Adnan Oktar A9 TV; 24 fevral 2017

Eqoizm insan vücudunu çürüdər. Eqoist insan məqbul danışa bilməz, məqbul məntiqi yox olar, sevgi gücünü və dərin düşünməyi itirər.

Qəlb oxşayan, kabil-i xitab (təmas qurula bilən) olduğunu göstərən olmaq əhəmiyyətlidir. İnsanlara yuxarıdan-aşağı baxan, əsəbi insanların təbliğ etməsi təsiredici olmaz.

Eqoist, təkəbbürlü insanların üzündə mehriban, sevgi dolu ifadə yaranmaz.

Gənclərin ruhunda həmişə incəsənət, estetika və gözəllik vardır. Gözəl söz eşitmək, gözəl mühit görmək istəyirlər. İncəsənətin təşviq edilməsi gözəlliyin təşviqidir.

Qorxudan, dəhşətdən usanmış, ölümdən qaçıb gəlmiş insana ən kiçik incidici söz deyilməz. Suriyalılar Allahın bizə göndərdiyi qonaqlardır.

Düşüncə quruluşuna üzv olmaq Qərbdə çox göstərişli bir şey kimi qəbul edilir. Öz aləmlərində dünyanı idarə etdiklərini zənn edirlər. Hər hansı düşüncə quruluşuna üzv olmaq göstəriş və mühit qazandırdığı üçün bəzi insanlar bu strukturların arxasındakı zehniyyəti də qəbul edir. Bunların böyük qismi bir yerə toplandıqları zaman xalqa yuxarıdan aşağı baxan, homoseksual zarafatlar edən, darvinizmi müdafiə edən üslub hakim olur. Bu kəslərin sosial mediadakı paylaşımları da özlərini ortaya çıxardır. Məsələn, şərab olan bir fotoşəkli, homoseksual şeiri və s. şeyləri bəyənirlər. Beləliklə müsəlmanların yanında olarkən bu azğınlıqlara qarşı olduqlarını deyərkən, onlara əslində dəstək olduqlarının işarəsini verirlər.

Hər zaman ağıllı üslub əsas olmalıdır. Lovğa üslub yalnız qəzəbləndirər, nəticə verməz.

Əzəmətli, eqoist, təkəbbürlü, “ziyalı”, lakin eyni zamanda da ədabaz bir üslub, insanları bəyənməyən bir üslub; bu bir ruh xəstəliyidir. Yəni münafiq xarakterli bir ruhun çirkidir. Buna görə də, bütün möminlər üçün bu cür hərəkətlərdən çəkinmək mühüm məsələdir.

İnsan nəticədə ətdən, sümükdən əmələ gəlmiş bir varlığın görünüşüdür. Eqoistlik, təkəbbürlülük edəcək halı yoxdur. Bunu edən üçün çox böyük zəiflik olar. Bir məntiqi də yoxdur. Böyük olan Allahdır. Allahın yanında insan heç nədir.

Təkəbbürlənənlər alçaldılar, sürünər; təvazökar insanlar da həmişə uca yaşayarlar.

Münafiqlər eqoist olduqları üçün haşa Allahı məğlub edən olmaq istəyərlər. Şeytanın xüsusiyyəti nədir Quranda baxdığımız zaman? Haşa Allahı məğlub edən olmaq. Münafiqlər də həmişə haşa öz aləmlərində Allahı məğlub etmək əzmindədirlər.

Münafiqlər dəhşətli dərəcədə təkəbbür hissi içindədir. Haşa özlərini Allahdan böyük hesab edərlər.

Özünü böyük hesab etmək, lovğalanmaq, özünü tərifləyərkən də qarşısındakını vicdan yaxud mərhəmət tərəfini az göstərmək münafiqin xüsusiyyətidir. Özünü həmişə zərər çəkmiş kimi göstərər, mömini də insanları incidən kimi göstərər. Belə əxlaqsızlığı vardır.

Bəzi müsəlman görünüşlü insanlar o qədər öz rahatlığına düşkün olur ki, münafiqlə bağlı ayələri eşitməyə belə dözə bilmirlər. İslama, Qurana söz deyildikdə vecinə olmur. Özünə söz deyilsə dərhal reaksiya göstərər. Bu çox çirkin əxlaqdır.

Münafiq küfr əhlinin yaltağı olar, müsəlmana şəfqət göstərməz. Küfr əhlinə qarşı acizdir, müsəlmana qarşı dikbaşlı və təkəbbürlüdür. Küfr əhlini tərifləyər, İslamı müsəlmanları heç vaxt tərifləməz, gözəl söz söyləməz.

Nifrət dolu insanlar gözəl insanı və gözəlliyi təqdir edə bilməz və onların ağzından gözəl söz çıxmaz. Murdarlar dəstəsindən gözəl söz gözlənilməz. Murdarlar dəstəsinin murdarlığı həmişə öz başına tökülər.

Peyğəmbərimiz (s.ə.v) dövründə müşriklər və münafiqlər, zəif ağılları ilə Quranı bəyənmirdilər. Peyğəmbərimiz (s.ə.v)-dən Quranı dəyişdirməsini istəyirdilər. Buna görə də, Peyğəmbərimiz (s.ə.v); "məndən bir söz yazmayın" deyə vəsiyyət qoyub getmişdi.

Özünü böyük görəni Allah kiçildir. Özünü kiçik görəni də Allah böyüdür. Mömində eqoistlik olmaz, böyüklük hissi olmaz.

Gözəl sözdə tutum olmaz. Təkrarlanmış da ola bilər. Sevgi onsuz da təkrarlanandır. Təkrar-təkrar deyilməsi lazımdır. Məsələn, "səni sevirəm" ömürdə bir dəfə deyilməz, dəfələrlə deyilər.

Müsəlmanda dağıdıcı üslub olmaz. Allah "sözü onlara gözəlliklə söylə" deyir. "Sərt şəkildə söyləmə, yoxsa ətrafından dağılıb gedərlər" deyir.

Əgər sözlərinin konstruktiv, faydalı olmasını istəyirsənsə, Quran mülayim bir üslubu əsas tutur. Yəni sözü gözəlliklə söyləmək, mülayim şəkildə söyləmək, şəfqətlə yaxınlaşmaq Quranın əmridir.

Sözün təxribat gücü şiddətlidir. Söz insanları çox kədərləndirə bilər. Mümkün qədər yaxşı, məqsədəuyğun, məqbul, doğru, mehriban, coşğulu, ümidvar, həyəcanlandırıcı, şövqləndirici və insanları xoşbəxt etməyi hədəfə alan gözəl sözlər danışaq.

Müsbət düşünmək, müsbət danışmaq gözəl olar. Təhrik edici şəkildə danışmaq, məncə, yaxşı deyil. Şüuraltında insanlarda pis duyğular yaradır. Hər nə qədər əhəmiyyətsiz hesab etsələr də şüuraltına o yerləşir.

Gözəl sözü bol istifadə etmək israf deyil. Rahatladan, gözəl sözləri bolluca işlətmək lazımdır.

Ehtiras iman əhlinə məxsus çox gözəl duyğudur. İman gətirənlərin gözlərindən bir-birlərinə ehtiras axar.