Adnan Oktar A9 TV; 20 aprel 2013

Yəhudi, xristian fərqi yoxdur, canlarımıza sahib çıxın. Dünyanın hər tərəfində çox əzilirlər. Öz paltarları ilə çöldə gəzəndə lağ edirlər, küfr edirlər. Çox sayda dinsiz, ateist var. Onun üçün hər yerdə şəfqət, mərhəmət göstərin və sahib çıxın.

Xristianlara çox şəfqət göstərək. Onlar günahsızdır, canımızdır. Çox nadir, orada-burada kiçik kilsələri var. Lağ edənlər olur, əzənlər olur. Çətin şərtlərlə Allaha olan inanclarını qorumaq, Allaha olan sevgilərini ifadə etmək üçün cəhd göstərirlər. Çox şəfqətli davranın. Mərhəmətlə, sevgi ilə davranın. Hər yerdə qardaşlarımız qorusunlar.

Şəfqət sakitləşdiricidir, şəfqət ağılı açar.

"Məhv olsun PKK!" deməklə heç nə əldə edə bilməzsən. Əksinə, belə desən, PKK böyüyər. Kitabla, CD ilə, elmlə, mədəniyyətlə darvinizm-materializmə qarşı mübarizə aparsan, lap başda zəhərin axmasını dayandırarsan. Əks təqdirdə istədiyin qədər qışqır, çığır, əksinə qat-qat inkişaf edər. Elmlə, mədəniyyətlə, mərhəmətlə, ağılla, nəzakətlə, şəfqətin gözəlliyi ilə məsələ kökündən həll olar. Şəfqət sakitləşdiricidir, ağılı açar.

PKK İslam Birliyini bir dəfə ön plana alsın. İslam Birliyi olanda, İslamın şəfqəti, mərhəməti bölgəyə hakim olanda onların ağıl verməyinə ehtiyac da qalmayacaq. Hər kəs rahat olar. Məhkum olan, hətta məzardakı belə rahatlaşar. Kimsə ağrı-acı çəkməz. Onlar bunu tam aradan qaldıra bilmirlər. Müsəlman onsuz da şəfqətli, mərhəmətlidir. Mehdiyyətin, İsa Məsihin şəfqətinə güvənsinlər. Nə Mehdi, nə İsa Məsih heç kimə zülm etməz. Onlar kiminsə çətinliyindən xoşbəxt olmazlar.

Xristian qardaşlarımıza coşğu ilə, sevgi ilə sahib çıxaq. Qardaşlarımız hər yerdə qorusunlar. Bazarda, ictimai yerlərdə, hər yerdə hörmət göstərsinlər. Qonşuluq bağlarını möhkəmlətsinlər. Allah xristianlarla, yəhudilərə şəfqətlə davranmağımızı istəyir. Əhli-Kitaba şəfqətlə davranmağımızı istəyir.

Elə bir zaman gələcək ki, Kitab əhlinin hamısı toplu şəkildə İsa Məsihə inanacaqlar, inşaAllah.

Şəfqət, mərhəmət və mülayimlik Allahın Quranda ən çox bəhs etdiyi mövzulardandır.

Amerika və İsraillə dostcasına davranmalıyıq. İsrailin dindarlığını nemət hesab etmək müsəlmanın xüsusiyyətidir. Yəhudilik, əsasən, İslama yaxın bir dindir.

Tək çıxış yolu şəfqət və mərhəmətdir. Şiddəti dəlilər tətbiq edər.

Dindar olmalarına görə, “Allah birdir” demələrinə görə, peyğəmbərlərə inandıqlarına görə İsrail millətinə, İsrail xalqına sevgi bəsləyib, onları qorumağı vicdanın, ağlın, Quranın ruhunun təzahürü sayıram.

Ədalət təkcə müsəlmanı deyil, xristianı, yəhudini, ateisti, kommunisti də qorumaqdır.

Biz İsraildə dinsizliyin inkişafına göz yuma bilmərik. Təbii ki, dindarları dəstəkləyəcəyik. Amma qatı dinçiliyin də İsraildə inkişafını istəmirik. O da Moşiyahla, yəni Mehdi ilə olacaq. Moşiyah Mehdinin gəlişi ilə İsraildə qatı dinçilik də qalmayacaq, inşaAllah.

Misirdə İsrailə qarşı da şəfqət siyasəti göstərilməlidir. İsrailə əbəs yerə mənfi münasibət bəsləmək dinə uyğun deyil. Əhli-kitaba qarşı şəfqət Quranın əmridir.

Yəhudilərə, xristianlara qarşı qəzəbli olmaq günahdır.

İhvan İsraillə münasibətlərini düzəltsin. İsrailin dindar yəhudi və xristianlarını dəstəkləsin. Peyğəmbərimiz (s.ə.v) yəhudilərə şəfqət göstərirdi. İsrailə şəfqət göstərmək Quran əxlaqının vəzifələrindəndir.

Quranın yetərli olmasına inansan xurafat, qatı dinçilik də aradan qalxar. Quranın yetərli olduğunu qəbul etsən şiəni, ələvini, vəhhabini də sevərsən. Hamısını canından olan kimi qəbul edərsən. Çadralı xanımları da, başı açıq xanımları, dekoltə geyinən xanımları da başımızın tacı etməli, hörmətlə yanaşıb sevgi göstərməliyik. Onları narahat etmək olmaz.

Yəhudiləri zəif görüb onlara qarşı nifrət siyasəti yeritmək zülmdür, çox qorxuncdur. Zülm, zülmü gətirər. Bir ovuc yəhudiyə şəfqətlə, mehribanlıqla, incə ruhla yaxınlaşmaq, Misirdəki o gərginliyin azaldılmasında çox əhəmiyyətli, əsas səbəblərdən biri olar.

Qatı dinçilik zehniyyəti içində yəhudi düşmənçiliyini guya müqəddəs hesab edənlər var. Yəhudilər Kitab əhlidir, Allah onlara zülm edilməsinə razı olmaz.

Daha müvəffəqiyyətli, bərəkətli hücumlarımız olacaq. Radikal, mərhəmətsiz, zorakı bir düşüncə aradan qalxacaq, dünyanı cənnət kimi edəcəyik, inşaAllah. Dünya sülh yurdu, bayram yeri kimi olacaq.

Zorakılıqla məşğul olanlara müsəlman deyilməsi də səhvdir. Dəhşət sistemini, şiddət sistemini müdafiə edənlər də müşrikdir. Yəni Paqan dininə mənsubdur. Müsəlman bunu etməz, müsəlman Qurandakına əməl edər.

Allah Quranda, İncildə və Tövratda da qullarının xoşbəxt olmasını istəyir. Ağrı, iztirab çəkmələrini istəmir. Cənnəti yaratdığına görə xoşbəxt olmağımızı istəyir.

Ağrını, əzabı Allah müsəlmanlara haram qılmışdır. Müsəlman bunu istəməyəcək. Başqasına da, özünə də ağrı-acı çəkdirməyəcək. Allah "Allah insanlara zülm etməz, insanlar ancaq özlərinə zülm edir" deyir.

Xristianların heç biri üçləmə inancına inanmaz. Danışarkən hamısı "Allah birdir" deyirlər. Hamısının ürəyində də gizli bir hz. Məhəmməd (s.ə.v) sevgisi var.

Bizim millətimiz aslandır. Aslana tülkü yanaşmaz. Tülkü zəif görəndə hücum edər. Gücsüz varlıq görəndə gedib üstünə hücum edər. Bu millət aslanlığını qiyamətə qədər davam etdirəcək. Tülkülər gəlib qaçacaqlar.