Adnan Oktar A9 TV; 9 dekabr 2016

Bir çox insan pişiklərdən belə nifrət edirdi. Qadınları, uşaqları, heyvanları sevməyi öyrətdik. Hər gün sevginin mühüm olduğunu söylədik.

40 ildir ki, istirahətə getmədim. Qar, qış, yay, isti, hər gün təbliğə davam etdim. Bunun əksini etməyi mənim vicdanım əsla qəbul etməz.

Mehdiyyəti az qala unutdururdular. Mehdiyyəti elmi sübutları ilə, bütün dəlilləri ilə izah etdik, Peyğəmbərimiz (s.ə.v)-in müjdəsini gündəmdə saxladıq.

Allah 300-dən artıq kitab yazmağımı, bu kitabların 70-dən çox dilə tərcümə edilməsini, yazılarımın onlarla qəzetdə dərc edilməsini nəsib etdi. Dünyaya aludə olanlarla birlikdə, dünyaya aludə olsaydıq həftənin bir günü söhbət etməyi kafi hesab edərdik. Lakin ömrümüzü həsr edərək çox geniş təbliğ apardıq. Darvinizmin fikri olaraq məğlub olmasını, İngiltərə dərin dövlətinin ifşa olmasını, mövhumatçılığın zərərsizləşdirilməsini Allah bizə nəsib etdi. Təhsilli, seçilən təbəqənin İslam ilə əlaqələri demək olar ki, kəsilmişdi, bu əlaqəni biz yenidən qurduq və onlar da İslama xidmət edən vəziyyətə gəldilər. Ələvi, şiə, musəvi, xristian düşmənçiliyinin aradan qaldırılması, İsrail ilə Türkiyənin barışması üçün biz səmərəli iş gördük.

Masonların qəlbinin İslama isinməsinə səbəb olduq. Mason lojalarında ilk dəfə Quran həqiqətlərindən bəhs edilməyə başlandı.

Bəziləri cənnəti heç düşünmür, cənnəti təkcə yaşıllıq yer kimi qavrayırdılar. Cənnətdə hər cür texnologiyanın, zənginliyin olduğunu izah etdik.

Evlənməməyimin səbəbi, bütün vaxtımdan, bütün ömrümdən Allah üçün, İslam üçün, təbliğ üçün istifadə edə bilməkdir.

Rusiya ilə Türkiyənin arasının düzəlməsinə, İsrailin Türkiyəyə kompensasiya ödəməyi qəbul etməsinə və sülhün təmin edilməsinə biz vəsilə olduq.

Mən Allahın aciz quluyam. Heç vaxt Mehdilik iddiam olmadı və olmayacaq.

İngiltərə dərin dövlətini ifşa edən, darvinizmin etibarsızlığını göstərən mənim əsərlərimdir. Nədən danışırıqsa sənədlə danışırıq.

Xəbərdarlıqlarımızdan sonra 200-dən çox ziyalı və yazıçımız İngiltərə dərin dövləti təhlükəsinə qarşı fikri olaraq qarşı çıxdı. Dünya səviyyəsində bu quruluş yox olacaq.

Sevgini bilməyən insanlara biz sahib çıxaq. Səbirlə, ayələrlə, sevgi ilə izah edərək Rəhmanın tərəfinə keçmələrinə vəsilə olaq.

Axirətə şəhid olaraq getmək ən gözəl şərəfdir, bir müsəlmanın ən çox istəyəcəyi gözəllikdir. Dəliqanlıya yaraşan şəhidlikdir.

Şəhid ailəsi olmaq çox böyük üstünlük və şərəfdir. Şəhid ailələrinə hər yerdə ən gözəl şəkildə qulluq edilməsi, hörmət görmələri lazımdır.

Şəhidlik bir həyat aləmidir. Şəhidlərin aləmində təkcə müsbət imtahan var, hər şey müsbətdir. Buna görə də, olduqca rahatdırlar inşaAllah. Dünyada qorxu və narahatlıq var. Lakin şəhidlərin olduğu aləmdə hiss etdikləri duyğu, təkcə sevinc və gözəllikdir. (Ali İmran surəsi, 170-171: Allahın Öz lütfündən onlara bəxş etdikləri ilə sevinc içindədirlər. Arxalarından onlara hələ çatmayanlara müjdələmək istəyirlər ki, onlar üçün heç bir qorxu yoxdur, qəmli də olmayacaqlar. Onlar, Allahdan bir neməti, bir lütfü (bolluğu) və həqiqətən Allahın möminlərin mükafatını puç etmədiyini müjdələyirlər.)

Şəhidlərin yaşadığı aləmdə həm kədərlənəcək hadisə yoxdur, həm də vücudlarında, ruhlarında kədərlənmə mexanizmi yoxdur, təkcə sevinc var.

Şəhid anasının qış üçün ayaqqabısının olmaması millətimizə təhqirdir. Şəhid ailələrinə kömək etmək və sahib çıxmaq çox əhəmiyyətlidir. Şəhid ailəsinə şəhidlik xəbəri verildiyi dəqiqədən etibarən bütün çatışmazlıqlarının müəyyən edilməsi və ailənin bütün ehtiyaclarının sürətlə ödənilməsi lazımdır.

Millətimizin inancına görə bir insanın Allah dərgahındakı yeri əhəmiyyətlidir. Şəhidlər də Allah dərgahında ən gözəl məqamdadırlar.

Necə də xoşdur şəhidlərimizə, Allah sevinclərinə sevinc bəxş etsin. Cənnət süfrələrindəki o gözəl söhbətə inşaAllah bizi də dəvət etsinlər.

Zəlzələlərdə ölənlər şəhid, yaralananlar qazi, itən mallar da sədəqə hökmündədir inşaAllah.

Şəhidlik aləmi çox keyfiyyətli yerdir, şəhidlər ibadətlərini orada da dəqiqliklə yerinə yetirirlər. Şəhidlik aləmində kədər yoxdur, şəhidlər həmişə sevinc içindədirlər. Şəhidlik aləmində mənfi qüvvə tamamilə aradan qaldırılmışdır, lakin oradakı həyat dünyadakılara bənzərdir.

Stalinist PKK-ya Cənub-Şərqi Anadolu bölgəsini vermərik. Bir qarış torpaq üçün 83 milyonun hamısını şəhid etmələri lazımdır. Edə bilməyəcəkləri işə girişməsinlər.

Şəhidlərin yaşadığı mövqe ayrıdır. Bir növ yuxu aləmi kimidir, şəhidlər yeyib içirlər, ibadət edirlər, lakin ölü deyillər, diridirlər. Bədiüzzaman şəhidlərin yaşadığı aləmin bu həyatdan daha keyfiyyətli, lakin buna bənzər bir həyat olduğunu bildirmişdir. Şəhidlərin olduğu məqamda qorxu və kədər yoxdur.

Dünya müvəqqətidir, imtahanı çətindir. Şəhidlərimiz isə necə də gözəl məqama qovuşurlar, onların məqamına qibtə edirik.

İmtahanın uzunluğu və güclü olması o insanın lehinə olar. İnsana nə qədər çox əziyyət, sıxıntı, çətinlik gəlirsə, deməli, o, bir o qədər çox savab qazanır.