Adnan Oktar A9 TV; 3 fevral 2014

İnsanları xurafata görə deyil, səhabə İslamı ilə, mehdiyyət İslamı ilə öyrətdikdə vəli xasiyyətli insanlar olar. Ona görə mehdiyyətin əhəmiyyəti böyükdür.

Vicdanını istifadə edən, Qurana tabe olan bir insan şəffaf İslam, səhabə, mehdilik yolunu görür.

Quru-quru sevgi olmaz. Sevginin qidası vardır, yoxsa sevgi ölər. Növbənöv qidası var. Birincisi səbir, ikincisi bağışlamaq, üçüncüsü səxavətli olmaq, başqalarını düşünmək, dərin, incə düşünmək, vəfa―saymaqla bitməz. O qidaları almadan sevgi yaşaya bilməz.

Hər hökümət, hər bir dövlət, hər bir insan, hər cəmiyyət, hər dərnək, hər quruluş istəsə də, istəməsə də mehdiyyətin əmrindədir.

Allah qorxusu olmadan sevgi olmur. Allah qorxusu olmazsa eqoist olarsan, xudbin olarsan. ''Çox sevirəm'' deyir, eqoistsən, mərhəmətli deyilsən, səxavətli deyilsən. Necə sevəcəksən? Getdi sevgi, yandırdın getdi. Allah qorxusu sevginin təməli olan bütün ehtiyaclarını təmin edir.

Allah qorxusunun da məqsədi sevgidir. Allah ''Məndən qorxun'' deyir. Orada Allahın məqsədi Özünün sevilməsidir. Əsas məqsəd orada sırf qorxu deyil. Allahın istədiyi qorxunun meydana gətirəcəyi sevgidir.

Allahın köməyi olmadan, Allahın qədərdəki yardımı olmadan, Allah yolunda olan cəhd, mehdiyyətin əmrində olan cəhd olmadan hər hansı hərəkətin uğurlu olması Allahın qanunlarına görə mümkün deyil.

Şiə və sünni ayrı-seçkiliyinin aradan qalxması ancaq mehdiyyətlə mümkündür. Sənətin, elmin, incəsənətin, gözəlliyin, dünya hakimiyyəti mehdiyyətlə olar.

Dinin həqiqi ruhu təkcə mehdiyyətdir.

Sevilən, sevən bir insan niyə intihar etsin? Sıxılır, sevgi yoxdur. Sağa dönür sevgi yox, sola dönür sevgi yoxdur. Narkotik alır yenə xilas ola bilmir. Sonra da intihar edir, Allah göstərməsin.

Elmlə, mədəniyyətlə İslam hakim olar. Nə siyasətlə hakim olar, nə onunla, nə bununla, nə məktəb açmaqla, heç nəylə olmaz. Bir-bir yalnız iman həqiqətlərini, Quran möcüzələrini izah etmək, mehdiyyəti müjdələmək, Allaha sığınmaq, qardaş olmaq, sevgi dolu, mərhəmətli, nümunə olmaqla hakim olar. Bunlar həll olundusa tamamdır, inşaAllah.

Dünyadakı ən vacib qida, imandan qaynaqlanan sevgidir. Olmadımı bitdi. İstədiyin qədər körpü sal, yol sal, binalar tik. Məsələn, Nyu York çox zəngindir, amma hər gün bir adam özünü öldürür. Hər yerdə intiharlar olur, insanlar narkotikdən istifadə edir.

Dünyada sevgiyə əhəmiyyət vermirlər. Halbuki, ən böyük dəbdəbə sevgidir. Sevgisiz dünya ölər, məhv olar.

İraq yerlə yeksan olacaq. Mümkün deyil, mehdiyyətdən kənarda dünya xilas olmaz. Mehdi (ə.s)-a tabe olmaqdan başqa xilas olmaq mümkün deyil. Anlamazlığa vursalar, Allah zorla izah edəcək. İllah ki, Mehdi (ə.s), illah ki, İsa Məsih, illah ki, İslam Birliyi.

İnsanlar sevgi təlqininə açıq olduğu kimi, vəhşilik təlqininə də açıqdır. Mehdi (ə.s) məhz sevgi təlqin edən insandır, məhəbbət təlqin edən insandır. Mehdi (ə.s) sakitləşdirici və uzlaşdırıcı bir insandır.

Mehdiyyətin xüsusiyyəti, güclü inanc sistemi üzərinə qurulmasıdır. Yıxılmamasının da səbəbi budur. Güclü bir iman zəmini üzərinə siyasət qurmaq lazımdır. Unutmamaq lazımdır ki, güclü siyasi manevrin heç bir dəyəri yoxdur. Güclü siyasi manevrlər üzərinə qurulmuş sistemlər mütləq yıxılar, müvəffəqiyyətsiz olar. Bunu unutmaq olmaz.

Türkiyənin və bölgələrinin otuz il sonrasını düşünərək ona uyğun plan qurulması lazımdır. Bu sistem güclü inanc üzərinə qurulmasa, müvəffəqiyyətli siyasi manevrlər üzərinə qurulsa, müvəffəqiyyətli siyasi manevrlər bir müddət sonra tam tərsinə dönə bilər.

Ölkələr arasında silah rəqabəti deyil, sevgi-söhbət rəqabəti olmalıdır.

İslamın siyasətlə hakim olması mümkün deyil. Bədiüzzaman "siyasət ruhları qaraldar" deyir. Orta şərqdə sıx siyasət ehtirası izlənilir.

Bəkir Bozdağa keçmiş olsun, çox həlim insandır. Belə tanınan siyasətçilərin hər yerdə təhlükəsizliyini təmin etmək lazımdır.

Hadisələrə tam siyasət gözü ilə deyil, iman gözü ilə baxmaq lazımdır. Bütün “dərin dövlətlərə”, insanlara və hadisələrə hakim olan Allahdır. Hadisələrin ledün cəhətlərini yaxşı görmək lazımdır.

Allah mehdiyyətin qarşısına çıxan hər maneəni əzər. Heç bir siyasi güc mehdiyyətə meydan oxuya bilməz, oxusa da mütləq məğlub olar. Naməlum, təxmin etmədiyi bir sistem içinə daxil olar. Fərqinə varmadan məhvə doğru gedər.

Heç bir siyasətçi İslam aləmini birləşdirə bilməz, təkcə birləşməsi üçün zəmin hazırlayar. İslam aləmini birləşdirmək hz. Mehdi (ə.s)-a nəsib olacaq.

Siyasətdə vəfa olmaz. Vəhşi kapitalizmin ruhu siyasətə tam hakimdir. Siyasətdə dəstək olmaq körpünü keçənə kimi olar. Körpünü keçdikdən sonra səni tanımaz. Dostluğu da, vəfanı da, yoldaşlığı da, qardaşlığı da unudar.

Almaz da yonulanda qiymətli olur. Amma təbii yonulmamış elə də qiymətli olmur. İnsan da elədir; incəliklə nizama salınanda, öyrədildikdə keyfiyyətli olur. Nə ərinmək, nə də əmək verməkdən çəkinmək doğru deyil.