Adnan Oktar A9 TV; 22 may 2016

Şeytan sıravi müsəlmanı əzə bilər, lakin çox güclü imanlı olduğu zaman ondan çox qorxar. Ona ordularını göndərər, nəsə etməyə çalışar, lakin heç təsiri olmaz. "İman gətirən bəndələrim üstündə sənin təsirin yoxdur" deyir Allah.

Şeytanın insanları tanıma xüsusiyyəti var. Zəkalıdır, lakin zəifdir, xəstə, qürurlu, psixopat, özünü bəyənmiş, dəyişkən, cəmiyyət mikrobu tipləri şeytan tanıyar, gedib seçər. Aralarında əlaqə də yaradar.

İngiltərə dərin dövləti olduqca zavallı təşkilatdır. Yəni zavallının zavallısıdır. Şeytan olduqca gücsüz varlıqdır. Heç birini gözdə böyütməyə ehtiyac yoxdur. Gözdə böyüdüləcək olan, böyük olan, ən böyük olan, sonsuz böyük olan Allahdır.

Allah şeytanın insanlar üzərindəki cadusunu yox etsin, Dəccalın cadusunu yox etsin. Allah dəccalı qəhr, pərişan etsin. Müsəlmanları dünya səviyyəsində müzəffər etsin.

Şeytan Allahın dediyindən kənara çıxa bilməz. Cinlər də Allahın dediyindən kənara çıxa bilməz. Xızır (ə.s) da çıxa bilməz. Hər şey Allahın iradəsi və idarəsi altındadır.

İngiltərə dərin dövlətinin mənsublarının bir çoxu gizli manyak, ağıl xəstəsi, ruh xəstəsi insanlardır. Şeytanla həqiqətən transa keçirlər və özlərindən çıxırlar. Şeytandan ağlasığmaz dərəcədə qorxurlar.

Şeytan möminin oyuncağıdır. Şeytanlar hz. Süleyman (ə.s)-a xidmətçi olmuş vəziyyətdəydilər, nə deyirsə edirdilər.

Möminlərin bir-birini qırmasının səbəbi münafiqlərdir. Buna görə də, əsas əks qüvvə, şeytandan daha şiddətli olan münafiqlərdir.

Şeytan, cin şeytanlar insanın zehninə təsir edər, lakin təsiri zəifdir, münafiqinki şiddətlidir. Əgər mömin çox ağıllı deyilsə, münafiq daha çox müsəllət olar. Lakin ağlın qarşısında duzun suda əridiyi kimi əriyər münafiq.

Dəccaliyyət münafiqliyin təşkil olmuş, dünya səviyyəsində gizli dövlət olmuş halıdır. Dünyadakı ən böyük dərin dövlətlə şeytan həmişə iç-içə olar. Həmçinin şeytan ən təpədən ən alta qədər təsir edərək bu nəhəng quruluşu idarə edər.

Münafiqin şeytani enerjisi vardır. Fasilə vermədən iyrənclik edər, eyni şeytan kimidir.

Münafiq çox davakar və iyrəncdir. Ədabazlığa çox meyillidir. Asilik, hiyləgərlik, üsyankarlıq; şeytanda olan bu pis xarakter münafiqin ruhunda da var.

Şeytan möminlərin rahatlığına, müvəffəqiyyətinə çox həsəd aparar. Möminlərin gözəlliyi, sağlamlığı, səhhəti, müvəffəqiyyəti, qabiliyyəti, çevikliyi, münafiqin, eynilə şeytanda olduğu kimi heç xoşuna gəlməz. Buna görə də, həmişə bir yerdən bacara bildiyi qədər zərər vermək istəyər.

Üsyankarlıq, anarxistlik, azğınlıq münafiq ruhunun imtina edilməz xüsusiyyətləridir. Şeytana tam bənzərdir. Şeytan münafiqin mürşididir.

Ayədə şeytan; "onları şükür edən görməyəcəksən" deyir. Münafiqin xüsusiyyətidir. Münafiq şükür etməyi bilməz. Qənaətkar deyil. Allah nə gözəl yaradıb deməz. Hər şeydə o pis ruh, şeytani ruh fəaliyyətə keçər.

Müsəlmana qarşı sui-zənn, yaxud şeytandan gələn məlumata inanmaq mömini məhv edər və yavaş-yavaş İslamdan uzaqlaşdırar. Allah qorusun cəhənnəmə doğru yaxınlaşdırar.

Münafiq, müsəlmanın Quranla söylədiklərinə tabe olmaz, lakin şeytan söylədikdə dərhal edər. Şeytan şəxsiyyətsizlik, əxlaqsızlıq pıçıldayan kimi, dərhal edər. Heç tərəddüd etməz münafiq.

Münafiq heyrət ediləcək refleksə malikdir. Şeytanın söylədiyini həmin dəqiqə, həmin saniyə yerinə yetirər. Lakin Allahın dediyini etməz, Quranın dediyini etməz. Peyğəmbər (s.ə.v)-in dediyini etməz. Çünki üsyankardır. Münafiq şeytana qarşı itaətkardır.

Münafiq şeytana qarşı hörmətkeşdir, ona təslim olmuşdur. Yəni dediyi bir şeyi iki dəfə dedirtməz, dərhal yerinə yetirər. Lakin Quranın hökmlərinə, Peyğəmbər (s.ə.v)-in hökmünə şiddətlə qarşıdır.

Münafiq çox kinlidir. Münafiqi dik saxlamaq, külü götürüb dik saxlamaq kimi çətindir. Hər an aşar münafiq, tarazlıqda saxlamaq çox çətindir. Çünki qəlbi şeytanla ittifaq halında olduğu üçün əxlaqsızlıq, pislik etməmək üçün özünü çətin saxlayar və ən kiçik fürsətdə də pisliyini etməyə cəhd edər.

Münafiqlə mübarizə aparmaq, şeytanla şahmat oynamaq kimidir. Çox diqqətli olmaq lazımdır. Şeytanın zəkası məlum, aktyorluğu da məlumdur.

Şeytan əqrəb kimidir. Münafiq də əqrəb kimidir. Münafiq şeytandan daha üstündür. Çünki şeytan təkcə beyinə təsir edə bilər, lakin münafiqin fiziki müdaxilə imkanı da var.

Münafiq əqrəb kimi ani hücum edər və zəhərini axıda bilər. Həmçinin xəstə olduğu üçün, şeytana döndüyü üçün var gücüylə əxlaqsızlıq və alçaqlığı, pisliyi tətbiq edərək səbirsizliklə gözləyər. Buna görə də, münafiqə qarşı bütün müsəlmanlar çox diqqətli olmalıdır.

Münafiq ani dəyişkəndir. Normal danışarkən birdən-birə itə dönər. İtə dönərkən birdən-birə insana dönər, insana dönərkən birdən-birə əqrəbə dönər, əqrəbə bənzəyərkən birdən-birə buqələmun kimi forma alar, hər rəngə daxil olar. Tam tipik şeytan obrazıdır. Bunun üçün Allah, "Necə də döndərilirlər?" deyir. Yəni haldan-hala düşürlər.

Dərin dövlətlər ilhamını, düşüncəsini, hərəkət tərzini, strategiyasının hamısını şeytandan alar və öz əsrinin dəccaliyyəti kimi ortaya çıxar, öz əsrinin mehdiyyəti ilə mübarizə apararlar.