Adnan Oktar A9 TV; 25 mart 2015

Siyasət aləmi tam fərqli bir şeydir. Çox insafsız, çox mərhəmətsiz bir sistemdir. Məsələn, ən yaxşı insanı həmin dəqiqə satan, fövqəladə bir rəqabət ruhu tələb edən, çətin mübarizələr tələb edən bir vəziyyətdir.

Siyasət mürəkkəbdir. İslam Birliyi ilə maraqlanan insan siyasətdən baş aça bilməz. Amma siyasətə ağıllı surətdə uzaqdan istiqamət verilə bilər.

Siyasət öz daxilində çox mərhəmətsizdir. Asan iş deyil. Ona görə də İslamı yaymağa səy göstərən insanların edəcəkləri şey; iman həqiqətlərini izah etmək, Quran möcüzələrini izah etmək, imanı gücləndirmək, öz imanını gücləndirmək, şövqünü artırmaqdır. Yoxsa bu cür şeylərin öhdəsindən gələ bilməz.

İslam siyasətlə hakim olmaz. Quran möcüzələrini ortaya çıxarıb izah etmək, iman həqiqətlərini izah etmək, imanlı, güclü insanları nümunə kimi göstərmək, Allah sevgisini yaymaq. Bunlar üçün çalışmaq lazımdır.

Yaxşı niyyətli, təmiz qəlbli bir qadın çox gözəl olur. İçi şeytanlıqla dolu olduqda, üzü çox çirkin olur, ağlı da itir. Mənfur olurlar.

Siyasət böyük bir bəla dənizi kimidir. Siyasət aləmi çox qaranlıqdır. Eqoist və xudbin bir quruluş vardır. Üsulları mərhəmətsizdir. Vəfa və sədaqət yoxdur.

Qadın Quranda əziz tutulmuşdur. Qadın ayələrdə təriflənilir, ucaldılır və qorunur. "Qadın yarımçıq varlıqdır" deyənlər, tam fərqli bir düşüncəyə sahibdirlər, bu mövzuda Qurana tabe olmurlar.

Ənənəvi ortodoks İslam, qadını yarım insan hesab edir. Halbuki qadın və kişi bərabərdir. Allah bu həqiqəti bir çox ayədə bildirir.

Qadın üstün varlıqdır, gözəl varlıqdır. Allah qadın və kişini bərabər yaratmışdır, amma qadın mötəbər varlıqdır.

Zəka qadına çox yaraşır. Yəni gözündəki o ağıllı ifadə. Məsələn, mənasız, quş kimi baxan bir qadının, təəssüf ki, bütün ehtişamı, bütün heybəti getmiş olur. Əgər həqiqətən bir problemi yoxdursa, özünü bu hala gətirməsi çox böyük bir ağılsızlıq olar.

Ümumiyyətlə, tarix boyu dünyanı qadınlar üçün cəhənnəm mühitinə çevirmişdilər. Qadın olaraq dünyaya gəldiyi təqdirdə əylənmə, istədiyi kimi geyinmə, bəzənmə imkanı yoxdur, sevib-sevilmə hüququ yoxdur, sevinməsi qadağandır, hər şey qadağandır. Buraxın əylənsinlər, şən olsunlar, istədikləri kimi geyinsinlər. Artıq yaxalarından əl çəkin, imkan verin hüzurlu yaşasınlar.

Bir gənc qız dərin imanı, sevgisi və nuraniliyi ilə yaşamış olsa, sağlamlıq, səhhət, ağıllı bir yetişdirilmə tərziylə yetişdirilmiş olsa bənövşələr kimi çox canlı və çox gözəl olar. Amma bunu etmirlər. "İmansız olsam nə olar?" deyir. Mənəvi cəhətdən ölür. Mənəvi cəhətdən öldükdə fiziki olaraq da ölür.

Xanımların əylənməsini qadağan etmək dünyadakı mühüm bir gözəlliyi kökündən qopartmaqdır. Dünyanın ən mühüm bəzəyi qadındır. Qadın əylənirsə, xoşbəxtdirsə, şənlənirsə, gözəlliyini nümayiş etdirə bilirsə gözəl olar.

Türkiyə müasir bir ölkə olduğunu yaxşı şəkildə vurğulamalıdır. Qadın hüquqlarını olduqca yaxşı şəkildə qoruyan, sənəti, gözəlliyi, estetikanı, elmi müdafiə edən demokratik bir ölkə olduğumuzun yaxşı şəkildə vurğulanması lazımdır. Qatı dinçiliyə meyilli bir ölkə şəkli meydana gəldi. Bunu tamamilə aradan qaldırmalıyıq.

Qadının hər yerdə ən azı kişilər qədər güc və say etibarilə çox olması, AK Partiyası tərəfindən dəstəklənilməlidir. Məsələn, məclisdəkilərin ən azı yarısı qadın olsun. Dövlət idarələrində işləyənlərin ən azı yarıya qədəri qadın olmalı və qadınlara üstünlük verilməlidir.

Əvvəla əxlaq xüsusiyyəti olaraq, qız uşaqlarına hər yerdə sahib çıxılmalıdır, hər yerdə insanlar onları sevməlidir. Qəribə bir vəhşilik yaşanmağa davam edir. Onların xoşbəxt olması, dünyanın xoşbəxt olması deməkdir. Onların sevilməsi, dünyanın sevilməsi deməkdir. Onlar xoşbəxt olmadıqca, dünya da xoşbəxt olmur.

Dövlət mehdiyyətə var gücüylə sahib çıxmalıdır. Çünki mehdiyyətdə dövlətə müdaxilə yoxdur. Birincisi mehdiyyət siyasətə qarışmaz, ikincisi bütün İslam aləmini və bütün Türk aləmini birləşdirici mahiyyəti var, üçüncüsü isə, mövhumatçılığa qarşı, müasirliyi mümkün qədər təşviq edən sistemdir və parçalanmanı tamamilə aradan qaldıran sistemdir. Bu dövlət üçün çox idealdır.

Din siyasətə xidmət etməz, siyasət dinə xidmət edər. Biz siyasəti dinə xidmət etdiririk. Siyasət yalnız bir xidmətçidir. Din Allahın qanunudur. İstəsə də, istəməsə də hər kəs dinə xidmət edər.

İslamda vəfa, sədaqət vardır. Amma siyasətdə bu yoxdur. Mehdiyyət dövründə bu tamamilə düzələcəkdir. Vəfa da, sədaqət də, şəfqət də olacaqdır. İnsanlar dəyərsiz olmaz, insanların qədir-qiyməti çox yaxşı bilinər.

Siyasətdə vəfa olmaz. Vəhşi kapitalizmin ruhu siyasətə tam hakimdir. Siyasətdə dəstək olmaq körpünü keçənə kimi olar. Körpünü keçdikdən sonra səni tanımaz. Dostluğu da, vəfanı da, yoldaşlığı da, qardaşlığı da unudar.

Siyasət deyilərkən ilk öncə ağıla sevgi, məhəbbət gəlməlidir. Siyasət sevginin əmrində olmalıdır. Siyasət sevgiyə xidmət etməlidir. Mehdiyyət dövründə siyasət eşqin, sevginin qaynağı olacaq. Siyasət eşqi, sevgini əldə etmək üçün istifadə ediləcəkdir, inşaAllah.

Mehdiyyətin xüsusiyyəti, güclü inanc sistemi üzərinə qurulmasıdır. Yıxılmamasının da səbəbi budur. Güclü bir iman zəmini üzərinə siyasət qurmaq lazımdır. Unutmamaq lazımdır ki, güclü siyasi manevrin heç bir dəyəri yoxdur. Güclü siyasi manevrlər üzərinə qurulmuş sistemlər mütləq yıxılar, müvəffəqiyyətsiz olar. Bunu unutmaq olmaz.

Türkiyənin və bölgələrinin otuz il sonrasını düşünərək ona uyğun plan qurulması lazımdır. Bu sistem güclü inanc üzərinə qurulmasa, müvəffəqiyyətli siyasi manevrlər üzərinə qurulsa, müvəffəqiyyətli siyasi manevrlər bir müddət sonra tam tərsinə dönə bilər.

Darvinin təkamül nəzəriyyəsinin əsassızlığı elmi dəlillərlə hər yerdə izah olunmadan, darvinizm dağılmadan kommunizm dağılmaz.