Adnan Oktar A9 TV; 7 yanvar 2017

Quranda qadının döyülməsi ilə bağlı hökm yoxdur. Bu, Qurana və İslama böhtandır.

Qadınlara ağlasığmaz təzyiq göstərildiyi bir din İslam ola bilməz. Qadınları küçəyə çıxartmır, gülmələrinə icazə vermir, 99%-i cəhənnəmə gedəcək deyirlər. Allahın qullarını əzsən, Allah da səni əzər. Qadınları əzən anlayış İslam deyil. Şirk dinidir. İslamda belə zülm yoxdur.

Din ənənəpərəst müsəlmanların göstərdiyi kimi çətin deyil, asandır. Şirkə alışanlar dinin asan olduğunu gördükdə heyrətlənirlər. (Həcc surəsi, 78: Allah üçün lazım olduğu kimi mübarizə aparın. O, sizi seçmiş və dində sizin üçün heç bir çətinlik yaratmamışdır, atanız İbrahimin dini(ində olduğu kimi). O (Allah) bundan daha əvvəl də, bunda (Quranda) da sizi "müsəlmanlar" olaraq adlandırdı; elçi sizə şahid olsun, siz də insanlara şahid olasınız deyə. Artıq doğru-düzgün namazı qılın, zəkatı verin və Allaha sarılın, sizin mövlanız Odur. Budur, necə də gözəl mövla, necə də gözəl köməkçi.)

Allah Quranı insanların öyüd alması üçün asanlaşdırdığını bildirir. Şirk zehniyyətində olanlar isə Quran anlaşılmazdır deyə yalan söyləyirlər. (Qamər surəsi, 17: And olsun ki, Biz Quranı zikr (öyüd alıb düşünmək) üçün asanlaşdırdıq. Amma öyüd alıb düşünən vardırmı?)

Türkiyə müasir ölkədir. Hər düşüncəyə sahib insanın istədiyi kimi yaşaya bildiyi ölkədir. Bu mövzuda geriləmə olmasını qəbul etmərik.

İnsanların əksəriyyəti qadına hörmət göstərməyi bilmirlər. Qadın istədiyi kimi azad olmalıdır, amma hər kəs qüsursuz şəkildə hörmət göstərməlidir.

İncəsənət və estetika çatışmazlığı qarışıqlığa, bədbəxtliyə səbəb olar. Xalqın xoşbəxt olmamağı, incəsənət xadimlərinin və qadınların əzilməsi gərginliyə səbəb olar.

Qadınları namazdan, dəstəmazdan, İslamdan uzaq saxlamağı sanki mərifət zənn edirlər. Bu anlayış Peyğəmbərimiz (s.ə.v) dövründə yox idi, müşriklər yaratdı. Əvvəlcə qadınları namazdan, dəstəmazdan uzaq saxlamış, sonra da qadınların dini yarımçıqdır deyə cəhənnəmə gedəcəklər demişlər. Bu, şirk zehniyyətidir.

Yol, körpü, bənd inşa edilməsi, incəsənət və azadlıq olmadıqda əksik qalır. Bütün küçələrdə incəsənət olmalıdır, qadınlara azadlıq olmalıdır. İncəsənət və Keyfiyyət Nazirliyinin yaradılması çox mühüm məsələdir. Bu, Türkiyənin mövzuya verdiyi əhəmiyyəti göstərər. Bir addım atılsa arxası gələr.

Qadınlara azadlıq verilməsə, halallar haram edilsə İslam Birliyi yaranmaz. Qadınların əzildiyi quruluşu Allah müvəffəq etməz. İslam Birliyinin açarı qadınlardır. Qadınların xoşbəxt və azad olduğu cəmiyyət yaradacağına söz versən Allah İslam Birliyini yaradar.

Şirk dinini İslam deyə tanımış olanlar Qurandakı İslamla qarşılaşdıqda heyrətlənirlər. Quran İslamı gözəllikdir, sevgidir, sevincdir.

Qadınların əzildiyi hər cəmiyyət dağılar. Qadınlar azad olmalıdır. Hər cür azadlığı təkcə kişilərin haqqı kimi görmək vicdani deyil. Qadınların qiymətini bilməmək insanlar üçün fəlakətdir. Qadının necə gözəl nemət olduğunu görə bilməmək o insan üçün bəladır.

Qadınların üzərində böyük təzyiq olur. Mütləq şəkildə qadınlara necə yaşayacaqlarını öyrətmək istəyirlər. Qadınlar vicdanları ilə nə edəcəklərini bilərlər.

Qurana iman gətirən Quran ayələri ilə yaşayar. Quranın hökmlərindən başqa hökmlərə görə hərəkət edənlərin ortaya qoyduğu şirk dinidir.

Bəziləri öz məntiqlərinə görə kişilərə hər şeyi haqq, qadınlara hər şeyi qadağa hesab edirlər. Qadınların mütləq surətdə baxımsız, çirkin olmasını istəyirlər. Qadına şiddət tətbiq edir, hətta şəhid edir “sevdiyim üçün etdim” deyirlər. Qadını istəmədiyi həyatı yaşamağa məcbur etmək çox böyük zülmdür.

Qadınların azad ola bilmədiyi, gülə bilmədiyi, küçəyə çıxa bilmədiyi, şən ola bilmədiyi cəmiyyətlər çökər. Allah qullarına zülm edilməsinə icazə verməz. Qadın istədiyi kimi gülməli, əylənməlidir. Kişilərə əyləncəni, sevinci haqq görüb qadınlara görməmək olmaz. Qadınlar vicdanı ilə doğrunu bilər.

Qadınların əzildiyi, təzyiq altına alındığı cəmiyyətə Allah bərəkət verməz. Allah zülmə razı olmaz.

Qadınları potensial günahkar, nə edərsə təhlükəli olan, baxımsız, diqqətsiz varlıqlar halına gətirməyə çalışırlar. Qadınları bu qədər təzyiq altına salmaq, qadın gözəlliyini aradan qaldırmağa çalışmaq bir müddət sonra homoseksuallığın yayılmasına səbəb olur. Qadını bəyənmək, qadın gözəlliyindən xoşlanmaq anormal deyil. Bu, fitrətə uyğun olandır. Fitrəti pozduqda azğınlıq yayılır. Allahın haram etdiyi qeyri-qanuni cinsi əlaqədir. Qadının gözəl, baxımlı və cazibəli olması deyil.

Musiqiyə, heykələ, rəsmə, dekolteyə, gözəlliyə qarşı o qədər qarşıdırlar ki, heç cür nemətləri qəbul edə bilmirlər. Məkkəli müşriklər də belə idi. Əyləncəni, baxımlı olmağı, azadlığı özləri üçün haqq hesab edir, lakin qadınların da haqqı olduğunu heç cür qəbul edə bilmirdilər.

Səmimi mömin, yaxşı insan əsla çirkin olmaz. Allah onu mütləq gözəlləşdirər.

Pişiklər sevgini çox gözəl bilən çox fövqəladə varlıqlardır. İnsanlar pişiklərin şirinliyini və qiymətini hələ yeni-yeni anlayır.

Bizim israrla gündəmdə saxlamağımızdan sonra bütün ziyalılarımız, siyasətçilərimiz, yazıçılarımız İngiltərə dərin dövlətinin üst ağıl olduğunu söyləyir.

Müsəlman əxlaqi cəhətdən çökmüş, nifrətə qərq olmuş, korlanmış insanları xilas etməyi hədəfləyər. Onların qurtulması üçün səy göstərmək ibadətdir. Müsəlman birinci növbədə müsəlmana deyil, İslamı heç tanımayan, şeytanın təsirinə qapılmış insanlara təbliğ edər. Bizim əsil təbliğimiz bu kütləyədir.

İngiltərə dərin dövləti dünya miqyasında dəstəkləmədən heç bir terror təşkilatı yaradıla bilməz, yaşaya bilməz. İŞİD-i yaradan da İngiltərə dərin dövlətidir. İngiltərə dərin dövləti bu gün PKK-ya çəkilin desə, PKK dərhal çəkilər. Heç bir fəaliyyəti qalmaz. Dərin dövlətin dəstəyi ilə fəaliyyət göstərirlər.

Bir çox müsəlman meyhanədəkı insana, klubdakı insana təbliğ etməz. Lakin biz edərik. Bu insanların üzünə qapını örtmək olmaz, biz onlar üçün zəhmət çəkəcəyik. Rəsulullah (s.ə.v) də Ukaz bazarında dindən ən çox uzaq kəslərin arasında təbliğ edirdi. Biz də İslamdan ən uzaq insanlara təbliğ edəcəyik.