Adnan Oktar A9 TV; 10 oktyabr 2016

Din olması üçün səmimiyyət olmalıdır. Bunun üçün də dinsizliyin fəlsəfəsi olan darvinizmə elmi yolla cavab vermək lazımdır.

Quranı doğru təfsir etmək və Qurana tam tabe olmaq üçün ərəbcə bilmək şərt deyil. Ərəbcə bilmək şərt olsaydı, milyonlarla ərəb ən yaxşısı olardı. Mühüm olan səmimi və dərin imandır. Bu da iman həqiqətləriylə, qəlb və ağlın imanı ilə mümkündür.

Quran tam yaşanmış olsa kasıblıq, yoxsulluq olmaz. Müsəlman ehtiyacdan artıq qalanı Allah rizası üçün xərcləməklə məsuldur.

İslam aləmini parça-parça olmaqdan, şirkdən Mehdiyyət xilas edəcək. Mehdiyyət bunu Quranla edəcək. Mehdi Quran tələbəsi olacaq.

Qurana tabe olmayan insanı Allah tənha qoyar.

İslama, Qurana nalayiq sözlər edənləri Allah tək-tənha qoyar, bəziləri Allahın qarşılıq verəcəyini, gücünü heç düşünmür.

Dini insanın fitrətinə zidd, haşa qarışıq və ürküdücü kimi insanlara təqdim edirdilər. Dinin ağla, məntiqə, fitrətə uyğun olduğunu açıq izah etdik. Dinin gözəlliyini bilavasitə yaşadığımız həyatla bütün insanlara göstərdik. Xurafatın olmadığı, ağlın və məntiqin hakim olduğu dini göstərdik. Dinin asan olduğunu, sevginin dində hakim olduğunu yaşayaraq bütün insanlara göstərdik.

Şirk, Allaha hörmətdə qüsur işləməyə cürət etməkdir. Hər şeyi Allahın etdiyini bildiyi halda, haşa Allah etməmiş kimi davranmaq çox çirkindir. Şirk sevgiyə hücum olduğu üçün Allah istəmir. Şirk çox böyük ağılsızlıqdır. Allah min bir gözəlliklə bitkiləri, meyvələri, heyvanları yaradır, "yox bunlar təsadüflə yarandı" deyirlər. Bu sevgiyə çox böyük hücumdur.

Quranda yalnız qanuni nəfsi müdafiə etməyə dair hökm var. Şiddətə dair heç bir hökm yoxdur.

Şirkə sürükləndiyini hiss etdiyin vaxt dərhal Allaha sığınmalısan. Qısa müddət də olsa Allah ilə əlaqənin kəsilməsi Allahın xoşuna gəlməz.

Din ağıl və dərinlik tələb edir. Darvinist materialist təhsillə insanlar imandan uzaqlaşdırılır. Məscidlərin dolması üçün güclü iman lazımdır.

Mənim dostlarım qeyd-şərtsiz Allaha və Qurana tabedir. Müsəlmanın həyatı Qurandır. Biz hər kəsi Qurana dəvət edirik.

İslama, Qurana baxarkən həmişə xeyir gözüylə baxmaq lazımdır. Həmişə Allahdan yana düşünmək lazımdır.

Dini haşa ehkam və adət kimi görüb Qərbin Mövlana fəlsəfəsi ilə uzlaşacağını söyləmək çox yanlış məntiqdir. Rumiliyi sevmələrinin səbəbi İngiltərə dərin dövlətinin İslamsız, Quransız bir müsəlmanlıq yaratmaq istəməsi, rumiliyi də buna uyğun görməsidir.

Din hər yerdə var. Yeməkdə, əyləncədə, idmanda, çimərlikdə hər yerdə din var. Allah hər yerdə bizimlə birlikdədir.

Çimərliyə gedildiyi zaman dinlə əlaqənin kəsilməsinə inanırlar. Din hər yerdədir. Həyatın hər anında din var.

Din ictimai həyatı cənnətə döndərər. Hamilik sistemi var. Hər kəs hər kəsin anası, atası, qardaşı kimidir, hər kəs başqasına kömək etməklə məsuldur.

Allah dini həm zövqlü, həm də insan fitrətinə uyğun şəkildə yaradıb. Dinsiz həyat cəhənnəm kimidir. Lakin bəziləri dini cəhənnəmə döndərmək istəyir.

Allah adından hökm vermək, Allah adından yeni halallar və haramlar yaratmaq şirkdir, buna görə də mövhumatçılar müşrikdir.

Müsəlmanları şirk zehniyyətindən qəti olaraq mehdiyyət xilas edəcək.

İslam adından sevgisiz, zorakılığa əsaslanan bir dünya modelini müdafiə edənlər İslamı deyil, müşrik sistemi müdafiə edirlər. Müşrik sistem ilə İslam eyni deyil.

Dəccal dindarlıq iddiası, şirk dini və xurafatlarla ortaya çıxar. Dəccalın təqdim etdiyi xurafat dini marksizm kimi, darvinizm kimi tiryək təsiri göstərər.

Şirk dinini İslam deyə tanımış olanlar Qurandakı İslamla qarşılaşdıqda heyrətlənirlər. Quran İslamı gözəllikdir, sevgidir, sevincdir.

Keçmiş dövrlərdən qalmış sevgisiz, xalqa yuxarıdan aşağı baxan, soyuq zehniyyət var. Bu cür düşünən insanların demək olar ki, heç sevənləri olmur.

Putin dəliqanlı insandır. Türkiyənin Rusiya ilə ittifaq etməsi əhəmiyyətlidir. Bölgədə İran, Türkiyə, Rusiya və Azərbaycan ittifaqı çox gözəl olar.