Adnan Oktar A9 TV, 29 Aprel 2012

Qurandakı hökmlər qadını hər zaman çətinliklərdən xilas edər. Hər yerdə, hər mövzuda qadınlar üçün həmişə asanlıq vardır. Qurandakı hökmlər qadınların xeyrinədir. Allah Quranda bütün çətinliyi kişilərə yükləyib .

QADIN DÜNYANIN ƏN GÖZƏL BƏZƏYİDİR. Çox mübarək varlıqlardır. Qadınlar çox ağıllıdır, istişarələrdə də ağıllı fikir söyləyərlər. QADINLA MƏSLƏHƏTLƏŞMƏKDƏ BƏRƏKƏT, GÖZƏLLİK VARDIR. QADINLAR GƏLDİKLƏRİ YERƏ XEYİR GƏTİRƏR, İNŞALLAH.

Əksinə, qadının olduğu yerdə günahlar dayanar. Qadınların olduğu yerdə halal ortaya çıxar. Xurafatçıların xislətinə pozğunluq, əxlaqsızlıq vardır .

Qadınlar çox incə məxluqlardır: soyuqda, çox istidə xəstələnərlər, normal bir mühitdə yaşamalıdırlar. Qadınları üzmək olmaz. Onlar çox şirin, incə varlıqdır, kiçik bir nəzakətsizlikdən də küsərlər. Çox zərifdirlər, yəni onlarla danışarkən ehtiyatlı olmalı, sözünün yerini bilməlisən.

Qadınlar çiçək kimidir, çiçəyə qulluq edən kimi qadınlara baxmaq lazımdır. Yoxsa dərhal solarlar. Bir gün yuxusuz qalsalar kefsiz olurlar. Onlara qarşı diqqətli olmaq lazımdır, yeməyinə, əhvalına diqqət yetirməlisən, Hər şeydən vacib isə qadınların imanlı, təhsilli, şən bir mühitdə olmasıdır.

Bir qadını küfrdən azad etsən, nur kimi olar. Müsəlman ikən küfrə gedir; məhv olur, qovrulur gedir, meymuna dönür, pərişan olur, Allah qorusun.

Qadın dediyin uzaqdan baxınca gözəlliyinə heyran olmaqdır, qadına hörmət etməli, dəyər verməlisən. Möhtəşəm bir varlıq olaraq özünü göstərməsi lazımdır.

QADIN SEVGİSİ İNSANIN İMANI İLƏ DÜZ MÜTƏNASİBDİR. İmanı artdıqca qadına sevgisi artar, qadına sevgisi artdıqca imanı artar.

ALLAHDAN QORXAN QADIN ÇOX GÖZƏL OLAR. Çox sevimli, məzlum, şəkər, dünya şirini olar. Əks halda çirkin olar, Allah əsirgəsin.

Mömin qadınların da namuslarına görə üzlərində bir nur olar, şirinlik olar. İnsan ona dərin məhəbbət bəsləyər, üzündə xoş ifadə, əzəmət olar, rəhmani cazibə olar.

Bir qadın özünə hörmət edildiyini, dəyər verildiyini anlasa sevə bilər.

Dünyadakı qadınların bir qisminin xasiyyəti pisdir. Buna görə də cəlbedici cəhətləri olmaz. Gözəl də olsa varlığından narahat olarsan . Lakin belə qadınların həm xasiyyəti gözəl, həm də özü gözəl olsa çox cəlbedici olar.

İstişarə Quranda fərzdir, Allahın əmridir. "Biz özümüz bilirik, siz qarışmayın", elə olmaz. Buna görə də mühüm şeylərdə hər kəslə istişarə etməkdə fayda vardır.

Misir müşavirə ilə hərəkət etsə, şəfqəti, sevgini ön plana çəkib müasir İslam anlayışını, səhabə İslam anlayışını ön plana alsa, sənəti, elmi, estetikanı, demokratiyanı ön plana çıxartsa, Misirdə vəziyyət çox gözəl olar.

İstişarə, İslamın mühüm hökmlərindən biridir. Peyğəmbərimiz (s.ə.v) də həmişə istişarəylə hərəkət edərdi.

Müqəddəsata inanan, sevən insanların, Allah aşiqlərinin yaxşı insanlara, xüsusilə, yaxşı olduğuna görə zərər çəkən insanlara sahib çıxması lazımdır.

Əhli Kitab üçün şəfqət, mərhəmət çox mühüm mövzudur. Bu Rəsulullah (s.ə.v)-in əxlaqıdır, Quranın bizə əmridir.

Cəhənnəmin xüsusiyyəti budur; yerdə od qaynayar, insanlar meymun kimi, başları arxaya çevrilmiş, kiminin üzü, sifəti silinmiş vəziyyətdədir.

Cənabı Allah həm şükür, həm də sevilməyi gözləyir.

İNSAN DÜNYAYA BAĞLANDIQDA ÇOX ACI ÇƏKİR. DÜNYAYA BAĞLANMADIQDA İSƏ ALLAHI İSTƏYİR. Çünki Cənabı Allah əslində Özünün sevilməsini istəyir.

İnsan çox nəzakətli varlıqdır. Allah insan üçün; "zəif yaradıldı" deyir. Qadın olsun, kişi olsun fiziki olaraq da, ruhən də zəifdir. Tez təsirlənər, kədərlənər, tez yorula, xəstələnə bilər. İmtahan üçün Allah elə yaratmışdır. Yəni bunlar dünyanın sevilməməsi üçündür .

Bir gənc qızın gün ərzində ən az yarım saat, bir saat idman etməsi lazımdır. Özünəbaxımın çox yaxşı olması lazımdır. Qız uşağına çiçəyə qulluq etdiyin kimi baxmalısan, əks halda solarlar, çox zərifdilər.

Hər yer gözəl, keyfiyyətli, gül kimi olacaq. Kəndləri, qəsəbələri gözəlləşdirəcəyik. Avropanı, Yəhudiləri, Xristianları, Massonları, hər birisin bağrımıza basacağıq. Hər biri Məhəmmədi olacaq.

Dünyəvi, demokratik bir sistem olduğu kimi, əsli ilə meydana gələcək, inşAllah. Təzyiqlərə məruz qalma, şiddət dövrü bitəcək, inşAllah.

Hər biriniz Allahın görünüşü, təcəllisisiniz. İndi kimsə "mən Allahı deyil, sizi sevirəm" desə, bu, çox böyük alçaqlıq, tərbiyəsizlik, vicdansızlıq, nankorluq və axmaqlıq olar. Allah yaratmasa sən bir şeyi necə görə bilərsən? Görsən də onu kim sevdirəcək sənə? Əlbəttə ki, Allah sevdirəcək.