinsizlik təbliğatı aparılır. Bəziləri burdakı təhlükəni görə bilmir. Bəzi heykəllərdəki dini fiqurlara əlavə edilən dinsizlik təbliğatı məqsədli təfərrüatlarla xristianların şüur altını korlamağı qarşılarına məqsəd qoyurlar. Dini fiqurlardan istifadə edərək öz aləmlərində lağ edənlər və Allahın hökmlərinə üsyan etdirməyi qarşılarına məqsəd qoyanlar bunu gizli üsullarla edirlər.