Adnan Oktar A9 TV; 18 oktyabr 2013

Hakan Fidan müəllimim doğru yoldadır maşaAllah. İslam Birliyini istəyən, Türk İslam Birliyini istəyən ağıllı bir yoldadır. Həsəd edən olarsa, bu zaman ona bərəkət gələr. Könlü rahat olsun. Heç bir şey olmaz, inşaAllah.

Hakan Fidan çox ağıllı, dindar cavandır. Məntiqsiz bir şey etməz. Hakan Fidan bir şeyə qərar verdisə, ona Baş nazir və Baş qərargah da qərar vermişdir.

Baş nazirin sözlərini qulaq ardına vurmaq səmimi yanaşma deyil. Səmimi gözlə baxılsa Baş nazirin nəyi nəzərdə tutduğu aydın olar.

Obamanın, Tayyibin, Putinin, İranın birləşib bir həll yolu, çıxış yolu tapmaq üçün danışmaları lazımdır.

AK Partiyanın getməməsini təmin edən Allahdır. Allah istəsə gedər. Allah hökuməti saxlamaq istəyir. Allah mehdiyyətin rahat hərəkət etməsi, qollarının güclənməsi, rahat şəkildə fəaliyyət göstərməsi üçün qərarlı bir hökumət istəyir.

Hörmətli Tayyib Ərdoğan məzlum və xoş niyyətli bir insandır. Əlindən gələnin ən yaxşısını etməyə çalışır. Ona qarşı çıxmaq vicdana uyğun hərəkət deyil.

Halal olsun Tayyibə, “dərin dövlət” təşkilatını qanunla, hüquqla darmadağın etdi.

Ədalət ancaq Mehdi (ə.s) ilə yaranar. Nə qədər cəhd edirlərsə etsinlər, hökumətlər, dövlətlər, nə qədər səy göstərsələr də həqiqi ədalət, ancaq Mehdi (ə.s) tərəfindən təmin edilir. Ondan başqa ədalət olmur.

Ədliyyə Naziri Sadullah Yetkin çox dürüst, alicənab, nurlu və vicdanlı insandır. Allah nurunu artırsın. Bəşir Atalay da Allahdan qorxan, nurlu, mübarək bir insandır.

Günahsızların haqqını qorumaq hər insanın vəzifəsidir. Dindar, dinsiz fərqi yoxdur, ayrı-seçkilik qoymadan hər kəs qorumalıdır.

Mehdiyyətdə malından paylamaq, bunda da ədalət, mehribanlıq, sevgi vardır. Allah rizası üçün sevirsən. Hər şey Allah rizası üçün olduğu üçün mehdiyyət müvəffəqiyyətli olur.

Ədalət təkcə müsəlmanı deyil, xristianı, yəhudini, ateisti, kommunisti də qorumaqdır.

MIT Avropa və ABŞ-dakı hadisələrdən minlərlə fotoşəkil köçürə bilər.

PKK İslam Birliyini bir dəfə ön plana alsın. İslam Birliyi olanda, İslamın şəfqəti, mərhəməti bölgəyə hakim olanda onların ağıl verməyinə ehtiyac da qalmayacaq. Hər kəs rahat olar. Məhkum olan, hətta məzardakı belə rahatlaşar. Kimsə ağrı-acı çəkməz. Onlar bunu tam aradan qaldıra bilmirlər. Müsəlman onsuz da şəfqətli, mərhəmətlidir. Mehdiyyətin, İsa Məsihin şəfqətinə güvənsinlər. Nə Mehdi, nə İsa Məsih heç kimə zülm etməz. Onlar kiminsə çətinliyindən xoşbəxt olmazlar.

Xarici İşlər Naziri hörmətli Davudoğlu son dərəcə cəsarətli olsun. "Ya Allah, Bismillah" desin, türk aləmini, İslam aləmini birləşdirsin. Kiminsə bir etirazı olmaz, heç çəkinməsin.

Tayyib hocam Mehdi (ə.s)-a zəmin hazırlayan bir insandır. Mənim qənaətimə görə, mehdiyyət dövründə də prezident vəzifəsində qalmağa davam edəcək. Çünki ideal bir idarəçi, ideal bir insandır. Buradan, baş nazirin də mehdiyyət dövründə baş nazirlik vəzifəsində qalmağa davam edəcəyi aydın olur. Yəni mən belə hiss edirəm. Çünki çox qabiliyyətli, çox alicənab, etibarlı bir insandır.

Milli Kəşfiyyat Təşkilatı Cənub-Şərq bölgəsindəki işçilərin sayını artıra bilər. Yəni xalqın içərisində çox sayda işçi saxlaya bilər. Bu həm xalqa fayda verər, həm də təhlükəsizlik baxımından çox yaxşı olar. İnformasiya axını çox güclü olmalıdır. Ən kiçik bir hərəkətdən belə xəbər alınmalıdır.

Mehdiyyətə, İslam Birliyinə qapı açana, Allah qapı açar. Allah Özünə bir addım atana tərəf on addım atar, inşaAllah.

Qiyamət mövzusunda bir daha söyləyirəm baxın, Qiyamət 2120-ci ildə qopacaq! Bir qayanın üstünə yazsınlar. 2121-ci ildə o yazını tapa bilməyəcəklər, çünki dünya artıq toz, duman olacaq. Allah Quranda: "Bir toqquşma" deyir. “Onu başqa bir toqquşma əvəz edəcək” deyir. Bunu görəcəklər.

İsrail ilə Türkiyə dostdurlar. Hz. Musa (ə.s)-ın və hz. İbrahim (ə.s)-ın övladlarıdırlar. Biz onları sevirik, şəfqətlə bağrımıza basırıq.

Kəbənin də orijinal ərazisi tamamilə açılmalıdır. Bu ərazilərin yaşıllaşdırılması, bağ-bağça olması lazımdır. Bunlar imam Mehdi (ə.s) tərəfindən düzəldiləcək. Hara baxsaq Mehdi (ə.s)-a ehtiyac olduğunu görürük.

Quranda Axırzaman əlamətləri bir gizli olaraq, bir də açıq şəkildə izah edilir. Allah parçalanmış, firqələrə ayrılmış müsəlmanlardan bəhs edərkən Axırzamana işarə edir. Çünki müsəlmanlar Peyğəmbərimiz (s.ə.v) dövründən bəri ilk dəfədir ki, bu qədər məzhəblərə, camaata bölünmüş vəziyyətdədirlər.

Türkiyədə İslam Birliyi olacaq. Türkiyənin bölünməsinə yol vermərik. Cənub-şərqli qardaşlarımızı Stalinist-kommunistlərə, PKK-ya təslim etmərik. Oradakı analarımızı, bacılarımızı kommunistlərə qənimət olaraq vermərik. Əbəs yerə qoçuluq etməsinlər. Bundan əl çəkəcəklər.