Adnan Oktar A9 TV; 26 yanvar 2016

PKK hərəkatını təşkil edən tək yer vardır. Mərkəzi Londonda olan İngiltərə dərin dövlətidir. Başqa heç bir güc, heç bir əlaqə yoxdur, hadisə tamamən bu cürdür.

Münaqişə gedən ərazilərdə mülki vətəndaşların həyatını itirməsinə səbəb olan PKK-dır. İngiltərə dərin dövləti onları istifadə edir, həmişə cinayət törədirlər.

Hz. Musa (ə.s) Firona, hz İbrahim (ə.s) isə Nəmruda təbliğ edirdi. Müsəlman ateistlə, kommunistlə, dinsizlə, bir sözlə hər kəslə danışar, görüşər və təbliğ edər.

PKK zehniyyətini, yəni Türkiyənin bölünməsi və Cənub-Şərqi Anadolu bölgəsində ayrı bir Kürd dövləti yaradılması layihəsini 200 il əvvəl İngiltərə dərin dövləti başlatdı.

PKK-nın snayperçiləri, PKK-lılar tərəfindən yetişdirilən insanlar deyil. İngiltərə dərin dövlətinin göndərdiyi Amerikalı mütəxəssislər var, onlar yetişdirirlər.

Kəşfiyyat təşkilatlarının çoxunun CIA-nın nəzarəti altında olduğunu zənn edirlər. Halbuki bir çox kəşfiyyat təşkilatı İngiltərə dərin dövlətinin nəzarəti altındadır. Abdullah Öcalan İngiltərə dərin dövlətindən xəbərdardır, PKK hərəkatını onlar başlatdı deyir.

YPG kommunist, Stalinist, Allahsız və Kitabsız təşkilatdır. Kürd fərqlidir, kürd alicənabdır, Allahdan qorxar, Allahı sevər. Böyük əxlaqa sahib, nəcib insanlara Kürd deyilər. YPG, PKK-nın digər adıdır.

Əgər darvinist-materialist təhsilə son qoyulsa, İnqilabçı Xalq Azadlıq Partiyası Cəbhəsi (DHKP-C) adlı bir təşkilat da olmaz. Marksist Leninist Kommunist Partiyası (MLKP) adlı bir hərəkat olmaz, PKK adlı bir təşkilat da olmaz. Çünki fikri təməllərini kökündən yox etmiş olursan.

PKK/PYD-nin ən böyük məqsədi, Türkiyədə bir kommunist Kürdüstan və proletariat diktaturası yaratmaq və bilavasitə Türkiyəni parça-parça etməkdir.

Gənclərimizin böyük hissəsi yaxşı təchizatlı deyil. Darvinist düşüncəylə, Marksist, Leninist, Stalinist düşüncəylə mübarizə aparacaq məlumata sahib deyillər. Türkiyədə darvinist təhsilin dayandırılması PKK-ya böyük zərbə olar. Məktəblərin tədris proqramına "milli şüur" dərsi əlavə edilərək, Marksist, Leninist düşüncənin yanlışlığı gənclərə çatdırılsın.

Bir insan dünyaya PKK-lı olaraq gəlməz, sonradan PKK-lı olar, təhsillə PKK-lı olar. Darvinist-materialist təhsilə son qoysan, Stalinizmin, kommunizmin çirkinliyindən danışsan həmin insanı qazanarsan. Bu qədər sadədir. İnsanı öldürmək yerinə beynindəki fikri, şeytanı öldür. İnsanın beynindəki şeytanı öldürsən, həmin insanı qazanarsan.

Stalinizm heç vaxt dövlətsiz olmaz. Proletariat diktaturası Stalinizmin imtina edilməz xüsusiyyətidir. Yoxsa insan Stalinist olmaz. Yəni kommunist olmasının mənası qalmaz. İnsan partiyanı nə üçün qurur? Dövlət yaratmaq üçün qurur.

“Həll prosesi” deyilən şey, Abdullah Öcalanın buraxılması, onun guya Cənub-Şərqi Anadolu bölgəsində qurulacaq kommunist Kürdüstanın başçısı kimi qəbul edilməsi, bütün PKK-lı qatillərin sərbəst buraxılması kimi ağılsız çirkin hədəflərdən ibarətdir. Qəbul etmərik, bunu unutmalıdırlar.

Obamanın PKK-ya, YPG-yə, PYD-yə dəstək olması Amerika tarixində görülməmiş rüsvayçılıqdır. Heç bir Amerika prezidenti kommunist Stalinistləri dəstəkləməyib. Heç bir prezident terroristləri dəstəkləməyib. Bir qeyri-adilik vardır. Obama dürüst olsun, kommunistdirsə, mən kommunistəm desin. Stalinist kommunist olduğunu bildirsin.

Obama kommunist düşüncəyə sahib bir ailə mühiti içində yetişmiş, kommunist partiya ilə ortaq fəaliyyətləri olmuşdur. PYD/PKK-ya dəstək verməsinin səbəbi budur.

“Terrorla mübarizə” haqqında qanuna dəyişikliklər edilməlidir. Məsələn, PKK-lılara kömək edənə ən azı 10 il həbs cəzası verilsin. Eləcə də, PKK-nı tərifləyən, Abdullah Öcalanın lehinə şüarlarla çıxış edən, təşkilatla əlaqəsi olduğu açıq şəkildə bilinən hər kəsə bu cəza tətbiq edilsin. Bunu uzatmağa ehtiyac yoxdur. Başqa cür dayanmaz. Həbs etmək, ortalığı sakitləşdirər. PKK-nın bütün fəaliyyətlərini dayandırmış, qolunu-qanadını qırmış olarsan. Lazım gəlsə 10 min, 20 min, 30 min, 40 min, 50 min, 100 min insanı həbs edərsən. Doldur həbsxanaya, bitdi. Xüsusilə də, dəstə başçıları həbs olunsa məsələ bitər.

ABŞ-ın PKK-PYD-yə silah verməsi çox böyük əxlaqsızlıqdır. Bu ağılsızlıqdan əl çəksinlər. Çox ağılsız hərəkət edirlər. Bunlar kommunist, stalinistdir, sən isə anti-kommunistsən. O zaman Vyetnamda, Koreyada niyə vuruşdun? Kambocada, Laosda niyə mübarizə apardın? Kommunizm yaxşı şeydirsə, niyə onlarla mübarizə apardın? Çox məntiqsiz insanlardır.

“Həll prosesi” deyilən şey; PKK-nın orada bir dövlət qurması, Abdullah Öcalanın oraya prezident vəzifəsinə keçməsi, bölgənin Türkiyədən alınması və orada stalinist, kommunist, yırtıcı, qırmızı bir rejimin hakim edilməsidir. Proses dedikdə məhz bunu nəzərdə tuturlar.

İran və Türkiyə Kandili mühasirəyə alsalar qarşıdurmaya ehtiyac olmaz, hamısı dayanmadan və sürətlə çölə çıxar. Çünki üç aylıq qida ehtiyatları olmaz heç. Mütləq gəlib təslim olarlar. Hökumət bunu etsin.

Kandil işğal altındadır, adamlar oradan polis bölməsi kimi istifadə edirlər. Əsgərləri, polisləri, müsəlmanları vurub şəhid edirlər. Türkiyə həm İran, həm də İraq hökumətiylə razılığa gəlib, Kandilə daxil olmalıdır. Oradakı mağaraların hamısını qanuni şəkildə təmizləməlidir. Bir dəfə mühasirəyə alsalar, üç aylıq mühasirədən sonra orada heç kim qalmaz.

Bərat qəndili bütün İslam aləminə mübarək olsun. Allah bütün müsəlmanlara hakkəl-yakin iman, peyğəmbər imanı versin. Mehdiyyətin qərarı, İslam Birliyinin qərarı, inşaAllah, bu gecə verilər.

ƏvəlAllah, Şamda azan, Quran oxudacağıq. Darvinizm-materializmin etibarsızlığını Şamda hər kəsə izah edəcəyik və mükəmməl bir iman, Quranı öyrədəcəyik, inşaAllah. Allahın icazəsi ilə bir insanı da imansız buraxmayacağıq.

Münafiq ilk fürsətdə köhnə inancına, köhnə həyatına geri qayıtmaq istəyər, ağlı həmişə küfr əhlinin yanında olar. O düşüncə beynindən heç çıxmaz. Müsəlman olduqdan sonra, məsələn, əvvəlki hiyləgərliyi, əvvəlki əxlaqsızlığı, əvvəlki macərapərəstliyi, əvvəlki şərəfsizliyi, əvvəlki namussuzluğu nədirsə ona qayıtmaq istəyər. O küfr həyatını unuda bilmir, dönüb dolanıb yenə eyni nöqtəyə gəlir.

Münafiqin nəzərə çarpan əxlaqsızlığı; küfr əhlinə nökər kimi xidmət edər, onlar üçün maksimum dərəcədə enerji ilə hər cür fədakarlığı edər; möminə də, əziyyət olması üçün, əlindən gəldiyi qədər hər cür işini gördürmək istəyər.

Peyğəmbərimiz (s.ə.v) gecə qalxır, münafiq də dərhal ilan kimi səssizcə gəlir Peyğəmbərin yanına. Gündüz qalxır, gündüz yanına gəlir. Heç boş buraxmır. "Çox sevirəm, çox hörmət edirəm" deyir, halbuki məqsədi məlumat toplamaqdır.