Adnan Oktar A9 TV; 3 aprel 2014

Müsəlman ''Ya Rəbbim, mənə sonsuz sevgi, sonsuz səmimiyyət ver'' deyəcək. Eşqin sonu yoxdur. Çünki bura imtahan, yarış yeridir. Allah Quranda ''önə keçənlər'' deyir. Önə keçmək nə deməkdir? Təqvada önə keçmək, cəhd etmək, Allahın sevgisini qazanmaqdır.

Allaha dua et: "Ya Rəbbi, imanımı gücləndir. Sənə olan sevgimi artır" de. Elmi məlumat alarkən, öyrənərkən sıxılma, yorulma.

Allah bütün müsəlmanlara dua etməyin ləzzətini daddırsın.

Ev söhbətlərində dua etmək çox əhəmiyyətli bir məsələdir. Bir qardaşımızın dua etməsi, digərlərinin də ''Amin'' demələri lazımdır. Hər gün ya bizim kitablardan, ya da Qurandan ayə oxuyub, iman həqiqəti izah edib bunu yeniləmək lazımdır.

Allahı təriflədikcə, öydükcə, Allaha dua etdikcə ağıl durular, insanın beynindəki təzyiq aradan qalxar. Əks halda beyin keyiyər, qapanar. Ağıl gedər, insan dəli olar.

Möcüzələri həmişə yaşayırıq, düşünən fərqinə vara bilər. Allah düşünməyən insanlar üçün xüsusi tələ, yəni səbəb tələsi qurmuşdur. Səbəbin içində boğular və görə bilməz. Elə zənn edir ki, özü gəzir, oturur, yeyir, içir. Amma bütün bunları edən Allahdır. Bir yerə getmək istədiyi zaman Allah aparar.

İnsanın qolu ağrıyanda narahat olur. Dərhal dərmana əl atır. Bəs niyə dua etmirsən? Dua et, dərman vəsilədir, şəfanı dərman deyil, Allah verər və dərmanı vəsilə edər. Hər bir insan dərmanı Allahın yaratdığını bilməli, dərmanı feli dua olaraq istifadə etdiyini bilməli, dua etməlidir.

Dua Allah ilə əlaqə qurmaqdır. Ona görə də Allah Quranda duaya xüsusilə diqqət çəkir. Allah bəndələrinin Ona dua etməsini bəyənir, sevir. Çünki onunla bağlantı olur. Xristianlar da bu sirri bilib, dadını çıxarmışlar. Allah duaları qəbul edəndir. Bu çox əhəmiyyətli bir mövzudur.

Dua səmimi edilməlidir. Bunu xüsusi olaraq fikrini cəlb etməklə, səmimiyyət ruhu ilə əldə etmək lazımdır. Bir də çox uzun dua deyil, köklü, dərin və səmimi dua çox əhəmiyyətlidir. Səmimi olması lazımdır, inşaAllah.

Dua çox əhəmiyyətlidir. Əzaba dua mane olur. Müsəlmanın duaya ehtiyacı var. Məsələn, müsəlman deyəcəkdir: "Ya Rəbbi, məni gözəl danışdır". Yemək yeyərkən: "Ya Rəbbi, mənə bu yeməklərdən ləzzət almağı və bunlardan mənə şəfa nəsib et. Mənə həmd etməyi nəsib et" deyəcək.

Müsəlmanın özünü duaya verməsi lazımdır. Amma yorucu dua olmaz. Quranda dualara baxın. Peyğəmbərlərin duası həmişə qısadır. "Rəbbim elmimi artır" (Ta ha surəsi, 114)―bu qədər. Qısa, lakin bənzərsizdir. "Rəbbim məni doğru yoldan ayırma"―deyir. "Saleh əməllər görməyi nəsib et".

Baş nazirimizin ağzından nur axır, dua əksik olmur, həmişə xeyir sözlər çıxır, maşaAllah.

Qardaşlarımız kommunistlərə qarşı çox şəfqətli olsunlar. Onsuz da bir fəlakətin içinə düşüblər, yəni mərhəmətsiz davranmaq, nifrət etmək olmaz. Mərhəmətlə, şəfqətlə yaxınlaşmaq lazımdır. Xilas olmaları üçün dua edib, mehriban tərzdə İslamı, Quranı sevmələri üçün cəhd göstərmək lazımdır.

Səbəbə sarılmalısan. Günəşli havada biz kölgədə dururuq. Sən də kölgəyə çəkilməlisən. "Günəş məni yandırdı" demək əvəzinə susadığın zaman su iç, inşAllah.

Allah hər şeyi xeyirlə yaradar, xeyirlə hər iş bitmişdir. Biz səbəbə sarılmaq üçün tədbir alıb cəhd edirik.

PKK çox qəddar, mərhəmətsiz bir hərəkatdır. Xalq mülayim, sakit, sadə rəhbərlik edəcəklərini düşünür, elə bir şey yoxdur. Yəni qurd tələsinə insanların rahat düşmələri üçün, tələnin rahat işləməsi üçün PKK indi çox yumşaq davranır, amma kommunist rəhbərlik qurulduqdan sonra mərhəmətsiz, kəskin cəhətlərini ortaya çıxarar.

PKK siyasi istiqamətdən rəhbərliyi ələ keçirəndə, yəni kommunist rəhbərlik, proletariya diktatorluğu qurulanda müsəlmanların nicatlarını kəsərlər. Bir dənə də olsun məscid, came saxlamazlar. Dini əsərlər, dini kitablar və s. saxlamazlar.

PKK son zamanlarda, xüsusilə, Abdullah Öcalanın şərhlərindən sonra özünü dindar göstərməyə başladı. Bu çox təhlükəli bir taktikadır.

Müsəlmanlar arasında tərəf saxlayan kənarda qalar. Müsəlmanlar arasında tərəf saxlamaq haramdır.

Camaatla hökumətin arasını düzəltmək üçün cəhd göstərmək lazımdır. Aralarını düzəltmək fərzdir, Quranın əmri, Allahın əmridir. Allah "iki müsəlman birliyin bir-birləri ilə münaqişələri olsa, onların aralarını düzəldin" deyir. Buna görə biz belə bir şeydə tərəf saxlamayaq.

Bu millət, bu ölkə mübarəkdir. Allah millətimizi seçmişdir. Ölkə xeyirli bir ölkədir, millət xeyirli bir millətdir, məhkəmə xeyirli bir məhkəmədir. Hər şey gözəl olacaq. Bir neçə il sonra hər şey daha da xoş, daha da gözəl olacaq.

Müsəlmanı müsəlmana qarşı çevirmək deyil, müsəlmanı islah edib, səhvini düzəldib, onu faydalı şəkilə gətirmək lazımdır. Müsəlmanların ziyalısı da çox azdır. Əlimizdə olan ziyalını niyə əzək? Onu qazanaq. On əl bir yerə qoyulsa böyük birlik edər. O əlləri əzmək yanlış olar.

Belə bir həngamədə müsəlmanların bir-birini əzməyə çalışması, xüsusilə açıq müsəlman kütlələrin bir-birini qırmağa çalışması PKK layihəsi ola bilər. PKK-a qarşı, bölünməyə qarşı müqavimət göstərən hər ünsürün əzilməsi təlimatın hər hansı yerdən verildiyi deməkdir. Son dərəcə diqqətli olmaq lazımdır.

Allah insanların Ondan uzaqlaşmasına, Darvinizmə, materializmə meyl göstərmələrinə, materialist ruha düşmələrinə, xüsusilə də Qurandan uzaqlaşmalarına görə qadın gözəlliyini, qadın sevgisini dünyadan aldı.

Peyğəmbərimiz (s.ə.v) deyir: "Axırzamanda qadınlar kişiləşəcək". Eynilə baş verdi. Yaradılışı pozdular. Mehdiyyət dövründə qadınlar qadına bənzəyəcək, kişilər kişiyə bənzəyəcək, binalar bina kimi olacaq, sənət sənət kimi olacaq, musiqi musiqi kimi olacaq, hər şey öz qaydasına düşəcək və hər şey gözəlləşəcək, inşaAllah.