Adnan Oktar A9 TV; 24 may 2013

Vicdanınla məsləhətləşmək Allahın sənin ürəyinə vəhy etməsidir. İsa Məsihi görərkən Allah ürəyinə ―"bu adam İsa Məsihdir"― deyə vəhy edər. Başa düşərsən. Mehdi (ə.s)-ı da görəndə Allah ürəyinə vəhy edər. Moşiyah, Kral Məsih, Mehdini hiss edərsən. Yaxşı insanı hiss edərsən.

Ultra müasir müsəlmanlıq sənətə-estetikaya mükəmməl meyl və elmi ən üst səviyyəyə çıxartmaq, üslub gözəlliyidir. Ən gözəl davranışı, görünüşü, qısa desək, hər şeyin ən gözəlini hədəfə almaqdır. Vicdanımıza tam uyğun olanda ultra müasir müsəlman olarıq.

Bir çox ölkədə yollar salınır, körpülər tikilir, anbarlar düzəldilir, amma insana sərmayə qoyulmur. İnsanın mənəvi istiqamətinə, ürəyinə, vicdanına sərmayə qoymaq lazımdır.

Allahı sevmək ağıl və əmək tələb edir. Eləcə də həqiqi dindarlıq ağıl, incəlik, vicdan tələb edir.

İnsanın özünü tənqid etməsi, nəfsini təmizə çıxartmaması, müsəlmanı vəli xarakterli edər, üstün edər. Özünü qınaması onu ağıllı və sağlam edər. Özünü ucaltdıqca xəstə olur. Havalanar. Özünü qınasa, nəfsini tənqid etsə ucalar, açılar, ağıllı olar.

Hər şeyə şəfqətlə, mərhəmətlə, ağıl gözü ilə baxmaq lazımdır, sakit şəkildə baxmaq lazımdır. İki günlük dünyadır, imtahan olunuruq. Bəzi insanlar nəfslərinə tabe ola bilərlər. İnsan nəfsinə uysa dindən çıxmaz, ancaq günaha girmiş olar, səhvi olar.

Vicdanını istifadə edən, Qurana tabe olan bir insan şəffaf İslam, səhabə, mehdilik yolunu görür.

Ən ağıllı, ən gözəl vicdan bütün müsəlmanlara sahib çıxan vicdandır, İslam Birliyi vicdanıdır, Mehdiyyət vicdanıdır. Ən mükəmməl vicdanı bizə peyğəmbərimiz (s.ə.v) açıqlamışdır. Nur surəsinin 55-ci ayəsində və hədislərdə çox əhatəli izah edilmişdir. Mehdiyyətdir, İsa Məsihin müqəddəs mübarizəsidir.

Vicdanın səsi bir cür vəhydir. İnsan bu vəhyi dinləsə doğru hərəkət edir, dinləməsə səhv hərəkət edir.

İnsanlar nəfsə əhəmiyyət vermirlər. Halbuki, nəfs insanın içində yerləşdirilmiş xüsusi güc, mənfi bir gücdür. Allah verməsin insanı dəli edər, cinayətə, intihara sövq edə bilər. Bütün bu fəlakətlər, bəlalar həmişə nəfsin təsiri ilə olur. Bir zərərinin olmayacağını düşünər. Nəfs səni sürüyər, boğar.

Nəfs üçün müsbət iş görülməz. Nəfs təmizə çıxarılmaz. Dayanmadan pisliyi əmr edən bir güc insanın ruhunda aktiv olaraq hərəkətdədir.

Allah ilk öncə nəfsə təcavüzkar, qeyri-normal, yanlış duyğuları verir, amma ondan qorunmağın yollarını da Quranın xətti ilə göstərir. Onsuz da imtahan sisteminin əsasında bu dayanır. Nəfsə olduqca təhlükəli baxıb, ayıq və diqqətli olmaq lazımdır. Hər şeydə Allahın rizasının ən çoxu nədir, onu axtaracağıq.

Nəfs, qısqanclıq və eqoizm nəticəsində bədəndə anormal hərəkətlər baş verir. Bir zərər vermədiyini zənn edir. İnsanı məhv edər. İntihar edənlərin təhrikedici gücü nəfsdir. Onları dəli edib intihara sövq edir. Cinayətdə də nəfsə uyğun olduğu üçün cinayət törədir.

Kim vicdanlıdırsa Allahın tərəfində olur. Kim də vicdansızdırsa Allahı tərk edir. Öz kefində olur, iki günlük dünyaya meyl edir.

Qadın üçün namusunu qorumaq çox asandır. Kişinin də namusunu qoruması çox asandır. Ağlına, vicdanına bağlıdır. İnsan ağılla, vicdanla, imanla özünü mühafizə edə bilər.

Vicdanı son dərəcə rahat, dürüst olmalı, dünyaya bağlanmağı dayandırmalıdır. Çünki dünya yalandır, həqiqi deyil. Görüntüdən ibarət olduğunu görürük. Dünyaya dəli kimi bağlanmağın mənası yoxdur. Amma səmimi düşünərək bunu dərk edirik. Dünya, həqiqətən, cazibədardır, biz zorluqla özümüzü ayıra bilmərik.

İnsanın fitrətində imanı əldə etməkdə çətinlik olmaz, insan çox asan iman edə biləcək şəkildə yaradılır. Lakin insan hər şeyin çətin, dolaşıq, əmək sərf edəcək olduğunu zənn edir. Elə bir şey yoxdur. SADƏCƏ HƏR ŞEYİ VİCDANIN ÜMİDİNƏ BURAXMAQ LAZIMDIR.

Peyğəmbərimiz (s.ə.v)-i rədd edən bir adam vicdanını itirib, vicdanı qalmamışdır.

Nəfsin tərbiyə edilməsində Allahın göstərdiyi tək bir ölçü vardır; səmimiyyət.

XURAFATÇILARIN KOMANDASI DİNİ -HAŞA- ƏZAB BULAĞI HALINA GƏTİRİRLƏR. Nə qədər acı və iztirab varsa, nə qədər qadağan varsa, nə qədər insanın azadlığını məhdudlaşdıran şey varsa hamısını din adına ortaya qoyurlar.

İnsan özünü tənqid etməsə, mükəmməl hesab etsə dəli kimi olar. Müsəlman mütləq özünü tənqid etməli və etdirməlidir. Əqli sağlamlığı baxımından bu lazımdır. Yoxsa əqli pozğunluq yaranar. Mühakimə qabiliyyəti yox olar. Bəsirəti, fərasəti bağlanar. Baxın ətrafınıza, görərsiniz. Qeyri-stabillik yaradar. İnsan ağılla hərəkət edən biri olmaz.

Ağılla hərəkət edən və nə etdiyini bilən insan olmaq üçün, mütləq nəfsi tənqid etmək lazımdır. Hərdənbir olsa da, mütləq tənqid etmək lazımdır. İnsanların içində də tənqid etmək lazımdır. Bu zaman insan ağılla hərəkət edən və nə etdiyini bilən biri olar. Bu Quran möcüzəsidir. Gözlə görünən möcüzədir.

Bağışlayıcı olmaq Allahın çox bəyəndiyi xarakterdir. Çünki intiqam, ruha nəfsani zövq verər. Bağışlamaq çox çətindir. Yəni iradə tələb edir, ağıl tələb edir. Çünki insan bağışlamaqla məmnunluq hissinə çata bilməz. Lakin intiqam almaqla məmnun olar. Bunun üçün Allah bağışlamağı əsas götürür.

İnsanı nəzarətsiz buraxsan, onsuz da bədəni heyvan kimidir; dərhal acar, yuxusu gələr, qorxar, eqoistləşər. Bu heyvani yönünü imanla tarazlamalısan. Heyvan olmasına icazə verməməlisən.

Müsəlman özündən əmin olduğu kimi Allahdan əmin olacaq. Allah bütün müsəlmanlara hakkəl-yakin iman nəsib etsin.