Adnan Oktar A9 TV; 9 iyul 2015

Darvinizm nə deyir bilirsən? Tövrat, İncil, Quran haqq kitablar deyil, Quran doğru söyləmir deyir. Peyğəmbərlər yoxdur deyir. Axirət, cənnət, cəhənnəm və mələklər yoxdur deyir. Darvinizmin anlatmaq istədiyi budur. Sən bu inkar fəlsəfəsini məktəblərdə dərs kimi öyrətsən, cavabını verməsən hər cür fəlakətə qapı açılar.

Peyğəmbərimiz (s.ə.v) Dəccalı təsvir edərkən; "bütün dünyaya Allahın varlığını inkar etdirəcək" deyir. Hal-hazırda inkar etdirdi, insanlar darvinizmdən ötrü Allahı inkar edir. Deməli, dəccal gəlmişdir. O zaman mehdiyyətin buna qarşı öz kəskin mövqeyini göstərdiyini də görməlisən. Dəccal varsa Mehdi susmaz. Onun başını elmlə, irfanla əzər.

Darvinizm sayəsində tarixdə ilk dəfə, dünya əhalisinin 99%-nə Allahın varlığı inkar etdirən bir sistem hakim oldu. Bu sistemə dəccaliyyət deyilir.

Yeni yetişən gənclər arasında eqoist, darvinist, materialist quruluşlar meydana gəldi. Türkiyənin bölünməsi bunları maraqlandırmır. Buna qarşı tədbir alınmalıdır. Məktəblərdə; "Milli dəyərlər dərsi" keçirilməlidir. Bu dərsdə türk millətinin birliyi, bütövlüyü, PKK təhlükəsi, orduya sevgi, darvinizm-materializmin etibarsızlığı, bütün bunlar izah edilə bilər.

Qatı dinçilərin darvinizmi (bu dünyanın gəlib-keçmiş ən böyük dəccal hərəkatıdır) məğlub etmə qabiliyyətləri sıfırdır. Bizdən başqa dəccaliyyəti elmlə, irfanla tapdalayan güc yoxdur. Dünya səviyyəsində belə təbliğ edən yoxdur. Var, amma bizim yanımızda zəif qalar.

Hökumət darvinizmə əl atsın. Darvinizm birbaşa Allahı inkar edən bir sistemdir. Bütün dünya məktəblərdə Allahı inkar edir. Bu vəd edilən dəccaldır; Darvin bir dəccaldır. Axırzaman dəccalıdır. Allahı inkaretmə düşüncəsini inkişaf etdirən bir insandır. Marks, Lenin, Stalin, Hitler, Mussolini o fəlsəfədən törəmişdir. Dəccalın komitəsi olar, komitələrin komitələri olar. PKK da bu komitələrlə ideoloji əlaqəsi olan bir təşkilatdır.

Sən gecə-gündüz darvinist təhsil versən kommunizm qar uçqunu kimi inkişaf edər. Yanğına benzin tökürsən. Darvinizm yanğına benzindir. Sən kommunizmin təməl fəlsəfəsini bütün gəncliyə öyrətsən orta məktəbdə, liseydə, universitetdə; sənin ulu babaların bataqlıqda yaranmış mikrobdur desən; adam da məhz kommunist olar.

PKK-ya kitab atılsa, bu, onlar üçün böyük şok olar. Darvinizmin, materializmin əsassızlığı izah edilsə, yük maşınlarıyla, vertolyotlarla, təyyarələrlə xalqa kitab paylansa, PKK-nın yanlış ideologiyası, darvinizmin, materializmin əsassızlığı izah edilsə yer yerindən oynayar. Dərin Amerika və İngiltərənin oyunları puç olar. Bu bütün dünyada qalmaqal yaradar.

Uşağa həftədə 30 saat dərs keçirlərsə, bunun ən azı 25 saatını darvinizm təhsili təşkil edir. Bunun yerdə qalan bir saatında isə; “sizə İslamdan danışacağam” deyirsən. Özün də bilmədən dəccala təslim olmuş olursan.

Stalinizm, leninizm, darvinizm elmdir. Saxta və azğın da olsa elmdir. Sosiologiya və fəlsəfə sahələrinə məxsus bir elm sahəsidir. Sən buna elmi cavab verməsən onlar davam edər və haqlı olduğuna inanar.

“Darvinizm qaldı ki?” deyirlər. Orta məktəblərdə, liseylərdə, universitetlərdə səhərdən axşama qədər sənə darvinizmdən danışırlar. İmtahanda soruşurlar; "bəli, elədir" demədikdə kursda qalırsan. Kursda qalacağını gözə alaraq əksini söyləyə bilmədiyinə görə, deməli, sistem güclü işləyir.

Orta məktəblərdə, liseylərdə, universitetlərdə; “insan tamamilə təsadüfən yaranmışdır. Əvvəlcə palçıqlı sularda bir bakteriya yarandı, sonra inkişaf edərək soxulcan oldu sonra qurbağaya çevrildi. Sonra qurbağa primata çevrildi, primat meymuna, meymun da insana çevrildi” geniş şəkildə bunlar tədris olduğuna görə sən necə; “darvinizm yoxdur” deyirsən? Anlamazlıq etməklə bu ideologiya məhv olmaz.

Osmanlını yıxan darvinizm olmuşdur. Əbdülhəmid dövründə Hüseyn Əl-Cisrin darvinizm risaləsi Əbdülhəmidin xəbəri olaraq hər yerə paylandı.

Əbdülhəmid dövründə Osmanlıya darvinizm daxil oldu, İngiltərə dərin dövləti iqtisadiyyata hakim oldu, Osmanlı ən böyük torpaq itkisini yaşadı.

İngiltərə dərin dövləti Yaxın Şərqin necə parçalanacağını 300 il əvvəl planlaşdırıb. Bunu da darvinizmdən istifadə edərək həyata keçirib. İngiltərə dərin dövlətinin Osmanlı üzərindəki hakimiyyəti Əbdülhəmid dövründə olmuşdur. Bu gün hələ də bu təsirin izləri davam edir.

Terrora qarşı ən təsiredici çıxış yolu, Əbdülhəmid dövründən bəri tədris planına hakim vəziyyətə gətirilən birtərəfli darvinist təhsilin dayandırılmasıdır.

Baha Tövfiqin darvinizm və materializmdən bəhs edən, Allahın mövcudluğunu inkar edən yazıları Əbdülhəmid dövründə dərc edilib paylanmışdır. Suphi Əthəmin "darvinizm" kitabı, Hoca Tahsin Əfəndinin "Tarih-i tekvin" yaxud "Hilkat" kitabı və daha bir çox darvinist kitab yenə Əbdülhəmid dövründə dərc edilmişdir.

Kiprin 98 min qızıl qarşılığında İngiltərəyə verilməsi də Əbdülhəmid dövründə baş tutmuşdur.

Əbdülhəmid tərəfindən açılan Darülfünunda təbiət elmləri fənlərinin öyrədilməsi üçün xüsusi bir kürsü qurulmuşdu və bu kürsüdə təkamül təhsili verilirdi. İngiltərə dərin dövlətinin dəstəyi Əbdülhəmid dövründə qurulan birtərəfli darvinist təhsil sistemi hazırda hələ də davam edir.

Osmanlını sanki müstəmləkə halına gətirən iqtisadi sazişlərin altında ümumiyyətlə həmişə II Əbdülhəmidin imzası vardı.

Əbdülhəmid dövründə on minlərlə dərc olunan və paylanan darvinist əsərlər çox böyük imani zəifliyə səbəb oldu.

Əbdülhəmidin verdiyi ən böyük zərər Osmanlıda darvinizmin yayılmasını təmin etməsidir, daha sonra da ən böyük torpaq itkisi olmuşdur.

Quranda təkamül olduğunu iddia edən, təkamülə inanmayan Quranı inkar etmiş olar deyənlərin zehniyyəti Əbdülhəmid dövründən bu günə gəlmişdir.

Əbdülhəmid dövründə darvinizmin Osmanlıda yayılmasından sonra ordunun mənəvi dayağı aradan qalxır, çöküş sürətlənir.

Çin, hansı amerikalıya uyğur türklərinə davrandığı kimi davrana bilər? Bunu qətiyyən edə bilməzlər. Bu ədəbsizlikdən, vicdansızlıqdan əl çəksinlər. Uyğur türklərinə, ingilislərə, amerikalılara, hollandlara necə davranırlarsa, eynilə o cür davranmalıdırlar. Ölçü budur.