Adnan Oktar A9 TV; 23 iyun 2016

Bu vətənə, bu millətə heç nə olmaz. Bu vətənin, bu millətin vəzifəsi var. İslamın nurunu yayacaqlar, Türk İslam Birliyini yaradacaqlar, dəccaliyyəti elmlə, irfanla yox edəcəklər; İngiltərə dərin dövlətinin hökmranlığı fikrən bitəcək, PKK adlı şey yer üzündən silinəcək, qalmayacaq.

PKK-nın silahlı mübarizə ilə yox olmayacağını uzun illərdir deyən mənəm. Lakin heç kim həll yolunun darvinist-materialist birtərəfli təhsilin dayanması olduğunu söyləmir. Ortaya qoya bildikləri tək fikir PKK-nın silahla, təzyiqlə hakimiyyəti ələ almaqla qazandığı danışıq prosesinə qayıtmaqdır. Danışıq prosesinin son hədəfi isə Cənub-Şərqi Anadolu bölgəsinin Marksist-Leninist PKK-ya verilməsi və yaradılacaq kommunist dövlətin başına Öcalanın gətirilməsidir. Buna icazə vermərik.

Təkcə bir təşkilat var, bu da PKK-dır. Sanki TAK ayrı, PKK ayrı, YPG ayrı, PYD ayrı imiş kimi bir ifadə formalaşdırdılar son vaxtlarda. Bu demaqoqluqdur, çox səmimiyyətsiz üslubdur. Bütün bunlar Marksist-Stalinist PKK-dır.

Türkiyə, çox yaxınlığında homoseksual, kommunist, Stalinist bir PKK təşkilatını, Türkiyəyə düşmən, azğın bir dövlətin orada yaranmasını təbii ki, qəbul etməyəcək.

PKK-nın varlığı, Allahın, İslamın hakim olması üçün batin elmi ilə yaratdığı imtahandır. PKK ilə İslam hakim olar mı? Olar. Çünki müqavimətin, hamiyəti-İslamiyənin yaranmasına vəsilə olur.

Türk-Kürd döyüşü yoxdur. PKK-lı terrorçularla əsgərin, polisin özünü müdafiə etmə mübarizəsi var. Türk-Kürd döyüşü haradadır? Kürd baş tacıdır. Biz Kürd qardaşlarımızı PKK-nın əlindən alıb qurtardıq.

İslam Birliyi üçün, əvvəlcə darvinist materialist düşüncə aradan qalxmalıdır. Dövlətin, təhsil müəssisələrində, hər yerdə elmi izahat verməsi lazımdır. İman həqiqətlərindən, Quran möcüzələrindən bəhs edilməli, imanla, Quranla meydana çıxılmalıdır.

Avropanın PKK-nı dəstəkləməsinin səbəbi PKK-nın qadın haqlarını müdafiə etməsi, azadlığı müdafiə etməsidir. PKK; "qadınlar istədiyi kimi geyinsin, azad olsun, qarışmayaq" deyir və "qadınlar daha çox siyasətdə vəzifə tutsun" deyir. Bunları Türkiyə deməlidir.

Öz aləmlərində Türkiyə əleyhində danışanlar əsasən zavallı tiplər olur və özlərini xarici ölkələrdə kiməsə bəyəndirməyə çalışırlar. Bəzilərinin ortaq xüsusiyyəti Allahdan, Peyğəmbərdən bəhs etməmələri, rumilikdən bəhs edib, darvinist olmalarıdır. Bu insanlara həqiqət anladılmalıdır.

İngiltərə dərin dövləti millətimizin darvinizmə qarşı müqavimətini və imanını nəzərə ala bilmədi. Darvinizmin fikrən çökməsi oyunlarını puç etdi. Əllərindəki digər bir üsul da daxili döyüşlər, bölünmə meydana gətirmək idi. Ələvi-sünni qarşıdurması yaratmaq istədilər, bu oyunları da əllərində qaldı. PKK-dan istifadə edərək bölünməni sürətləndirmək istədilər. Xalqa Öcalanı sevimli göstərməyə çalışdılar, bunun yalan olduğunu izah etdik. PKK-nın əsil üzünü göstərdik, beləliklə İngiltərə dərin dövlətinin əlindəki bütün oyunları puç etmiş olduq.

PKK-nın hər gün əhvali-ruhiyyəyə ehtiyacı var, buna görə də hər gün hücum edərək güclüyük bizə qoşulun mesajı verməyə çalışırlar. PKK-nın az güclə daha təsirli olmasının səbəbi ideoloji aktivlik və fəallıqdır. Onların bu aktivliyi qarşısında xalqın bir hissəsi yalnız öz evliliyi, məktəbi, işi, futbol matçı dərdində olur. Biganəlik yayıldıqda PKK az güclə təsir əldə edə bilir. Bu biganəlik aradan qalxmalıdır.

Heç kim ölkəmizi və millətimizi PKK ilə təhdid etməyə cəhd etməsin. Millətin lazımi hüquqi qarşılığı necə verdiyini gördükləri zaman təəccüblənərlər.

Qaziantep terror hücumu İngiltərə dərin dövlətinin hökuməti devirmək üçün etdiyi çirkin hərəkətlərdən biridir. Quldur kimi PKK-dan istifadə etdilər.

Münafiqlərin oyunlarına, özlərini müsəlman kimi tanıdıb İngiltərə dərin dövlətinə tərəfdaşlıq edənlərə, rumilik fəlsəfəsini yayanlara, İslamın yerinə rumiliyi yaymağa çalışanlara, homoseksuallığı qanuni kimi göstərməyə çalışanlara, Türkiyəni bölmək istəyənlərə, PKK ilə əməkdaşlıq edənlərə, küfr əhlinin istilasını təhlükəli deyilmiş kimi göstərməyə çalışanlara elmlə və irfanla icazə vermədik, verməyəcəyik.

Darvinizm Allahı inkar edən bir fəlsəfədir. Gecə-gündüz birtərəfli darvinist təhsil verilməsi Allah qorusun bəlanı cəlb edər.

PKK ilə mübarizə təkcə fikirlə olar, təkcə bu zaman müvəffəqiyyət əldə edilər. PKK-nın təməl fəlsəfəsinin qaynağı olan darvinist materialist təhsilin, təhsil müəssisələrində mütləq cavabı verilsin, elmi açıqlama verilsin. Birtərəfli darvinist materialist təhsilə son qoyulmadıqca, yəni bu ideologiyanın elmi cavabı verilmədikcə, terror bəlası bitməz.

Ən mühüm işğal, beyinlərin işğalıdır. Əvvəlcə gənclərin beyinləri darvinist materialist işğaldan xilas edilməlidir. Bu da təhsillə mümkündür.

Darvinist materialist təhsil Allahın, haşa açıq-aşkar inkar edildiyi bir təhsildir. Bu, Allahın xoşuna gəlməz. Normal qəbul edilməməlidir.

Terrora qarşı ən təsiredici çıxış yolu, Əbdülhəmid dövründən bəri tədris planına hakim vəziyyətə gətirilən birtərəfli darvinist təhsilin dayandırılmasıdır.

Baha Tövfiqin darvinizm və materializmdən bəhs edən, Allahın mövcudluğunu inkar edən yazıları Əbdülhəmid dövründə dərc edilib paylanmışdır. Suphi Əthəmin "darvinizm" kitabı, Hoca Tahsin Əfəndinin "Tarih-i tekvin" yaxud "Hilkat" kitabı və daha bir çox darvinist kitab yenə Əbdülhəmid dövründə dərc edilmişdir.

Əbdülhəmid tərəfindən açılan Darülfünunda təbiət elmləri fənlərinin öyrədilməsi üçün xüsusi bir kürsü qurulmuşdu və bu kürsüdə təkamül təhsili verilirdi. İngiltərə dərin dövlətinin dəstəyi Əbdülhəmid dövründə qurulan birtərəfli darvinist təhsil sistemi hazırda hələ də davam edir.

Əbdülhəmid dövründə on minlərlə dərc olunan və paylanan darvinist əsərlər çox böyük imani zəifliyə səbəb oldu.

Əbdülhəmid dövründə imperiyanın hər tərəfinə darvinist kitablar paylanmış, materializm Osmanlıya yerləşmiş və Osmanlı süqut etmişdir.

Türkiyə Avropa İttifaqının bütün meyarlarını yerinə yetirsə belə Türkiyəni qəbul etmək istəməzlər. Çünki keyfiyyət, müasirlik, qadına hörmət anlayışı zəifdir. Hər cəhətdən çox keyfiyyətli insanlarımız var, lakin keyfiyyətsiz insanlar Avropa İttifaqına daxil olmağımıza əngəl törədir. Yoxsa müsəlman olmağımızla əlaqəsi yoxdur.

İctimaiyyətə məlumat verildiyi təqdirdə ABŞ-ın, İngiltərə dərin dövlətinin təsiriylə hərəkət etməsi çox çətinləşər. Çünki ictimaiyyət çox güclü silahdır. İctimaiyyətə məlumat verilməsi və ictimaiyyətin reaksiyası yarandıqda dərin dövlətlər hərəkət edə bilmir, iflic olurlar.