Adnan Oktar A9 TV; 24 avqust 2014

Xalqın şüur altında PKK-ya qarşı böyük nifrət vardır. Amma silah PKK-ya hörməti təmin edir. Bəzi insanlar gücün qarşısında əyilirlər. Yəni bükə bilmədikləri biləyi öpürlər. Bəla burdadır.

Silahı buraxdığında PKK-nın bütün siyasi gücü yox olar, özü də yox olar. PKK-nın ayaqda dayanmasını təmin edən silahdır, silah gücüdür. Buna görə də PKK heç bir şəkildə silah buraxmaz.

PKK heç vaxt və qətiyyən silah buraxmayacaqdır. Silahı buraxdığı an PKK yox olar, PKK-ya kürəyini dayayan partiyalar varsa, onlar da buxar olar. Onlar silahla ayaqda dayanırlar. Silah getsə, onlar da gedər.

PKK xoşagəlməz hərəkətləri buraxmalıdır. Yaşamaq istəyirlərsə mütləq hara gedirlərsə çıxıb getsinlər, aşağı tərəflərdə bomboş ərazi var. Getsinlər özlərinə bir məkan tutsunlar, orada yaşasınlar. Bizdən uzaq olsunlar. Türkiyədə biz kürd qardaşlarımızla xoşbəxt və rahatıq.

Türkiyə içərisində biz kürd qardaşlarımızı ayırmarıq. Ailənin içərisində otaqlar polad divarlarla ayrılmır. Biz bir ailəyik, heç bir şəkildə qardaşlarımızdan ayrılmarıq. Sən polad divarlar hazırlamağa çalışsan, biz o divarları yıxarıq. Boş yerə də həvəslənməyin, belə bir şeyə icazə vermərik.

Kürd səsverməsi halal, amma PKK səsverməsi isə haram səsdir. O bəla gətirər. Bərəkət gətirməz. Kürd səsverməsi nur kimidir. Türk, çərkəz, laz onsuz da millətimin gözəl nümayəndələridir.

Kürd qardaşlarımızın səsverməsində bərəkət var, amma PKK səsverməsində bərəkət olmaz. PKK səsini istəməkdə bərəkət olmaz. Bu yalnız uğursuzluq gətirər. Xalqın səsində bərəkət vardır, amma PKK səsində mənfurluq və uğursuzluq vardır.

Gənclərimizə siyasi şüur verəcəksən. Məsələn, PKK niyə dağlarda günlərlə, aylarla, illərlə təhsil verir? Alıb gətirər Diyarbakırdan. Amma elə etmir. Təhsil verir. Ta uşaq yaşlarında öyrədirlər. Siyasi şüur çox əhəmiyyətlidir. Siyasi təhsil çox əhəmiyyətlidir, inşaAllah.

PKK az bir qüvvə ilə Cənub-Şərq bölgəsini ala biləcəyini düşünür ki, kommunizmin xüsusiyyəti budur.

PKK özündən çıxmış vəziyyətdədir. Biz milli şüurla bir və tam olsaq o zaman PKK-nın gücü olmaz. Amma PKK milli şüurun geniş yayılmadığını bildiyi və öz gəncliyində də şüurlanmış, siyasiləşmiş gənclik olduğunu bildiyi üçün o gəncliyə güvənir.

PKK bütün bölgənin başına bəladır. Xalq hal-hazırda Cənub-Şərq bölgəsində dinc yaşamır, mafiya idarəsi altında yaşayır. Mafiya idarəsi altında bir insan necə rahat yaşaya bilər? Bir banda idarəsində necə rahat yaşaya bilər? Bu da mehdiyyətlə təmizlənəcək.

Hökumətə "yanındayıq" mesajı verilməsi lazımdır. PKK-ya qarşı hökumətin yanında birlik, 80 milyonluq birlik almağımız lazımdır.

PKK problemini kökündən həll edəcək yol İslam Birliyidir. İslam Birliyi ilə PKK bacara bilməz. O zaman PKK aslanın üstünə qonan ağcaqanada bənzəyər.

Kürd demək dindar deməkdir. Kürd demək Allah aşiqi deməkdir. Kürd demək kübar, namuslu, ailəsinə vurğun, övladını sevən deməkdir. Kürd səndən nifrət edər, ey PKK! Sadəcə nifrət edər.

Bütün millətimizə keçmiş olsun. PKK bəlası sona çatdı! Türkiyəyə də boş yerə zorbalıq etməyə çalışmasınlar. Sadəcə acınacaqlı vəziyyətdədirlər. Qaya oyuqlarından kənara çıxa bilmirlər.

Allah PKK-nı yerlə yeksan etdi. Zalımın ömrü qısadır. Məsələ bitmişdir. Bir də bölgə Allahsız, kitabsız olmaz; PKK bunu bilmədi. Yaxın Şərq dinsiz, imansız olarmı?

Bəziləri PKK-nın məhv olduğuna inanmır. Zülm əbədi olmur onsuz da, Qurandakı ayə də bunu təsdiqləyir. Yəni, tarixdə heç bir zülm sistemi daimi qalmamışdır, buradan dərk etməlidirlər. Allahın qanunudur bu; hər zalım, hər zülm sistemi mütləq yox olur. Haqq olan sistem hökm sürür.

Bəlanın adamı olsan, başqa bəlanın adamı üstünə çökər. Qanın adamı olsan, başqa qanın adamı üstünə çökər. Qan qanı, şiddət şiddəti, ölüm ölümü gətirər. PKK-lının xüsusiyyəti haqsız olaraq adam öldürməkdir. Haqsız şəkildə adam öldürəni qatil bir adam öldürür.

PKK-lılar hal-hazırda Kobanidə darmadağın edilmiş vəziyyətdədirlər. Nəticədə Allah heç gözləmədikləri bir anda onları həlak etdi. Allahın gücünü nəzərə almadılar. Allah ayədə: "Onları heç gözləmədikləri bir yerdən yavaş-yavaş həlaka yaxınlaşdıraram" deyir. (Əraf surəsi, 182)

Dəccalın ömrü ən çoxu 40 ildir, çox olmaz. Amma İslam 1400 ildən bəri dimdik ayaqdadır. Rəsulullah (s.ə.v)-dən etibarən neçə dəccal düşüncəsi, fikri gəlib-keçmişdir, hamısı da tarixə qarışmışdır. Neçə növ dəccaliyyət hərəkatı oldu. Hamısı sakitləşib yatırılmışdır. PKK da bir dəccaliyyət hərəkatıdır. Əriyib gedəcəkdir.