Adnan Oktar A9 TV; 25 avqust 2016

Demək olar ki, hər mövzuda şərh verən bəzi kəslər PKK-nın minlərlə insanı şəhid etməsinə, etdiyi zorakılığa, namərdliyə tək kəlmə söz demirlər.

PKK ilə mübarizə təkcə fikirlə olar, təkcə bu zaman müvəffəqiyyət əldə edilər. PKK-nın təməl fəlsəfəsinin qaynağı olan darvinist materialist təhsilin, təhsil müəssisələrində mütləq cavabı verilsin, elmi açıqlama verilsin. Birtərəfli darvinist materialist təhsilə son qoyulmadıqca, yəni bu ideologiyanın elmi cavabı verilmədikcə, terror bəlası bitməz.

PKK-nın həll yolundan anladığı Cənub-Şərqi Anadolu bölgəsində kommunist dövlət qurulması, Öcalanın əfv edilib qatillərin sərbəst buraxılmasıdır. Bunu əsla qəbul etmərik.

15 iyul dövlət çevrilişi cəhdində müvəffəqiyyətli ola bilməyən İngiltərə dərin dövləti indi də Türkiyəni öz aləmində həll yolu prosesinə məcbur qoymağa çalışır. Heç boşuna plan qurmasınlar. PKK-nın istədiyi həll yolu prosesinə heç vaxt qayıdılmayacaq.

PKK-nı təşkil edən də Türkiyənin əleyhinə bütün oyunları planlaşdıran da İngiltərə dərin dövlətidir. Ziyalılarımız bunu açıqca dilə gətirsin.

Cerablusu PKK-ya təslim etməyə istiqamətli bir siyasət yürüdülməsi qəbul ediləcək vəziyyət deyil.

PKK məğlub olmağa məhkumdur. Taledəki yerlərini bilmirlər. Talelərində məğlubiyyət var, yaxında özləri də görəcək.

Türklər, kürdlər, ərəblər, çərkəzlər, hamısı birləşəcək, İslam Birliyi meydana gələcək. Kürd qardaşlarımız bilavasitə öz əlləriylə PKK-nı yox edəcəklər. Kürd qardaşlarımız istədikləri yerdə sərbəst yaşayacaqlar. Qırmızı kommunistlərin onları əzmələrinə icazə verməyəcəyik.

PKK öz tərəfdarlarını siyasiləşdirir və şüurla yetişdirir, bunun müqabilində ideologiyası, inancı və əzmi olmayan nəsil yetişsə fəlakət olar.

PKK özünə inamını itirməmək, daha çox döyüşçü toplayacağı təbliğat aparmaq üçün hər gün mütləq aksiya keçirir. Bir yerdə PKK belə əzmlə mübarizə apararkən, əsgər və polis canları bahasına mübarizə apararkən digər yerdə sanki heç nə yoxmuş kimi davranılır. Bir çox insanın danışdığı mövzu futbol matçı, yarışma proqramı, evlilik və s. olur. Tezliklə milli şüur dərslərinin keçirilməsi və maarifləndirmənin artırılması vacibdir.

Amerika PKK/YPG-ni dəstəkləyərək çox böyük səhv edir, özlərinə də bəla olacaq bir quruluşa dəstək verirlər.

Kürd düşmənçiliyini əsla qəbul etmərik. Kürdlər bu vətənin mərd, mübarək övladlarıdır. Biz PKK-nın alçaqlığına qarşıyıq.

Beynəlxalq qanunlara uyğundursa, bölgə ölkələri də qəbul edirsə, Türkiyə ilə dost, dindar bir kürd dövləti qurulmasından narahat olmarıq. Bizim bölgədə istəmədiyimiz stalinist, marksist, kommunist bir PKK dövlətinin qurulmasıdır. Buna millət olaraq icazə vermərik.

Münafiqlərin oyunlarına, özlərini müsəlman kimi tanıdıb İngiltərə dərin dövlətinə tərəfdaşlıq edənlərə, rumilik fəlsəfəsini yayanlara, İslamın yerinə rumiliyi yaymağa çalışanlara, homoseksuallığı qanuni kimi göstərməyə çalışanlara, Türkiyəni bölmək istəyənlərə, PKK ilə əməkdaşlıq edənlərə, küfr əhlinin istilasını təhlükəli deyilmiş kimi göstərməyə çalışanlara elmlə və irfanla icazə vermədik, verməyəcəyik.

Qaziantep terror hücumu İngiltərə dərin dövlətinin hökuməti devirmək üçün etdiyi çirkin hərəkətlərdən biridir. Quldur kimi PKK-dan istifadə etdilər.

Heç kim ölkəmizi və millətimizi PKK ilə təhdid etməyə cəhd etməsin. Millətin lazımi hüquqi qarşılığı necə verdiyini gördükləri zaman təəccüblənərlər.

PKK-nın hər gün əhvali-ruhiyyəyə ehtiyacı var, buna görə də hər gün hücum edərək güclüyük bizə qoşulun mesajı verməyə çalışırlar. PKK-nın az güclə daha təsirli olmasının səbəbi ideoloji aktivlik və fəallıqdır. Onların bu aktivliyi qarşısında xalqın bir hissəsi yalnız öz evliliyi, məktəbi, işi, futbol matçı dərdində olur. Biganəlik yayıldıqda PKK az güclə təsir əldə edə bilir. Bu biganəlik aradan qalxmalıdır.

Suriyalı kürdlər YPG/PKK-nın təzyiqindən, xainliyindən qaçıb Türkiyəyə gəldilər. Türkiyənin kürdlərə olan rəftarı qoruyucu və şəfqətlidir.

PKK, İngiltərə dərin dövlətinin Türkiyəni yox etməyi qarşısına məqsəd qoymuş qabaqcıl məntəqədir. Biz bu məntəqəni elmlə, irfanla yox edilməsinin lazım olduğunu müdafiə edirik.

PKK göstərdiyi fəaliyyətlərlə öz aləmində, "güclüyük, bizə güvənin, arxası gələcək" imici verməyə çalışır. Buna qarşı birgə mübarizə aparılmalıdır. PKK-ya qarşı birgə mübarizə aparılmalı və bütün vətəndaşlara vəzifələr verilməlidir. Bunu təkcə polis və əsgərlə həll etmək qeyri-mümkündür.

İllərdir ki, terrorun bitirilə bilməmiş olması, terrorun fikrinə qarşı təhsil verilməməsindən irəli gəlir. PKK kommunist təhsillə ortaya çıxan bir fitnədir. Fəlsəfi yolla qalib gələ bilmədiyin bir təşkilata qarşı silahla qalib gələ bilməzsən. Qalib gəlməyin yeganə şərti fikri, elmi mübarizədir.

Rakka Türkiyə ilə əlaqəsi olmayan bir yerdir. İngiltərə dərin dövləti türk ordusunu müharibəyə daxil edib bir tərəfdən itkilər verdirmək, digər tərəfdən isə PKK-ya daha geniş sahə açmaq istəyir. Özlərinin əvəzinə müharibəyə daxil olacaq qüvvə axtarırlar. Türkiyəyə müsəlman qanı axıtdırmaq istəyirlər.

İngiltərə dərin dövlətinin məqsədi Suriyanı parçalamaq, PKK üçün ərazi açmaq və kommunist dövlət qurdurmaqdır. Türkiyə bu oyuna alət olmamalıdır. PKK-nın əlində minlərlə tank vuran var, bunları Suriyada türk tanklarına qarşı istifadə edirlər.

Suriyada İngiltərə dərin dövlətinin oyunu ilə kommunist bir PKK dövləti yaradılmaq istəyirlər. Türkiyənin prioriteti bu təhlükə olmalıdır.

İngiltərə dərin dövləti millətimizin darvinizmə qarşı müqavimətini və imanını nəzərə ala bilmədi. Darvinizmin fikrən çökməsi oyunlarını puç etdi. Əllərindəki digər bir üsul da daxili döyüşlər, bölünmə meydana gətirmək idi. Ələvi-sünni qarşıdurması yaratmaq istədilər, bu oyunları da əllərində qaldı. PKK-dan istifadə edərək bölünməni sürətləndirmək istədilər. Xalqa Öcalanı sevimli göstərməyə çalışdılar, bunun yalan olduğunu izah etdik. PKK-nın əsil üzünü göstərdik, beləliklə İngiltərə dərin dövlətinin əlindəki bütün oyunları puç etmiş olduq.