Adnan Oktar A9 TV; 8 oktyabr 2014

PKK-nın 40 illik ömrü sona çatdı. Peyğəmbərimiz (s.ə.v) hədislərdə: "Dəccalın ömrü 40 ildir" deyir. Ömrü sona çatdığı üçün, Allah da o qövmün həlak olması barədə hökm verdi. Yəni, o hökmü Xızır (ə.s) verər. Yəni, bilin ki, bir qövmün həlak olması barədə hökm verilməsini Xızır (ə.s) öz boynuna götürmüşdür.

PKK-nın dərdi Türkiyəni müharibəyə soxmaq. Bir yollamüharibəyə soxmaq istəyir ki, işi asan olsun. Türkiyə müharibəyə girməyəcək. Bizim müharibəylə işimiz yoxdur. Kobaniylə də işimiz yoxdur.

Dəccalın ömrü ən çoxu 40 ildir, çox olmaz. Amma İslam 1400 ildən bəri dimdik ayaqdadır. Rəsulullah (s.ə.v)-dən etibarən neçə dəccal düşüncəsi, fikri gəlib-keçmişdir, hamısı da tarixə qarışmışdır. Neçə növ dəccaliyyət hərəkatı oldu. Hamısı sakitləşib yatırılmışdır. PKK da bir dəccaliyyət hərəkatıdır. Əriyib gedəcəkdir.

PKK-lılar hal-hazırda Kobanidə darmadağın edilmiş vəziyyətdədirlər. Nəticədə Allah heç gözləmədikləri bir anda onları həlak etdi. Allahın gücünü nəzərə almadılar. Allah ayədə: "Onları heç gözləmədikləri bir yerdən yavaş-yavaş həlaka yaxınlaşdıraram" deyir. (Əraf surəsi, 182)

Bəlanın adamı olsan, başqa bəlanın adamı üstünə çökər. Qanın adamı olsan, başqa qanın adamı üstünə çökər. Qan qanı, şiddət şiddəti, ölüm ölümü gətirər. PKK-lının xüsusiyyəti haqsız olaraq adam öldürməkdir. Haqsız şəkildə adam öldürəni qatil bir adam öldürür.

Bəziləri PKK-nın məhv olduğuna inanmır. Zülm əbədi olmur onsuz da, Qurandakı ayə də bunu təsdiqləyir. Yəni, tarixdə heç bir zülm sistemi daimi qalmamışdır, buradan dərk etməlidirlər. Allahın qanunudur bu; hər zalım, hər zülm sistemi mütləq yox olur. Haqq olan sistem hökm sürür.

Allah PKK-nı yerlə yeksan etdi. Zalımın ömrü qısadır. Məsələ bitmişdir. Bir də bölgə Allahsız, kitabsız olmaz; PKK bunu bilmədi. Yaxın Şərq dinsiz, imansız olarmı?

Kürd demək dindar deməkdir. Kürd demək Allah aşiqi deməkdir. Kürd demək kübar, namuslu, ailəsinə vurğun, övladını sevən deməkdir. Kürd səndən nifrət edər, ey PKK! Sadəcə nifrət edər.

Kürd qardaşlarımı niyə sevirəm? Təqvalı, gözəl əxlaqlı olduqları üçün sevirəm. Heç kəsi irqindən ötrü sevmərəm. Təqvasına görə sevərəm. Hamımız hz. Adəm (ə.s)-ın övladlarıyıq; Adəmiyik.

Kürd milləti, kürdlər, kürd qardaşlarımız, kürd xalqı olduqca dindardır. Abdullah Öcalan dindar bir inancı müdafiə etmir, Stalinist bir inancı müdafiə edir. Kürd qardaşlarımız üçün bu, ən pis təhqirdir. Bir kürd qardaşıma "sən Stalinist ol" demək küfr etməkdir.

Kürd mübarəkdir, möhtərəmdir, dindardır, alicənabdır. Əxlaqlı bir varlıqdır. Kürd deyildikdə, mütləq alicənab bir insanla qarşılaşacağımdan əmin oluram. İrqçi məqsədli olaraq deyil, alicənab insanlardır, təqvalı insanlardır. Təqvalarından ötrü üstündürlər. Ona görə sevirəm.

Kürd demək Türkiyə deməkdir. Laz demək Türkiyə deməkdir. Çərkəz demək Türkiyə deməkdir. Kürd demək Türk millətinin xas fərdi, xas işçisi deməkdir. Kürd, türk, laz, çərkəz hamısına biz türk deyirik.

Türkiyə içərisində biz kürd qardaşlarımızı ayırmarıq. Ailənin içərisində otaqlar polad divarlarla ayrılmır. Biz bir ailəyik, heç bir şəkildə qardaşlarımızdan ayrılmarıq. Sən polad divarlar hazırlamağa çalışsan, biz o divarları yıxarıq. Boş yerə də həvəslənməyin, belə bir şeyə icazə vermərik.

PKK xoşagəlməz hərəkətləri buraxmalıdır. Yaşamaq istəyirlərsə mütləq hara gedirlərsə çıxıb getsinlər, aşağı tərəflərdə bomboş ərazi var. Getsinlər özlərinə bir məkan tutsunlar, orada yaşasınlar. Bizdən uzaq olsunlar. Türkiyədə biz kürd qardaşlarımızla xoşbəxt və rahatıq.

Kürdlərin lideri hz. Məhəmməd (s.ə.v)-dir. Allahı inkar edən, özünün tanrı olduğunu söyləyən Abdullah Öcalan deyil. Abdullah Öcalan özünün büt olduğunu söyləyən bir insandır. Kürd qardaşlarımız bütə səcdə etməzlər, Allaha səcdə edərlər.

Vətəndaş Cənub-Şərq bölgəsində zibildən iyrəndiyi kimi PKK-dan da iyrənir. Kürd qardaşlarımız çox şərəflidir, çox qürurludur, heysiyyətlərinə çox önəm verirlər. Bir adam onu təhdid etdikdə bu ona çox ağır gələr. Dövlət mənim qürurlu, başıuca, cavan, qoçu qardaşlarıma bu əziyyəti verməsin.

Öz aləmlərində kürd qardaşlarımızın əleyhində, onları təhqir etmək məqsədiylə yazdıqları hər şey qayıdıb özlərinə gələr. Qızıla heç bir şey təsir etməz. Kürd qardaşlarımız qızıldır. Murdar adamların əleyhlərində danışmaları kürd qardaşlarımıza zərrə qədər belə təsir etməz. Onların igidliyi və üstünlüyü hər kəs tərəfindən qəbul edilmişdir.

Axırzaman şəxsi harada olarsa, həmin ölkəyə bərəkət gələr. O ölkəyə bərəkət gələr, bəlalardan və böyük fəlakətlərdən qorunar. Hazırda Türkiyə maddi və mənəvi cəhətdən mehdiyyətin bərəkətini yaşayır. Bunu bilsinlər.