Adnan Oktar A9 TV; 11 avqust 2013

Biz müasir İslamı, səhabə dövrü İslamını müdafiə edirik, amma Ortodoks müsəlmanların da, Ortodoks yəhudilərin də rahat yaşamalarını istəyirik. Onları üzmək çox böyük acı olar.

İslam aləmində demokratiya Mehdi dövründə olacaq. Çünki Ortodoks İslam inancı demokratiyaya icazə vermir.

Səhabə İslamı həm çox asan, həm çox keyfiyyətli, sadə və mükəmməldir.

İslam nəzakətdir, təmizlikdir, keyfiyyətdir. İslam deyilincə dünyanın ən keyfiyyətli, mədəni insanları ağla gəlməlidir.

Qatı dinçilərin düşüncəsi çox böyük bir təhlükədir və uçqun kimi də yayılır. ABŞ və Avropa bunu hələ anlamadılar.

Qatı dinçiliklə İslam fərqli-fərqli anlayışlardır. Qatı dinçilik İslamı yox etmək üçün şeytan tərəfindən ortaya çıxarılmış zülm sistemidir. Müşrik qadınlar və müşrik kişilərdən ibarət olan bir birlikdir. Qurana tabe olan "Quran müsəlmanı" həqiqi müsəlmandır.

Misirdə Mursi tərəfdarları müasir İslam, səhabə İslam anlayışını üzə çıxara bilsələr fərahlıq olacaq.

CHP bir ovuc kommunistin təlqin və tövsiyələrinə məhəl qoymasın, xalqın ümumi meyli nədirsə onunla uyğunlaşsın. Müasir, mehriban, Atatürkçü cəhətləri ilə güclü olan iqtidara gəlsin, inşaAllah.

Keyfiyyət daim artırılmalıdır. Bir insan "mükəmmələm", "çox yaxşıyam" deyə bilməz. Hər şeydə keyfiyyət, azadlıq insanın içini açar. İnsanlar müasir insanı sevirlər.

Mənim Tayyib bəyə tövsiyəm odur ki, müasir həyat tərzinə, müasir insanlara, müasirliyə dəstəyini açıq şəkildə göstərsin. Çünki bütün Avropa, Amerika müasirdir. Müasirliyi dünyanın hər yerində sevirlər.

Fənərbaxça, Beşikdaş, Qalatasaray tərəfdarları ―onlar da bir-birlərini çox sevsinlər. Döyməyə, söyməyə, kəsməyə, asmağa, təhqirə nə ehtiyac var? Bu dəhşət iman zəifliyindən qaynaqlanır. Futbol komandası tərəfdarlarına sevgi, mərhəmət, şəfqət baxımından təhsil vermələri lazımdır. Hər yerdə xüsusi söhbətlər təşkil edilməlidir. “Sevgi günləri” adlı gün təşkil etmək lazımdır. Bir-birilərinə isinmələri üçün yığıncaqlar təşkil etmək lazımdır.

Ələvilər Mehdi (ə.s) aşiqidir, Əhli-beyt aşiqidir, hz. Əli (r.ə) aşiqidirlər. Bərabərliyi, birliyi müdafiə edərlər. Qatı dinçiliyə qarşıdırlar. Sünnilərin bəziləri çox xurafatçı və sevgisizdirlər. Aralarında yaxşıları da vardır. Əsas məsələ, Qurana bağlı mehdiyyət təhsilidir. Səhabə İslamının izah edilməsidir. Şəfqət, mərhəmət, məhəbbət anlayışının inkişaf etdirilməsidir.

Terrora, anarxiyaya qarşı ən gözəl həll səhabə İslamıdır. Yəhudiliyin, xristianlığın da rahat hərəkət edə biləcəyi sistem budur.

Dünyada ən təsirli, müasir, dəqiq İslam anlayışı, bizim tərəfimizdən izah edilir. Mövzunu uzatmadan birbaşa açıqlayırıq.

İnşaAllah hər kəsin qardaş olacağı, sülhün hakim olacağı, zalımların təsirini itirəcəyi, bütün döyüşlərin, anarxiyanın, terrorun dayanacağı, sevginin, hörmətin, yaxşılığın, gözəlliyin, bərəkətin, müasirliyin, elmin, demokratiyanın hakim olacağı dövrdəyik.

Əsl müasirlik sevinc dolu bir cəmiyyətdir. Yəni bu tərbiyədə olan, soyuq cəmiyyət deyil, şən, sevincli, keyfiyyətli, həyat dolu bir cəmiyyət dövlətin, hökumətin hədəfi olmalıdır. Buna görə də Keyfiyyət Nazirliyinin yaradılması vacibdir.

Beşikdaş, Fənərbaxça, Qalatasaray gəncliyi Türkiyə üçün aktiv bir gücdür. Yəni, dünyanı hərəkətə gətirəcək güclərdir. Vətənə, millətə, bayrağa sədaqətdə, Türkiyənin bölünməzliyini müdafiədə əsaslı bir gücdür.

Qatı dinçi fikirli və soyuq cəmiyyət yox, müasir və həyat eşqi ilə dolu bir cəmiyyət gözəldir.

Suriyada, İraqda, Yəməndə, Liviyada aclıqdan, xəstəlikdən vəfat edən yüzlərlə insan var. Darvinizmə, materializmə qarşı elmi mübarizə aparmaq, Quran möcüzələrini izah etmək, Quran paylamaq, insanların ehtiyaclarını ödəmək, İslama böyük xidmətlər göstərmək imkanı olduğu halda, zəngin müsəlman ölkələrin futbol komandalarına yüklü miqdarda pullar xərcləməsi vicdana uyğun deyil.

Xristianlar, yəhudilər dünyanın hər yerində əzilirlər. Onlara sahib çıxmaq, sevgi, şəfqət göstərmək savab olar, bərəkət gətirər, inşaAllah.

Amerikanın qoçuluq edəcək gücü yoxdur. Amerikanın qurtuluşu Məhəmmədi-xristianlıqda, mehdiyyəti istəməkdədir. Rusiyada da belədir, Məhəmmədi-xristianlıq, İslam yayılsa ölkə cənnətə dönər.

İslam Birliyi olmadıqca, mehdiyyət olmadıqca müsəlmanların boynu bükük olur.

Allahın "Həbibim" dediyi Peyğəmbərimiz (s.ə.v) ilə mübahisə etmək istəyənlər hətta, haşa, ona ağıl verməyə çalışanlar belə olurdu. Halbuki, vəhy alan bir peyğəmbərə itaətdən başqa bir rəftar göstərilməməlidir.

Tayyib bəyimizi diqqətlə qorumaq lazımdır. Əhəmiyyətli bir insandır, Allah ömrünə bərəkət versin.

Ölümü özündən uzaq görən insanların qəribə xüsusiyyətləri olur. Belə insanlar yalnız öz işi, ailəsi, yemək- içməyi kimi şeylərlə məşğul olurlar. Haqqı müdafiə etməkdə və izah etməkdə isə son dərəcə utancaq və qorxaq rəftar nümayiş etdirirlər. Halbuki, ölüm hər insana çox yaxındır. Buna görə də Allah üçün səmimi şəkildə səy göstərmək lazımdır.