Adnan Oktar A9 TV; 24 İyun 2012

MÜTLƏQ VARLIQ YALNIZ ALLAHDIR. Allah xəyal olsun, sən mütləq varlıq olacaqsan, haşa. Onda sən küfrə düşərsən. SƏN XƏYALSAN, KÖLGƏ VARLIQSAN. ALLAH MÜTLƏQ VARLIQDIR. Bəzi adamlar Allahı radio dalğalarına bənzədirlər. "Allah hardadı?" deyər, haşa. "Radio dalğalarını görə bilirsən? Onun kimi" deyər. Bax, sən radio dalğası kimisən.

İnsan onsuz da aciz yaradılmışdır, nifrətə gücü çatmaz, zavallıdır. Bundan əlavə xəyal olaraq yaradılıb. Maddə xəyali yaradılıb. Bura imtahan olunmaq üçün gəlmişik.Yəni bura tərbiyyəsizlik ediləcək, kin, nifrət duyulacaq, savaş, mübahisə ediləcək yer deyil. Allah bizim onsuz da cənnətdə xoşbəxt olmağımızı, sevinc içində yaşamağımızı istəyir.

Bunların hər biri səbəbdir: Nə görmək üçün gözə ehtiyac var, nə eşitmək üçün qulağa, nə də dadmaq üçün dilə ehtiyac vardır. Bilavasitə Allahın yaratmasına ehtiyac var. Allah necə yaradırsa, o şəkildə olur.

HEÇ BİR QULAQ EŞİTMƏZ. BÜTÜN QULAQLAR KARDIR. Səs dalğasını elektrik cərəyanına çevirər, beyinə aparar sadəcə. Vəzifəsi qurtarar ondan sonra. Orada qulağı olmadan eşidən ruh var. Həqiqi insan odur.

Təkamülçülər həqiqi insanla heç maraqlanmırlar. Yəni gözsüz görən və həqiqətən görəni bir kənara buraxırlar. Görməyən, kor olan bir sistemlə, eşitməyən qulaqla maraqlanırlar.

Hər elm adamı beyninin içindəki elektron mikroskopuna baxar. Çöldəki elektron mikroskopla əlaqəsi yoxdur. Beynindəki kəşfi edər. Allah o kəşfi ona verər, o da ona veriləni tapar.

Darvinistlər bir şeyi izah etdikləri zaman Allah onlara onu etdirir. Özü edə bilməz. Beyninə hazır məlumat axır, yalnız onu söyləyir. Ondan kənar bir şey söyləyə bilməz. Nə ondan artığını, nə də əskiyini, tam doğrunu söyləyər.

Darvinin, Marksın dediklərinin hər biri Allah qatında hazır idi. Məsələn, Marksın kapitalı daha o doğulmadan əvvəl, heç atası belə doğulmamışdan əvvəl hazır idi, AMMA ALLAH ONA ÖZÜ YAZIRMIŞ KİMİ GÖSTƏRİR. Beynində elə göstərilir.

Sən ətdən, sümükdən meydana gəlmiş zavallı bir varlıqsan. Üstəlik də onun görüntüsüsən, kölgə varlıqsan. Bütün gücün Allaha aiddir. Bizi danışdıran da Allahdır. Allah belə buyurur "Allah istəməsə, siz istəyə bilməzsiniz". Nitqi verib danışdıran Allahdır, ayə vardır. Ayədə deyir "Nitqi verən Allahdır".

Biz maddənin əslini əsla dərk etməyəcəyik, maddədən yalnız Allahın bizə göstərdiyi qədər məlumatımız olar.

"Görmək üçün gözə ehtiyac var" deyirsən. Ruh gözsüz görür. "Eşitmək üçün qulağa ehtiyac var" deyirsən. Ruh qulaqsız eşidir. Ruhun toxunmağa barmağı yoxdur, lakin hiss edir. Ağzı yoxdur, dad bilir. Dili yoxdur. İNSANLAR ƏSL İNSANI BİR TƏRƏFƏ QOYUB, CƏSƏDLƏ MƏŞĞUL OLURLAR. Artıq o cəsəddir.

ELEKTRİKİ OXUYAN, ANLAYAN, GÖRƏN, EŞİDƏN VARLIQ RUHDUR… Əks halda, elektrik çıxaran bir cisim heç bir işlərinə yaramaz. Yəni ona insan deyə bilməzsən.

Musiqini bilavasitə yaradan Allahdır. Gələn musiqidirmi? Deyil. Səs dalğasıdır. Dalğa qulağa gəlib çatır, qulaqsa eşitmir, kardır. Dalğanı çatdırır, onu elektrik halında verir. Beyin də onu musiqi olaraq dinləyir. Ortada musiqi yoxdur, bax musiqi heç yoxdur. Çalınan yerdə musiqi yoxdur. Çöldə musiqinin olmaması çox qəribədir, çöldə yoxdur.

Kosmos boşluğunda, xarici kosmosda zaman yoxdur. Zaman beyində meydana gələn bir anın digər bir anla müqayisə edilməsi nəticəsində ortaya çıxan bir qavrayış və inanc forması olub, insan beynində meydana gəlir. Zaman beynin bir məhsuludur, bir inancdır. Çöldə zamanın olduğunu zənn edir. Bir an vardır, an içində olub bitmiş hadisələr vardır. Allah belə yaratmışdır.

Avtomagistral yolları bələdiyyə salmaz, Allah salar. O yol başının içindədir. Sən yolu beyninin içində görürsən. Elə ki, avtomobilə mindin, həmişə beyninin içində yol görünüşü meydana gəlir. O zaman kim yaratmışdır? Allah yaratmışdır. Bu elmi bir həqiqətdir.

Allah həyatı yuxu kimi yaradır. Quran bu böyük sirrə işarə edir. İnsanlar dünyada yuxuda olduqlarını bilmirlər. Halbuki, hal-hazırda hamısı yuxudadırlar, yuxu görürlər. Bir hissəsi, məsələn, fəlsəfə tədqiqatçıları, bu həqiqətə heyrət və dəhşət içində şahid olurlar.

Kölgə ayrı yaradılır, işıq ayrı yaradılır. Çünki işıq beyində yaradılır. Xarici aləmdə işıq yoxdur. Xarici aləmdə rəng də yoxdur. İşıq insan beynində yaradılır. Xarici aləm zülmət qaranlıqdır. Buna görə də, xarici aləmdə kölgə də yoxdur. İşıq olmadığına görə, kölgə də yoxdur. O zaman kölgə də ayrılıqda beyində yaradılmalıdır. Allah: “İkisini də ayrı-ayrılıqda yaradıram” deyir.

Maddə olmayan beyinin içində səs meydana gəlir. Xarici aləmdə səs yoxdur. Amma maddə olmayan beyinin içində səs olur, işıq olur. Xarici aləmdə dad deyə bir şey yoxdur. Dad beyinin içində meydana gəlir. Amma bu ətdən beyin deyil. Nurdan olan beyin. Biz nurdan olan beyin sayəsində danışıb düşünürük.

Allah sənə üçölçülü görünüş verəcək, bunu beyninin içində seyr edəcəksən, bütün gözəl qoxuları qəbul etmək imkanı verəcək qoxulayacaqsan, dad almaq imkanı verəcək ləzzət alacaqsan, toxunma hissi verəcək toxunacaqsan, dənizdə üzəcəksən, qayıqda gəzəcəksən, dünyadan zövq alacaqsan, Yaradandan söz düşdükdə isə: "Mən bu barədə danışmaq istəmirəm" deyəcəksən. O zaman Allah bəlanı verir. Bura əyləncə yeri deyil.

Beyninin içindəki təsvir sənə necə təlimat verir ki, səni İslam yolundan uzaqlaşdırır? Ağlın bu qədər mi zəifdir? “Ətrafımdakılar (yəni beynimin içindəki təsvir) mənə icazə vermədi” deyir. Sən Allaha itaət etsənə. Beyninin içindəki təsvirə niyə itaət edirsən? “Çox canlı görünür” deyir, “həqiqi kimidir” deyir. Həqiqi kimi olması əhəmiyyətli deyil. Bu, imtahan üçün yaradılan xəyaldır. Mütləq həqiqət olan Allahdır.

Bir çox insan dünyanın həqiqi mahiyyətini anlaya bilmir. Çöldə rəng, işıq, səs yoxdur. Beyinin içində, gözü olmayan ruh rəngarəng dünya görür.

İlk yaradıldığı andan bəri heç bir insan beynindən kənara çıxıb təsvirin əslini görməyib. Hər insan beynin içindəki monitorun qarşısında yaşayır.

Hər insanın iki gözü də kordur. Göz elektrik axınını beyinə çatdıran cihaz kimidir. Beyində gözü olmadan təsviri görən biri var. Beyinin içində qulağı olmadan musiqini dinləyən kimdir? Təkamülçülər bir dəfə belə bu mühüm mövzu üzərində dayanmırlar.

Sən şüura tabesən, şüur sənə tabe olmaz. Şüur səni istiqamətləndirir, sən təkcə bacarmazsan. Laboratoriyada hər hansı bir şey tədqiq ediləndə şüurunda nəticə çıxarırsan. Şüur sənə nəzarət edir, sən şüuru idarə edə bilmirsən. Bundan əlavə şüur görmə, eşitmə, hiss etmə , toxunma, qoxulamadan ibarət ruhdur.