Adnan Oktar A9 TV; 29 dekabr 2016

Xristianlara və musəvilərə “kafir” deyilməz. Onlar Kitab əhlidir. Allah Kitab əhlinin yeməyini və qadınlarıyla evlənməyi halal etmişdir.

Musəvi düşmənçiliyi Qurana uyğun deyil. Musəvilər hz. Musanın övladlarıdır, minlərlə ildir ki, hz. Musaya sədaqət göstərirlər. Müsəlman bütövlükdə bir qövmə qarşı olmaz. Hər cəmiyyətdə olduğu kimi, musəvilər arasında da zalımlar olar, təkcə zalımlara qarşı çıxılar.

Amansız bir xristian və musəvi düşmənçiliyi müsəlmana yaraşmaz. Allah onların Kitab əhli olduğunu bildirmişdir. Kitab əhlinə şəfqət duyular.

Əbdülhəmid dövründə Fələstindəki musəvi əhalisi 80 minə yüksəlmiş və 36 musəvi yaşayış məntəqəsi salınmışdır.

Rusiyada dindar pravoslavların, musəvilərin, müsəlmanların olması çox gözəldir. Sinaqoqlar, kilsələrin dolu olması bizi çox sevindirir. Rusiya ilə aramızı vurmağa çalışdılar, Rusiya mediasındakı yazılarımızla Rusiya-Türkiyə dostluğunun güclənməsinə vəsilə olduq.

Hər uşaq İslam fitrəti üzərinə dünyaya gələr. Uşaqları daxil olmaqla, bir cəmiyyətin bütövlükdə lənətli olduğunu söyləmək İslama uyğun deyil. Allah bütün musəvilərin deyil, zülm edənlərin lənətli olduğunu söyləmişdir. Bir xalqın anadangəlmə lənətli olduğunu söyləmək zülm olar.

Müsəlman xristian, musəvi, vəhhabi, şiə, buddist, hər kəsin xilas olması üçün səy göstərər. Heç kimin həlak olmasını istəməz. Bu Qurana uymaz.

Axırzamanda müsəlmanlar, dindar xristianlar və dindar musəvilər ittifaq edəcəklər. İslam əxlaqı bütün dünyaya hakim olacaq inşaAllah.

Quranın hökmü axirətə qədər keçərlidir. Quranın sevgi, şəfqət hökmlərinin ləğv olunduğunu iddia edənlər böyük zülm etmiş olurlar. Bəzi mövhumatçılar Quranda sevgi, şəfqət hökmlərinin ləğv edildiyini söyləyərək musəvilərə və xristianlara şəfqətlə yaxınlaşmağı qadağan edirlər. Quranın heç bir ayəsi ləğv edilməmişdir. Allah Kitab əhlinə şəfqətlə, mərhəmətlə yaxınlaşmağı əmr etmişdir.

Texasda yandırılan məscidin bərpa edilməsi üçün kömək kampaniyası başladan musəvilər çox gözəl əxlaq göstəriblər.

Musəvi mənbələrdə Mehdinin çox əziyyətlər çəkəcəyi və bütün əziyyətlərə Allah sevgisi ilə, zövqlə səbir edəcəyi bildirilib.

Allah 300-dən artıq kitab yazmağımı, bu kitabların 70-dən çox dilə tərcümə edilməsini, yazılarımın onlarla qəzetdə dərc edilməsini nəsib etdi. Dünyaya aludə olanlarla birlikdə, dünyaya aludə olsaydıq həftənin bir günü söhbət etməyi kafi hesab edərdik. Lakin ömrümüzü həsr edərək çox geniş təbliğ apardıq. Darvinizmin fikri olaraq məğlub olmasını, İngiltərə dərin dövlətinin ifşa olmasını, mövhumatçılığın zərərsizləşdirilməsini Allah bizə nəsib etdi. Təhsilli, seçilən təbəqənin İslam ilə əlaqələri demək olar ki, kəsilmişdi, bu əlaqəni biz yenidən qurduq və onlar da İslama xidmət edən vəziyyətə gəldilər. Ələvi, şiə, musəvi, xristian düşmənçiliyinin aradan qaldırılması, İsrail ilə Türkiyənin barışması üçün biz səmərəli iş gördük.

Allahın musəviləri lənətlədiyi Qurana uyğun inanc deyil. Allah o dövrdə cinayət törətmiş, zülm etmiş olanları lənətləmişdir.

Musəvilər vahid Allaha iman gətirən, incəsənətə, keyfiyyətə, nəzakətə əhəmiyyət verən, minlərlə ildir ki, hz. Musaya sədaqət göstərən gözəl insanlardır. Müsəlmanlarla musəvilərin arasının dəyməsini istəyən şeytandır. Düşünmədən kor-koranə musəvi düşmənçiliyi etmək Qurana uyğun deyil.

İslam Birliyində xristianlar, musəvilər, dinsizlər, hər kəs yer alacaq. Hamısı güvən və hüzur içində yaşayacaqlar.

Hər cəmiyyətdən pis insanlar çıxa bilər, lakin yaxşı olanlar həmişə dostdur, qardaşdırlar. Musəvilər, xristianlar bütünlüklə pisdirlər demək, Qurana uyğun deyil.

Dəccal xristianlarla müsəlmanların arasını vurub dinə inananları aradan qaldırmaq istəyir. Bu oyuna düşməmək lazımdır. Hilal və xaç mübarizəsi əsla olmamalıdır. Əksinə dindar xristian və musəvilərlə ittifaq edərək dinsizliyə qarşı elmi mübarizə aparılmalıdır.

Musəvilər, xristianlar, evanqelistlər həmişə hz. Mehdi (ə.s)-ın gəlişini gözləyirlər, bütün səhih hədis kitablarında mehdiyyət mövzusu qeyd olunur.

İsrail Mehdi gözləyir, Evanqelistlər, musəvilər həmişə Mehdi gözləyirlər və dünya hakimi olurlar. Mehdiyyət əleyhinə olan ölkələr də əzilirlər.

Hz. Mehdinin gəlişi İslama, xristianlığa və musəviliyə görə bu əsrdə olacaq. Bu əsrdən başqa vaxt yoxdur.

Fələstində dövlət yaradacaq sayda musəvi və torpaq yox idi, lakin Əbdülhəmid qanun çıxartdı və 36 yaşayış məntəqəsinə musəviləri yerləşdirdi. Əbdülhəmid dövründə Fələstində yaşayan musəvilərin sayı 3 qat artdı ki, bu çox gözəldir.

Kitab əhlindən, yəni xristian və ya musəvi qadınla müsəlman kişi evlənə bilər. Qurana görə bu halaldır.

Kitab əhlinə gavur deyilməz, bu çox çirkin sözdür. Allah xristianlar və musəvilərin Kitab əhli olduğunu bildirmişdir.

İslam dini tək olaraq yaşanmaz. Musəvilik və xristianlıq da belədir. Din camaat halında yaşanar. Quranda möminlər həmişə birlikdir. Allah ayrılıb parçalanmayın deyə buyurur. Müsəlmanların elmi mübarizəsi birlikdədir, zəkat birlikdədir, müsəlmanlar camaat halında dini yaşayar.

Allah sinaqoqları qorumağımızı bizə Quranda bildirmişdir. "Musəvilərlə evlənə bilərsiniz" demişdir, onları qorumağımızı söyləmişdir. Mən də Qurana görə məzlum musəviləri müdafiə edərək, sinaqoqları qoruyaraq Allahın əmrini yerinə yetirirəm.