Adnan Oktar A9 TV; 28 oktyabr 2016

İman və Quran gözüylə baxmayan, axirətdən heç bəhs etməyən insanlar bir müddət sonra təkcə əzablardan bəhs edən vəziyyətə gələrlər. Bu cür insanlardan olmamaq üçün Allaha dua etmək, Allaha təslim olmağı istəmək lazımdır. Təkcə əzablardan bəhs edən insanlar Allaha sığınsınlar, yoxsa Allahdan bəla olaraq ruhları iztirab içində çökər, qaranlıq hala gələr.

Hər cəmiyyətin bir lideri və öndəri olmuşdur, axirətdə də insanlar öndərləriylə çağırılırlar.

Mehdiyyətə zidd olmaq, İngiltərə dərin dövləti tərəfdarlığından ötrü bəziləri müsəlmanların liderinin olmasını istəmirlər.

Buddistlərin lideri var, musəvilərin, masonların lideri var, böyük şirkətlərin belə bir lideri var, niyə müsəlmanların lideri olmasın?

Müsəlman elm, irfan, hidayət, gözəllik verilənlərin yoluna yönəldilmək üçün dua edər, qəzəbə uğramışların, azmışlarınkına deyil.

Allah Quranda müsəlmanların çətinlik dövründə xilaskar istədiklərini bildirmişdir. Xilaskar üçün dua etmək Allahın əmridir.

Allahın zikr edilməsi, heç unudulmaması, çox sevilməsi, dua ilə əlaqədə olmaq, Allahın əmrlərinin yerinə yetirmək vacibdir.

İslam Birliyində idealımız ölkələr arasında minalanmış sərhədlərin, divarların aradan qalxması, bütün müsəlmanların bir sevgi lideri ətrafında birləşməsidir.

Allahdan sənətini daha çox bilməyi, yaddaşımızda daha çox saxlamağı və sənətinə heyrət etməyi həmişə istəmək lazımdır.

Allahın sənətini bilmək çox mühüm məsələdir. Allahın sənətini bilmək, yadda saxlamaq və heyrətini yaşamaq üçün dua etmək lazımdır. Allahın sənətinin heyrətini yaşamamaq bir növ mənəvi xəstəlikdir. Allahın sənətinə heyranlıq duymaq imani dərinliklə mümkün olar.

Allahın qədrini layiqincə təqdir edə bilmək üçün dua etmək lazımdır. Allahdan, sənətini yadda saxlamaq üçün yaxşı yaddaş, qədrini layiqincə təqdir etmə qabiliyyəti, sənətini gözəl görmə və heyran olma qabiliyyəti istəmək lazımdır.

"Ey Rəbbim, mənə və bütün müsəlman qardaşlarıma" deyə dua edilər. Təkcə özünə dua etmək olmaz, çünki bütün möminləri cəhənnəmdən qurtarmaq üçün səy göstərmək fərzdir.

Bütün möminləri qurtarmaq üçün səy göstərmək və dua etmək vəlayətin tələbidir.

Allah şeytanın insanlar üzərindəki cadusunu yox etsin, Dəccalın cadusunu yox etsin. Allah dəccalı qəhr, pərişan etsin. Müsəlmanları dünya səviyyəsində müzəffər etsin.

Müsəlmanlar İslam Birliyi üçün, Mehdi və İsa Məsihə tezliklə qovuşmaq üçün dua etməlidir. Digər müsəlmanlarla vuruşmaq deyil.

Müsəlmanların mənəvi liderinin olması lazım olduğu, müsəlmanların bu mənəvi lideri göndərməsi üçün Allaha dua etmələri Quranda bildirilmişdir.

Bir xilaskar gözlənilməsinin Quranda yer almadığını söyləmək tamamilə səhvdir. (Nisa surəsi, 75: Sizə nə olub ki, Allah yolunda və: "Ey Rəbbimiz, bizi xalqı zalım olan bu şəhərdən çıxart, bizə dərgahından vəli (qoruyucu sahib) göndər, bizə dərgahından yardım edən yolla" deyən kişilər, qadınlar və uşaqlardan aciz buraxılmışlar uğrunda vuruşmursunuz?)

Müsəlmanların başsız qalması böyük təhlükədir, müsəlmanların hal-hazırda bir lideri olsa belə qırğınlar yaşanmazdı.

Türkiyənin canlı, dinamik, çevik ruha ehtiyacı var. Bunun üçün əzm sahibi liderlər qiymətlidir. Durğun, içinə qapalı quruluş Türkiyəyə olmaz.

Aparıcı ölkələrin liderləri bir yerə toplansa; “gəlin müharibə üçün pul xərcləmək əvəzinə, yaxşılıq, gözəllik üçün xərcləyək” desələr dərhal qəbul edilər. Təyyarələr, döyüş gəmiləri, bombalar, raketlər emal edilir. Müharibə üçün fövqəladə zəhmət çəkirlər. Bu böyük dəlilikdir. Dostcasına yaşamaq, sülhü təmin etmək çox asandır.

Türkiyə həm mövqeyi, həm tarixi, həm də sahib olduğu mədəniyyət və əxlaqla lider olacaq ölkədir. Lakin bu sevgi liderliyi şəklində liderlikdir.

Milli bir lider ətrafında birləşmək çox mühüm məsələdir. Buna görə də, Tayyib hocamın ətrafında tərəddüdsüz birləşək.

İslam aləminin birləşməsinə mehdiyyət deyilir. Mehdiyyət İslam aləminin birləşməsinə bərabərdir. Başındakı liderə də biz, hz. Mehdi (ə.s) deyirik.

Nur surəsinin 55-ci ayəsində və digər ayələrdə də açıqca bildirilib, İslam aləmi birləşəcək. Müsəlmanlar Quranda: "Ey Rəbb bizi təqva sahiblərinin öndəri et" deyirlər. Deməli, İslam aləminin bir öndəri, bir lideri olur. Quranda lidersiz heç bir cəmiyyətdən bəhs edilmir, hər cəmiyyətin lideri var. İslam aləminin də bir lideri olacaq. İnkar edəcəkləri vəziyyət yoxdur.

Xütbələrdə mehdiyyət və dəccaliyyətin inkar edilməsi də, Peyğəmbərimiz (s.ə.v)-in xəbər verdiyi Mehdinin zühur əlamətlərindən biridir. Hz. Saab ibn Cəssamə (r.ə)-dən rəvayət edildi: Dəccal, insanlar tərəfindən haqqında bəhs edilməkdən imtina edilmədikcə və imamlar da minbərlərdə ondan bəhs etməkdən imtina etmədikcə zühur etməz. (Ramuz el Hadis, səh. 485)