Adnan Oktar A9 TV; 21 dekabr 2015

Dəccal hüzn, əzab və iztirab gətirər. Cəmiyyətin ümidsizlik, yas içində olmasını, Allaha güvənməməsini, Allahı sevməməsini təlqin edər. "Sizi Allah yaratmadı, təsadüfən yarandınız" deyər. Biz də hər şeyi Allahın yaratdığını, nizam verdiyini, sevginin, gözəlliyin, sevincin əsas olduğunu söyləməklə mükəlləfik və edirik.

Təkamülü müdafiə edən, təsadüfən meydana gəldiyini iddia edən insanların cəhənnəmdəki bədənləri özlərinin bu dünyada iddia etdikləri kimi mutasiya ilə meydana gəlmiş kimi qarmaqarışıq və yararsızdır.

Türkiyədə darvinist təhsil ləğv olunsa, bütün Türk aləmində, İslam aləmində hər kəs darvinist təhsili ləğv edər. İlk cəsarət lazımdır. Hökumət "bismillah" deyib başlasın. Təsadüfə qarşı Yaradılışı müdafiə edəcəklər.

Allahın möhtəşəm sənətini görə bilməyib təsadüf deyənlər axirətdə hər bir sənətə, hər bir təfərrüata görə açıqlama verəcəklər, hesab verəcəklər. "Bu təsadüfən necə meydana gəldi?" deyiləcək. Təbii ki, açıqlaya bilməyəcək. Heyrətamiz həsrətə qapılacaqlar. Çox peşman olacaqlar.

Dövlət darvinist təbliğat apardığı müddətcə, dövlətin buraxdığı dərsliklərdə darvinist fəlsəfə öyrədilməklə; "Allah, kitab, din və iman yoxdur" deyildikcə, "cənnət-cəhənnəm yoxdur, sizə bu cür yanlış məlumatlar verirlər. Kainat təsadüfən yaradıldı" deyildikcə PKK güclənər.

Canlılar çox düzgün, diqqətli yaradılıb. Təkamül texniki cəhətdən qeyri-mümkündür. Mövcud olan hər şeydə ağlasığmaz riyazi mühəndislik var. Hüceyrədə, xromosomda nəfəs kəsən nizam var. Təsadüf belə şey edə bilməz.

Palçıqlı sudan insan yaranarmı? Fillər, zürafələr, quşlar, leyləklər, zeytun, portağal ağacları, pomidor, bibər; "hamısı təsadüfən palçıqlı sulardan yarandı" deyir. Onda bir çənin içinə bütün kimyəvi maddələri dolduraq və istədiyiniz hər şeyi edək. İnsanlar da həmin çənin başında atadan oğula milyonlarla il gözləsinlər. O çənlərdən nə zürafə, nə insan, nə pomidor, nə bibər, nə də üzüm çıxar; heç nə çıxmaz.

Allah insanı gözəl bir yaradılışla yaradacaq, beş duyğu verəcək; sən də; "təsadüfən palçıqlı sulardan yarandın, mikrobdan meydana gəldin sən. Allah yox" deyəcəksən. Guya elmin mənfəəti üçün, bu qədər meyvəni, bu qədər tərəvəzi, heyvanları, bitkiləri yaradan Allahı tamamilə inkar edəcəksən. Bu çox böyük bir fəlakət gətirər. İnsanlar məhv olar. Allah mehdiyyət vəsiləsiylə Türkiyəni məhv etmir.

Məktəblərdə darvinizm geniş şəkildə izah edilsin, lakin cavablandırma haqqı verilsin. Sadəcə daşlaşmış qalıntıları (fosilləri) aparıb məktəblərin önünə qoyaq. Şagirdlər görsün. Bu qədər, başqa şey istəmirik. Zülalın elmi cəhətdən təsadüfən meydana gəlməsi qeyri-mümkün olduğu deyilsin.

Darvinizm bilavasitə Allahı inkar edən fəlsəfədir. Kainatın təsadüflər nəticəsində yaradıldığını söyləyər. Bəlanın, narahatlığın, uğursuzluğun mənbəyi darvinizmdədir. Bu mütləq düzəldilməlidir.

Meyvələrin hər birinin içindəki minerallar, vitaminlər, şəkər nisbəti, karbohidrat nisbəti, qoxuları, uyğunluğu, hamısı müəyyən və tam olması lazım olduğu qədərdir. Təsadüf demək çox böyük zülmdür. Qara torpaqda belə şey təsadüfən olmaz.

Darvinizm də bir dindir. Kainatın yaradılışını öz aləmində təsadüflə izah edən inanc sistemidir, dəlili olmadığı halda buna iman gətirənlər var.

Allahı, Kitabı və İslamı rədd edən, bütün kainatın təsadüfən yaradıldığını iddia edən inkar fəlsəfəsinin dövlət əli ilə öyrədilməsi böyük fəlakətdir. Allahın açıqca inkar edilməsi Allahın xoşuna gəlməz. Darvinizm mütləq elmi cavabları ilə birlikdə öyrədilməlidir.

Hər şeyin təsadüfən əmələ gəldiyini söyləmək ola biləcək ən məntiqsiz açıqlamadır. Hər yerdə böyük ağıl, riyazi nizam və incəsənət vardır. Bu nizamın təsadüfən meydana gəldiyini söyləmək dünya tarixinin ən alçaldıcı açıqlamasıdır.

Allahın yaratması inkar edildikdə, təsadüflər sizi meydana gətirdi yalanı deyildikdə fəlakətlərin qapısı açılmış olar. İncəsənət də yox olar.

Şans, kortəbii təsadüf mənasını verər. Şans deyilən şey yoxdur. Təvafüq vardır, Allahın rast gətirməsi vardır.

Darvinistlərin təsadüf yalanını İslamla uyğunlaşdırmağa çalışanlar öz aləmlərində şərh etməyə çalışırlar. Təsadüf demək Allahı inkar etməkdir.

Bu qədər geniş miqyaslı bir kütlənin, milyardlarla insanın Allahın varlığını inkar etməsi, insanlar təsadüfən yaradıldı deməsi, dünya tarixində heç vaxt görünməmişdir. Çox kiçik imansız birliklər, çox kiçik inkarçı birliklər olmuşdur, böyük kütlələr isə daim Allaha inanmışdır. Belə bir şey ilk dəfə olur. Belə bir fəlakət heç görülməmişdir. Əvvəlcə, bu fəlakətin Mehdi (ə.s)-ın, Allahın “Hadi” adının təcəllisi ilə ortadan qalxacağını görəcəyik.

Şirk, Allaha hörmətdə qüsur işləməyə cürət etməkdir. Hər şeyi Allahın etdiyini bildiyi halda, haşa Allah etməmiş kimi davranmaq çox çirkindir. Şirk sevgiyə hücum olduğu üçün Allah istəmir. Şirk çox böyük ağılsızlıqdır. Allah min bir gözəlliklə bitkiləri, meyvələri, heyvanları yaradır, "yox bunlar təsadüflə yarandı" deyirlər. Bu sevgiyə çox böyük hücumdur.

Heyrətamiz dərəcədə kompleks canlıların təsadüf nəticəsində yarandığını söyləmək tarixin ən böyük məntiq pozğunluğudur. Buna necə inandıqlarını araşdırmaq lazımdır.

Darvinist, materialist təhsilə son verilmədiyi müddətcə dünyanı fəlakətlər bürüməyə davam edəcək. Allaha meydan oxunulan bir üslubdan istifadə edilir (əstəğfürullah), həmçinin bundan dünya səviyyəsində, bütün məktəblərdə istifadə edilir. Adamlar: "Allah yoxdur" deyir. "Darvinin dedikləri həqiqətdir. Təsadüfən yaradıldınız" deyirlər. Bunu Allah bəyənməz. Ona görə də dünyada bərəkət qalmadı. Hər yeri qan, bəla, əzab bürüdü. Getdikcə də artaraq davam edir. Söz eşitsinlər, bundan imtina etsinlər.

Müsəlmanları Quranda təkamül var deyə aldatmağa çalışırlar. Təkamül demək, palçıqlı su içində təsadüflər nəticəsində həyat yarandı deməkdir. Darvinizm təsadüfü haşa İlah qəbul etməkdir. Allahın varlığını açıqca inkar etməkdir. Bu Allahın qəzəbini cəlb edər, Allahın xoşuna gəlməz. Darvinizmi qüvvədən salmağı çətin hesab edirlər. Yanılırlar. Minlərlə, milyonlarla elmi dəlil var, təkcə bu dəlilləri göstərəcəklər.

Təkamül nəzəriyyəsi hal-hazırda tədris planından götürülməyib, təkcə adı dəyişdirilmişdir. Hələ də "təkamül yoxdur, zülal təsadüfən meydana gələ bilməz" deyilə bilmir. 700 milyon fosilin (daşlaşmış qalıntı) olduğu, bu fosillərin təkamül olmadığını göstərdiyi gənclərə deyilə bilmir. Təkamül hər şeyi təsadüflə izah edən xurafatdır. Tək bir zülalın belə təsadüfən əmələ gəlməsi elmi cəhətdən qeyri-mümkündür. Canlıların təsadüf nəticəsində yarandığını söyləmək insan ağlı ilə lağ etməkdir.

Hər şey təsadüflə yarandı deyən darvinizm, dünya tarixinin insan ağlı ilə lağ edən ən bərbad fəlsəfəsidir.

Bir kompyuter necə təsadüfən meydana gəlməzsə, hüceyrə və zülal da təsadüfən meydana gəlməz. Bəzi darvinistlərin sırf etibar üçün təkamülü müdafiə etmələri səhvdir.