Adnan Oktar A9 TV; 14 oktyabr 2013

Çiçəyə desək ki, "niyə bəzəklisən? Niyə rənglisən? Niyə rəngarəngsən? Niyə bu qədər gözəl qoxulusan?" bu nə qədər məntiqli olar? Qadından da "niyə bu qədər gözəlsən?"―deyə soruşulmaz. Çirkin olmalıdır? Təbii ki, qadınlar gözəl olmalıdırlar.

Qadınlar olduqca nəzakətli, zərifdirlər. Qadınlar güldür. Necə ki, bağçadakı qərənfilə qulluq edilər, diqqət yetirilər. Qulluq edilmədikdə dərhal solar. Qadın da elədir. Qadınların hər şeyinə diqqət yetirilməlidir. Qadınların ruhən və bədən cəhətdən mükəmməl olmaları üçün, onlara çiçəkdən də çox diqqət yetirmək, hörmət etmək lazımdır.

Xanımlar dekoltəni xoşlayarlar. Bəyənilməyi, gözəlliyinin təqdir edilməsini, bəzəkli olmağı xoşlayırlar. Qadınlar dünyanın bəzəyidirlər.

Qadınlara hörmət edilməlidir. Hər qadın öz şərəfini, namusunu necə qoruyacağını, necə geyinəcəyini çox yaxşı bilir.

Xanımlar başını, qolunu açsa xoşagəlməz hadisələr baş verər. Yox, cazibədarmış... Əgər bir insanın niyyəti xəstədirsə, ruhunda bir pozğunluq varsa, iradəsizdirsə onun üçün qadının örtülü olub olmaması fərq etməz. Uşaq olması da, qadın olması da, kişi olması da fərq etmir. Bu iman, inanc, xarakter məsələsidir.

Qadınlar azad yaşamaq istəyirlər. Onlara təzyiq göstərilməməsinin vurğulanması çox əhəmiyyətlidir. Çünki kişilər dünyanın hər tərəfində azaddırlar. Heç kim onlara qarışmır.

Qadın Allahın dünyada yaratdığı ən böyük nemətdir. Qadın axirətdə də Allahın təcəllisindən sonra ən böyük nemət və gözəllikdir. İnsanın ruhuna xitab edən ən gözəl nemətdir. Qadınlar üçün kişi, kişilər üçün də qadın böyük nemətdir.

Hz. Mehdi (ə.s) qadınlara dəyər verməyi qəbul etdirəcək. İnsanlara qadınların dəyərini bilməyi göstərəcək.

Xanımların üzərindəki təzyiq qorxunc bir məntiqdir. Dekoltə geyinsə günah sayılır, baş örtüsü istifadə edir günah sayılır, çarşab geyinir bu da günah sayılır. Nə etsə günah sayılır. Bu da mehdiyyət dövründə aradan qalxacaq bəlalardan, xəstəliklərdən biridir.

Xanımlar azad olmalıdırlar. Yəni kişilər xanımlara yol göstərməməli, ağıl verməməlidir. Əgər ağıl vermək lazımdırsa, xanımlar bəylərə ağıl verərlər. Yəni kişilər qadınlara bu mövzuda hörmət etsinlər.

Xanımları idarə etmə siyasəti və üslubu, yəni zahirən bu üslub bir qədər qıcıqlandırıcı və narahatdır. Xanımlar xeyli ağıllı, çox mədəni, keyfiyyətlidirlər. Allah insanları: kişiləri və qadınları bərabər yaratmışdır və hər cəhətdən eyni hüquqa malikdirlər.

Xanımların heç bir işinə qarışılmamalı, daim yaxşı mənada seçilməlidirlər. Qadınları hər yerdə keyfiyyətli, təmiz, baxımlı görəcəyik.

Kişilərin qadınlar üzərindəki müdaxiləsi aradan qalxmalıdır. Həqiqətən də bu, çox utandırıcı bir şeydir. Yüz ilin eyibidir. İnsanlar bu bəladan qurtulmalıdırlar. Xanımlar yetərincə azad olmalıdırlar. İstədikləri kimi geyinəcək, danışacaq, gəzəcək.

Xanımların makiyajlarına, paltarlarına müdaxilə hörmətsizlikdir. Fikirlərinə hörmət edilməsi lazımdır.

Quran əxlaqını mənimsəyən, Allahı sevən, Allahın ən mükəmməl təcəllisi olan, qadınları da çox sevər. Amma qadın, ruhu ilə gözəl olar. Ruh və bədəndir. Qadın həm cismani, həm ruhani mükəmməl bir varlıqdır.

Qadındakı sənəti, Allahın gözəlliyinin təcəllisini görə bilməyən insan sənətdən uzaqlaşıb, sənət gücünü itirmişdir. Yəni o, hansı gözəlliyi görə bilər? Çiçəyin gözəlliyini, mənzərənin gözəlliyini necə görsün? Biri qadının gözəlliyini görə bilmirsə, demək ki, onda heç bir şey yoxdur.

Qadınsız dünya, cənnət olmaz. Dünya qadınla gözəldir. Cənnət də qadınla gözəldir. Dünyadakı ən gözəl varlıq qadındır. Cənnətdəki ən böyük gözəllik, yəni Allahın varlığının xaricində, Allahın təcəllisi olaraq ən gözəli yenə qadındır, inşaAllah.

Qadın sevgisi yoxdursa sənət də yoxdur. Yəni qadın sevgisi sənət ruhunun əsasıdır. Çox vacib bir nöqtədir. Dünyanın ən gözəl varlığı qadındır.

Qadınları doğru yola gətirməyə çalışmaq düzgün yanaşma deyil. Qadını düz yola gətirmək kiminsə vəzifəsi deyil. Qadınlar son dərəcə qürurlu, şərəfli, ağıllı varlıqlardır. Quranı da çox yaxşı anlayırlar. Qoyun, özləri qərar versinlər.

Qadınlara xüsusi hörmət göstərmək lazımdır, qorumaq lazımdır. Qadınlar çox böyük nemətdir. Dünyadakı cismi ilə ruhu birləşmiş olaraq ən böyük nemət qadındır. Bundan üstünü yoxdur.

Qadın azadlığı bir iqtidar üçün ən vacib mövzulardan biridir. Qadınların təzyiq altında olduğu sistemdə hər kəs narahat olur və qadını əzən sistem mütləq məhv olar. Misirdə də bu həqiqət göz önündə saxlanılmalıdır.

Ənənəvi İslam anlayışının o qatı dinçiliyi boğucudur. Elə bir sistemdə yaşanıla bilməz. Qadınların alçaldıldığı, ikinci sinif olaraq görüldüyü, böyük bir təzyiq sisteminin olduğu bir üsul―bu din deyil.

Qadınlar çox həssasdır, çox tez ürəkləri qırılar. Çox tez kədərlənə bilər, vəsvəsə edə bilər. Çox diqqətlə qayğı göstərmək lazımdır. Məsələn, üzündəki ən kiçik soyuqluq belə onu təhqir edə, narahat edə bilər.

Qadınlar həyat yoldaşlarına Allahın əmanətidir. Övladın kimi, eyni zamanda, anan kimi qoruyacaqsan. 3 yaşındakı uşağa necə qayğı göstərirsənsə, ona qarşı da elə olacaqsan.

Dünyanın ən gözəl varlıqları qadınlardır. Allahın “Rəhman və Rəhim”, “Lətif” adının təcəlliləridir. Qadınlar çox estetik, gözəl varlıqlardır. Şəfqətləri, mərhəmətləri, təmizlikləri, ağılları gözəldir.