Adnan Oktar A9 TV; 3 mart 2016

Qərb ölkələri, Türkiyənin mövhumatçılığa meyletməsindən qorxur. Türkiyə müasir olsa, PKK-ya verdikləri dəstəyə də son qoyarlar.

İndi görüləcək iş gəncləri maarifləndirmək, milli şüur dərsi keçməkdir. PKK mütəmadi təhsil verir. Kommunist terroristlər təhsil ilə bu hala gəlirlər. Biz də gənclərə həftədə üç saat milli şüur dərsi keçsək, olduqca faydalı olar.

Gənclər üfüqlərini genişləndirsin. Daha geniş və ağıllı düşünsünlər. İlk öncə qəlbləri sevgiyə açıq olmalıdır. Bu narahatlıq verər. Bunu görüb kəskin şəkildə buna qarşı tədbir almalıdırlar. "Mən niyə qəzəblənməyə bu qədər meyilliyəm, sevgisizliyə bu qədər meyilliyəm? Sevgiyə niyə bu qədər qapalıyam?" deməlidir.

Kommunizmə həyat verən darvinizmdir, yəni şah damarıdır. Bu kəsilsə kommunizm yox olar. Bunun üçün hökumətdən bu barədə xahiş edirik, dövlət kanallarında darvinist təbliğata son qoyulsun. Orta məktəb və universitetlərdə darvinist təbliğata son qoyulsun.

“Həll prosesi” deyilən şey, Abdullah Öcalanın buraxılması, onun guya Cənub-Şərqi Anadolu bölgəsində qurulacaq kommunist Kürdüstanın başçısı kimi qəbul edilməsi, bütün PKK-lı qatillərin sərbəst buraxılması kimi ağılsız çirkin hədəflərdən ibarətdir. Qəbul etmərik, bunu unutmalıdırlar.

PKK-ya, İngiltərə dərin dövlətinə, çox cahil insanlara, mövhumatçılara baxmayaraq, mehdiyyət böyük gəmi donanması kimi irəliləməyə davam edir və heç kim də dayandıra bilmir.

Gümrah gənclik əvəzinə ölü gənclik hədəf edilir. Ənənəvi ortodoks zehniyyətlə beyninizi, ruhunuzu çürütmək istəyirlər, fitrətinizi yox edirlər və qadın düşməni etməyə çalışırlar. Qadın gözəlliyini yox edirlər. Eləcə də, hiss etdirmədən bu yolla Yaxın Şərqi məhv etdilər. Heç kim bu oyuna düşməsin.

Bəzi gənclər arasında istehsaldan, texnologiyadan, elmdən tamamilə uzaq, yaradıcı olmaqdan, incəsənətdən, estetikadan tamamilə uzaq, hazır olanı yeyən, hazır olanla bəslənən və müftəxor olan ruh sistemi çox sürətlə yayılır. Məktəblərin tədris proqramına milli şüur dərsi əlavə edilərək buna qarşı tədbir alınmalıdır.

Gənclər televiziya kanallarındakı boş proqramlarla vaxt keçirir. Bu, zehinləri boşaldan təhlükəli mədəniyyətdir. Milli şüura sahib nəsil yetişməlidir.

Gənclərin belə qəzəbli yetişməsinin səbəbi də darvinist təhsildir. Darvinist, materialist yetişdirildikdə sevgi qalmır. Sevgini təmin edən din əxlaqıdır.

Həm PKK-ya, həm də radikal qruplara qarşı ediləcək şey, qarşılarına fikirlə çıxmaqdır, müzakirə mühiti yaratmaqdır. İnsan intihar edəcək qədər qətiyyətlidirsə, deməli, bir fikri vardır. Fikrinin yanlışlığını dəlillərlə göstərsən məsələ həll olunar.

Darvinist təhsil olduğu müddətcə qadın cinayətləri də davam edər. Çünki darvinist fəlsəfə qadınları alçaldır. İnsanlarda Allah sevgisi buraxmır, mərhəmət buraxmır, şəfqət buraxmır. Təkcə imanlı nəsillər qadını sevməyi bacarar. Bu da mehdiyyət dövründə olacaq.

Müsəlmanlığı dağıtmaq üçün, "təkamül Quranda var" deyərək müsəlman gəncləri darvinist etməyə çalışdılar, lakin bacara bilmədilər. Quranda təkamül yoxdur.

Dəccal təməl xüsusiyyətləriylə hazırda ortaya çıxdı. Cinayət, müsəlmanları yox etmə, müsəlmanları bir-birinə qırdırmaq dəccalın xüsusiyyətləridir. Allahsızlıq, Allah düşmənçiliyi, darvinist düşüncə, homoseksuallıq da dəccalın ən mühüm hücumlarıdır.

Küfr əhlində, Dəccal ordusunda çox modern silahlar var. Əsgərimizdə bu silahlardan yoxdur. Türk ordusunda fövqəladə silah üstünlüyü olmalıdır.

Dünyada silah ticarətinə ayrılan pulun, yalnız mində beş (0.005%) hissəsiylə ölüm ayağındakı 66 milyon ac uşaq qurtarıla bilər. Dəccalın, şeytanın amansız hakimiyyəti burada görülür.

Dünya zavodlarında istehsal edilən bütün silahlar müsəlmanları öldürmək üçün istifadə edilir. Münafiqlər də axmaq və alçaqcasına bu oyuna alət olurlar.

Amerika və Avropa silah ehtiyatlarını müsəlmanları öldürərək yox edir. Münafiqlərin ucbatından bu çıxılmaz vəziyyət davam edir.

Var gücü ilə vətəni müdafiə edən xüsusi hərəkat polislərimizi millətin pulunu verdiyi silahlarla bombalamağın heç vaxt izah olunacaq tərəfi yoxdur.

Mehdiyyət dövründə silah və sursat tamamilə aradan qaldırılacaq. Silaha yatırılan pul istehsala, inkişafa gedəcək.

Bombalamaq haramdır. Çünki aşağıda kimlərin olduğunu bilmirsən. Uşaq, qadın, adi vətəndaş hər kəsə tuş gəlir. Bu ABŞ-ın qəddarlığının dünyaya əks olunmasıdır. Belə şey olmaz.

Kimyəvi silah böyük zülmdür. Lakin öldürmənin növü yoxdur. Kimyəvi silahı cinayət görüb çəllək bombalarını, digər silahları cinayət hesab etməmək anormallıqdır. Günahsız insanları hədəf alan hər hücum zülmdür.

Bomba ilə, tüfənglə öldürməyi sanki normal görürlər. Kimyəvi silah olduqda təkcə reaksiya göstərirlər. Bütün silahlar dünyadan ləğv edilməlidir.

Çəllək bombasına, güllə yağdırmağa demək olar ki, heç reaksiya vermirlər. İnsan öldürmənin hamısına, bütün üsullarına qarşı olmaq lazımdır.

Din, ənənəvi İslam anlayışına sahib insanlar tərəfindən cəhənnəm kimi təqdim edilir. İnsanın ağlını, fərasətini, bəsirətini bağlayan, bütün mühüm yönlərini yox edən, incəsənəti, estetikanı və gözəlliyi məhv edən, sanki insanın xoşbəxtliyinə düşmən olan bir sistem kimi. İnsanı şizofren hala gətirən, məhv edən sistem. Ənənəvi sistemdə bir insanın ruh və bədən sağlamlığının normal qalması qeyri-mümkündür.